Ụhịrẹyị 17:13 - IWE ỌNỊNỊ

¹³ Ọza anaā sịị ọhịmị sị atọ ọyịza, ịrẹyị odivi ẹ yị mā vana ta hụrẹ irehi pàá.

Ụhịrẹyị 17:13 Referans Kwoze

Aniroomi 12:17

Ọza ọ̀ọ mẹ wụ nịnị ịsa odivi, asị u sị odivi sí ọọ atọ nịnị! Waa mẹ avaba ịsa ana aza dọ ka hịịn, ịzẹyịza yọ nị!

1Ipita 3:9

Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị.

Ahẹ Ụgama 35:12

Màa mẹ wa ọyịza, dị ẹ sị odivi si mi atọ e yee sì ka ẹnị ẹ̀ dọ mị ụhwẹ.

Ahẹ Ụgama 38:20

Aza hi ịzọọ ana ahịka màa mẹ wa ọyịza, ịsa odivi e yee sii si mị atọ nị Màa dụ ka ò zoza yị wa, dị eni ee du mi ịrẹsụ.

2 Ịsamụwẹrị 12:10

Yẹ oo, ka ịrẹkụ ọ mā vana ta hụụnị eehi awụ pooro. Ẹnẹyịmavara kà wâ sị eyi wụ ọnị dị ụ na dọ Uriya Anihiti ose anị dị ụ nyị ọ nị.

1 Ịsamụwẹrị 24:17

Dị ọ ka, “Idevidi, ẹwa mẹ̀ ebira ana vọrọ, dị ẹmị sị ụsẹ evita nị. Wâ mẹ̀ ebira ozoza hi mi, dị ahịka ọhịmị mị sị si wu atọ nị

1 Anịtẹsaronika 5:15

Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị.

Imatiwu 27:5

Dị ọ và ẹkẹhị ẹnẹẹ hi ẹtẹ ini irehi Ohomorihi, dị ọ na, di o ne zù obo yị ẹngụ anị nị.

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

1 Ịsamụwẹrị 19:4

Ijonatani ộ kà ọyịza Idevidi yị Ịsọọrụ ada anị. Ọ kà, “Taarụ, asị a nyị ịsị ụ sị mẹ Idevidi agụvị ka ẹ yị nyị ọ mẹ̀ kà wụ. Avaba ịsa oni Idevidi mẹ vị ọnị ọ nyayịnẹ sị mẹ ọgụvọ wụ.”

1 Ịsamụwẹrị 25:21

Idevidi ọnị vị ana vịdị aa kà a ka vi ọnị sere ịsụpa Ịnabarị ọọhẹ kẹnẹ ịnị ụnọmị, dị ọnị ọ̀ yị zẹẹ ka à nyị ene vu nị. Ọ kà ọyịza ọnị ọnị mẹ̀ ẹ, odivi o ve si si ọnị atọ nị.

1 Ohinọyị 21:22

Irehi awụ vị ọnị ọnị vaa mẹ anka irehi Ijerobowami ozi Ịnabọtị ọnịrị irehi Asa ozi Ahaya. Ọ kà ọnị vavọọ vaa mẹ agụvị ayị ọnị wụ mẹ kụ́ ọnị ọnịrị ebira odivi ọnị Anisirẹrị mẹ.

Ụhịrẹyị 13:21

Odivi oō du ọza ọhịmị echi nị ama ọnịzẹyịza vị eneē re ọyịza.