Ụhịrẹyị 17:11 - IWE ỌNỊNỊ

¹¹ Aza ọhịmị vị enee si ka ẹnị ẹ̀ẹ kụ̀ụ hịrẹ ọdọvịdị, ama ụya anị vị ọnị ọ vaa rị ẹtẹẹtẹrẹ.

Ụhịrẹyị 17:11 Referans Kwoze

2 Ịsamụwẹrị 18:15

Dị ẹnị ẹẹwụ ịnị ẹnị ana aā za ẹnya ịrẹkụ gụ Ijowabi wụsẹ tara kara Abịsarọmị, dị ẹ và ịsa hí ọ ẹngụ, di o sú nị.

1 Ohinọyị 2:46

Di ohinọyị mẹ ọda yị Ịbẹnaya ozi Ijehoyada, dị ọ jịnẹ na dị ọ va ịsa hi Isimeyi ẹngụ, dị o sú nị. Ẹnẹyịmavara ộ mẹ̀ ka ohinọyị oni Isoromọnị rị ọ nyayịnẹ jẹẹ ẹtẹẹtẹrẹ.

Iruuku 19:27

Ama ọnịvị amị ẹnẹnị ana ka eni e yi sì ka ma vị ohinọyị ẹnịnị aanị, kụ́ wa vẹ ọ́vịdị amị ịzẹnị, dị ụ wa wụ̀ wa nịnị!’ ”

Imatiwu 22:7

Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị.

Imatiwu 21:41

Dị ẹ kà a yị Ijeesu ka, “Vị aa wụ̀ aza edivi ẹnẹẹ ha piti-piti, dị ọ sị ụbazị anị rere aza ẹnẹsa ana vaa sị ẹtụtụ anịị vaa yọ, ụmẹ òo si tù nị.”

1 Ohinọyị 2:31

Di ohinọyị ka, “Ộ mẹ̀ kà, wụ vavọọ mẹ̀ ẹ. Và ịsa hi ọ ẹngụ, di we ne e. Ijowabi ộ wụ̀ aza ẹnẹ ẹ̀ yị nyị ịsị ẹ mẹ̀. Wàa vavọọ mẹ̀ ẹ, oponu isu aza ẹnẹẹ sị hụụnị ịrẹsụ amị ọnịrị ịrẹsụ ada amị.

2 Ịsamụwẹrị 20:22

Ịzẹyịza ọnẹẹ ọnọọ ọ sị eto mẹ, dị ọ sị eto ọnọọ ne tù avaba aza anị nị. Dị ẹ na jị Ịsẹba ozi Ibikiri ịrẹsụ, di e ne e yị Ijowabi nị. Di e hú ọpanyị, dị ẹ navọ ẹkụra ọnọọ, dị ọzọza varẹma aa nọ udi anị nị. Di Ijowabi ọnị varẹma nọ Ijerusarẹmị ne tù ohinọyị nị.

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

2 Ịsamụwẹrị 18:19

Ịjị a vavọọ sị Abịsarọmị wụ, dị Ahimaazị ozi Ịzadọkị va kà a yị Ijowabi dị ọ ka vị ọnị ka ọnị ọ̀ na kà ịsị ẹ mẹ aanị yị ohinọyị nọ, ka Ẹnẹyịmavara ọ sị ọ dọ tụ́ hụụnị ụvọ ọnịvị anị.

2 Ịsamụwẹrị 15:12

Abịsarọmị maa mẹ̀ ịsọvọ, dị ọ tụ́ na hị́ Ahitohwẹrị ana vi Anigiro ka ọ̀ hụrẹ Igiro ana vị ẹkụra anị vẹ ịnị ịsọvọ ọnị ọnị aa mẹ nị. Ahitohwẹrị vi ọnịwọjị Idevidi. Ịrẹkụ ana Abịsarọmị jị ẹnya anị aa nyị ụkataa hu avọọ, dị aza ana aa saasa Abịsarọmị raa rụrụụ hu avọọ nị.

Ụhịrẹyị 17:10

Aa tụ ọyẹrẹyị ohuvọ ụpẹ ọnya ọ zụ zị ọ ẹngụ huni èe tu ọnụra inori ụpẹ ẹchẹhị.

Ụhịrẹyị 17:12

Ọ vana dahi ka ọza ọ na gẹrị ọdụmị ana za ezi anị hu ka ọ na va eyi ka anayọkatẹngụ ọnụra.

Ụhịrẹyị 24:21

Ozi emi, nyị angwahi Ẹnẹyịmavara ọnịrị ohinọyị. Asị ụ zị ògù aza anaa mẹ̀ akamawụ hị́ wa.