Ụhịrẹyị 16:28 - IWE ỌNỊNỊ

²⁸ Aza ọhịmị vị anaā kụ ọza ịrẹsụ nya ẹngụ; ẹ́ẹ sị ireche jị ụna ọọtọta ana sị ayị yị ẹngụ nị.

Ụhịrẹyị 16:28 Referans Kwoze

Ụhịrẹyị 17:9

Ọza anaā vagu ọza ana mẹ̀ ẹ ịrẹyị vị anaā mẹ ka aza ee sì ịrẹyị ẹngụ, ama ọza anaā vàa tụra ịrẹyị pooro kẹnẹ vị anaā dụ aza hụrị ẹngụ.

Aniroomi 1:29

Avaba ebira odivi vị ana yarị wa. Ẹyaa sẹ̀ ịrẹka, ẹyaa mẹ̀ ịsa edivi, ẹ rẹ yaa mẹ eyọhụrẹ, ệ nyị ayị odivi, dị ẹyaa kụ̀ ụhị pooro. Ẹyaa wụ̀ ọza, ẹyaa zyaazị, di eyee vene ọza, di e re yee sì ka eni ee du ọza ịrẹsụ. Dị ẹyaa kụ́ ọza ịrẹkaa zị,

Ụhịrẹyị 18:8

Ịrẹyị ịrẹma ọza ọyị kà a hine ẹtẹẹtẹrẹ; aza hụra si ka ẹnị ẹ̀ wụ ọ.

Ụhịrẹyị 15:18

Ọnọyịkụ vị anaā kụ́ ahankata hi ẹtẹ ama ọza ọnị ayị anị nẹtẹ oo ji ịrazị nị.

Ụhịrẹyị 6:14

Ẹnịnị vi eneē ro ịrẹyị odivi ọza pooro, dị ẹ yaa kụ aza ịrẹsụ nya ẹngụ;

Ụhịrẹyị 6:19

Dị ọ rẹ nyị ịhyẹrẹ ọza anaā dọ ivenu ireche, dị ọ tụ́ ịrẹyị tụ ịnị akakana ẹyịnyara.

2 Anịkọrịntị 12:20

Mee roo ka ẹyịyara, mèe tù ịdị awụ nịnị, wẹ yị vaa yà, anka m mè sì ka wa yà nịnị. Ẹmị ẹ yị rẹ vaa yà anka u mè sì ka ma yà nịnị. Asị a hyakụ na nyị ịrazị ọnịrị ụhị ọyịkụ ne beri ọyịkụ! Asị a rẹ na nyị ebira ọza eneē sì ẹngụ anị kẹnẹ, ọnịrị aza eneē du ọza ịrẹsụ, ọnịrị ọza anaā kụ́ ịrẹka, ne beri ọza anaā mẹ eyi, ọnịrị ọza anaā mẹ̀ ebira jugu-jugu.

Ụhịrẹyị 30:33

Anka ịrẹva ana a kama mẹẹ̄ nyị angwẹ, aa pịrị ọza aahị baaba vị aa jịra, avọọ ọza yị yara ee si ọza ịrẹyị ọ vara ịrazị nị.

1 Ịsamụwẹrị 24:9

Dị ọ kà a yị Ịsọọrụ dị ọ ka, “Sị ẹ vẹ dị waa wụ́ ịrẹyị aza ana aa kà a ka vi i mee sì ka ma wụ nị?

Ụhịrẹyị 29:22

Ọnọyịkụ vị anaā kụ ịrazị ọnịrị ebira odivi irenyi-irenyi hi ẹtẹ.

Ụhịrẹyị 16:27

Aza ọhịmị vị eneē si oze oyi du ọza; ịrẹyị irenu ẹnịnị rị ọza anka ịra avọọ nị.

Ụhịrẹyị 16:29

Ọza anaā zyaazị vị eneē tura ọnọhụva anị na ngụ ịrẹyị.

Ụhịrẹyị 17:17

Ọtọta vị eneē su usu ẹngụ, ama anda vị anaā sịị ụvọ pe ẹnya yị ẹngụ ịrẹyị òo tu ọza.

Ụhịrẹyị 18:6

Ịrẹyị irenu ọnụra vị anaā chị ịraazị, ịrẹyị ọnị ọza sị dọ arụhwọtọ ọ kà nị.