Ụhịrẹyị 16:7 - IWE ỌNỊNỊ

⁷ Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.

Ụhịrẹyị 16:7 Referans Kwoze

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

1 Ịjọọnụ 3:22

Ịsị yèe họ̀ use hụụnị ụvọ anị, ọ raa sịị yị, agụvị ka yaa saasa ọda anị; ị raa mẹ̀ ịsa ene zée eyi.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

2 Ịtọpa 17:10

Dị Ẹnẹyịmavara tụ́ anẹkụra ana kara Ijuda angwahi, dị ẹnịnị ẹ yị nyayịnẹ beri wa kụ́ ịrẹkụ nị.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

Ijeremaya 15:11

Ọ kà, Ẹnẹyịmavara, àa vị ka ọnị ẹ yị hẹkẹ wụ a mẹ vọrọ, dị ahịka, ẹ́ yị vị ọnị aa dá ịpẹẹ wụ ọnịvị anị nịnị mẹ hi ịnị ẹngụkata ọnịrị eyovi nị, avaba ozirenu ẹnịnị ẹ va za ọnị ịzẹyịza.

Oyinyima 33:4

Ama di Iisọ zwe na gẹrị Ijekọvụ, dị ọ hara a kú ayị nị. Dị ẹnị ẹyịva mẹ orere kẹ̀ di eyee sụ́ ùnè nị.

Oyinyima 32:28

Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.”

Anikorasi 3:20

Ẹwụ nịnị ezi, ịsa tụra ịsa ọnị ọza ana ma wụ nịnị ọ̀ọ kà a wụ nịnị, waa wụ́ nịnị; agụvị ka ịsị e zé Ohomorihi eyi ọ vị ọnọọ nị.

Anihwiripi 4:18

Ẹpahwịrọdịtụsị ộ sị avaba ịsa ọnị ụ sị tụ́ ọ va yị mị. Avaba ịsị mee sì saka-saka, ma sị ọ nyị booro aanị; ọ́ọ hyakụ si huna ọpa oni mee sì. Ẹyịza ẹnẹẹ vị ana sị mẹẹ anka ịsa ana ahụ anị zoza avọọ; vị ọ rẹ yà anka ịsọvọ ene zé Ohomorihi eyi ẹtẹẹtẹrẹ avọọ nị.

Ahẹ Ụgama 69:31

Ọnọọ o vee zee Ẹnẹyịmavara eyi hu ka ma sị imaaru va yọ nị. Ô zee e eyi huna imaaru ene si ọpanyị nyị ana rụra mẹ̀ ịsọvọ.

Oyinyima 27:41

Iisọ vị ana kụkụ nyayịnẹ aa kụ́ ayị Ijekọvụ agụvị aduwa ana ada anị mẹ yọ. Di Iisọ ka a ịnị ayị anị ka ma yẹ ka ada anị ee vee sú. Òo wusu, dị ọnị wụ Ijekọvụ ọyịnyara anị.

1Ipita 3:13

Sị ọza nyẹngụ sị mẹ wụ nịnị, wàaa sịị vụrị ka wa mẹ̀ ịsa ana vọrọ nịnị?

Ọyịkụra 3:21

Ọ rẹ ka ọnị vaa mẹ ka Anijipiti ẹ̀ sị eyi ọyịza re wa ẹ̀ẹ yaa na. Ọ kà ẹnịnị ẹ yị vaa na avọ osusu.

Ụhịrẹyị 3:17

Ịrẹyọyẹ vị anaa mẹ̀ ẹhẹ hine ọza, dị ọ sị ayị ọza nẹtẹ.

Ụhịrẹyị 16:8

Ịsa chee ọnị ọza sị ẹhị anị si ọ mẹ̀ hu ẹkẹhị ọdẹngụ ọnị ọza sị asuvu nyị nị.

Ijeremaya 39:12

È ne si Ijeremaya, dị ẹ̀ sị ụvọ ozoza za a. Ọ kà asị a mẹ̀ ẹ ịrẹyị, ama ịsị oo họ̀ use anị kẹnẹ, ọ̀ mẹẹ yị ọ.

Ijeremaya 42:12

Ẹnẹyịmavara kà, agụvị ka ọnịị vayị ọza, ọnị vaa mẹ ka ọ̀ vayị awụ nịnị, dị ọ navọ wụ nịnị ka waa nọ echi awụ nịnị.

Ịdanịyẹrị 1:9

Ohomorihi ộ mẹ̀ ka Asipenazi ọ ngụ ayị ịdanịyẹrị ẹtẹẹtẹrẹ.

2 Ịtọpa 20:30

Avọọ Ijehosahwati mẹ̀ ịjọva ịnị ẹngwọọrọ, dị Ohomorihi sere e ẹngụ ọmọọma.

Ẹzịra 8:36

Ẹnịnị ệ sị ọda ọnị Ohinọyị mẹ̀ na yị Ịgọvọnọ nịnị ẹnịrị ọdọvịdị akẹnẹ irehu Iyuhwuretisi nịnị ana gụ wa ụvọ dà irehi Ohomorihi.