Ụhịrẹyị 16:32 - IWE ỌNỊNỊ

³² Ọza ọnị ayị anị nẹtẹ o huna ọza ana nyị ụkata nị; ọza ana zụ sị ụvọ za ẹngụ anị o huni ọza ana nyị avaba ẹkụra nị.

Ụhịrẹyị 16:32 Referans Kwoze

Ijemiisi 1:19

Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.

Ụhịrẹyị 15:18

Ọnọyịkụ vị anaā kụ́ ahankata hi ẹtẹ ama ọza ọnị ayị anị nẹtẹ oo ji ịrazị nị.

Ụhịrẹyị 25:28

Ọza ọ̀ọ ya dị ọ̀yị ma zụ sị ụvọ za ẹngụ anị nị, vị ọza ọnọọ sị mẹ anka ẹkụra ọnị ọza ọ̀ yị jị ọvọ kara, dị ọ tịtẹ chaha avọọ nị.

Ụhịrẹyị 14:29

Ọza ana yẹ ịrẹyị ọ yị mā hụra ku ayị ama ọnọyịkụ vị ana a sị ututu anị zụ̀.

Aniroomi 12:21

Asị ụ zẹẹ ka ịsa odivi ọ̀ nyị ẹbẹẹba awụ nịnị; ama ẹwụ nịnị ọ̀ sị ịsa ozoza nyị ehuna ịsa odivi nịnị!

Ụhịrẹyị 19:11

Ịrẹyọyẹ vị anaa sị ayị ọzaa nẹtẹ, ọza anaa sị eyi hụụnị ịrẹyị aā sị ụbanyị yị nị.

Ahẹ Ụgama 103:8

Ẹnẹyịmavara vị anaā vayị ọza ẹtẹẹtẹrẹ, ọ mā hụra kụ́ ayị, ama oō sì ịrẹyị ọza ẹtẹẹtẹrẹ.

Anẹhwẹsọsị 5:1

Ezi Ohomorihi oni o sì ịrẹyị anị ụ vị nịnị nị. Agụvị avọọ, waa mẹ ebiraa véné ebira Ohomorihi nịnị.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ụhịrẹyị 16:19

Ó vi ene zoza ka ọza ọ sị ịrẹsụ nẹtẹ beri onosiye nịnị hụụnị ka ọnịrị aza ana sị ẹngụ tụ ẹba ẹẹ sị ụkata dọ ogu aza mẹ̀ ẹnịnị nị.

2 Ohinọyị 5:12

Ịrẹma ọnọọ, ọ ka, aanị ka, ẹ yị vị okuha ene hi Ịdamasịkọsị ana aā hị́ Abana ọnịrị Ịhwapa e zoza huni okuha ẹnyẹẹnyị ẹtẹ Isirẹrị? Á vị ọnị ẹ̀ yị yaanị zụ hụ enyi ịnị ẹnịnị, dị ẹngụ anị ọ̀ taa?

Ụhịrẹyị 16:31

Ẹwa vị ụbanyị yị ọza ene bo tu ọ; aha ọ vị ka ọza ọ ra ẹhẹ ọyịza nị.

Ụhịrẹyị 16:33

Yaa nyẹngụ ee rò aayị ama ịsị ẹ vaa mẹ vị ana ya ịnị ụvọ Ẹnẹyịmavara.

Ịrẹyị Ọzwọzịsa 7:8

Ẹzẹtẹ ịrẹyị ọ nyị ụbanyị huni oyi nyima anị nị. Avọọ usuuru ọyị nyị me zoza huni ka ọza ọọ sị ẹngụ tụ ẹba nị.

Ụhịrẹyị 25:15

Ayọnẹtẹ aa sị dọ ohinọyị ayị nị. Ịrẹyị anaa sị ụmẹnụmẹnẹ ka ọzaa sẹdẹ yị nị.

Ịrẹyị Ọzwọzịsa 7:9

Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị.