Ụhịrẹyị 16:24 - IWE ỌNỊNỊ

²⁴ Ịrẹyị ozoza vị ene hine ọza anka ẹhụ avọọ. Ọ́ sị ọza ayị nẹtẹ, dị ọ rọ tụ ọza ẹngụ nị.

Ụhịrẹyị 16:24 Referans Kwoze

Ụhịrẹyị 12:18

Ọjanangụ ọyị ka sị mẹ anka a ka ọza ụhwọ avọọ nị ama ịrẹyị irenu ọyẹrẹyị vị ana sị ẹngụ ọza nịya.

Ụhịrẹyị 4:22

Ịrẹyị ẹnẹẹ vị ana a mẹ̀ ẹhẹ zee yị aza, dị ẹ nyị ẹngwọọrọ.

Ụhịrẹyị 3:8

Wàa vavọọ aa mẹ̀, ọ vaa rọ wụ ẹngụ, dị ụ nyị ẹngwọnịya.

Ụhịrẹyị 23:16

Waa ka ịrẹyọyẹ, dị maa sị wụ mẹ̀ eyi.

Ụhịrẹyị 27:9

Ajuwe ọnị ọta obooro sị yị ọza óo hine ọza ayị huni agụ ozoza ọnị eturare aa da nị.

Ahẹ Ụgama 119:103

Ịrẹyị ọnị ụụ̄ kà ô hine mị ẹtẹẹtẹrẹ, ộ hyakụ hine mi huna ẹhụ.

Ahẹ Ụgama 19:10

Ọkarẹyị Ẹnẹyịmavara ô zoza huna igooru A yi nyị igooru ịnị ẹhẹ eni e zụ si juwe anị. Avọọ ọ mẹ̀ re hine hu ẹhụ nị, ẹhụ ene ee sì ini ụpaha.

Ijeremaya 15:16

Ọ kà, ọnị ộ wụ avaba ịrẹyị ẹnẹ Ẹnẹyịmavara kà yị ọnị. Ẹnẹyịmavara Ohomorihi Ochẹtẹẹngụ, awụ ọnị vị nọ, agụvị avọọ, ịrẹyị awụ ọ mẹ ka ayị anị oo hine dị ọnị ọọ jẹ ịrajẹ nị.

Ụhịrẹyị 15:26

Ịsị eenyisi aro aza edivi vị yị Ẹnẹyịmavara nị, ama ịrẹyị irenu aza ọyịza vị enee hine e ayị.

Iwe Ọhụhị Imosiisi ana aa hị́ Ọyịvatụrọda 32:2

Ọ kà ọnị vaa zụ́ Anisirẹrị nịnị ịsa. Ịrẹyị anị vị ana vaa ngụ wụ ẹngụ anka orihi ana banyị ku avị ohwoohu avọọ nị. Ọ rẹ vaa sị mẹẹ anka eguhi ene chire kú avị avọọ nị.

Ụhịrẹyị 15:23

Ọza anaa yẹ ohi ịrẹyị ana vọrọ tụ vị ọnị ayị ọza hine tu.

Ahẹ Isoromọnị 4:11

Ẹwụ ose mi, onupa awụ ee hine anka ẹhụ avọọ, ịrarẹ awụ vị ana sị mẹẹ anka ịrẹva ụnọ ọnịrị ẹhụ avọọ yị mị. Ịta ọnị ụ kụ́ hi ẹngụ vị anaa dagụ ẹtẹ Ịrẹbanọnị.

Ụhịrẹyị 17:22

Ayị ohine vị anaā sịị ẹngụ ọnịya yị ọza, ama ayodu vị anaā sịị ọzaa kwọrọ za agịga.

Ịrẹyị Ọzwọzịsa 12:10

Ọzwọzịsa ọnọnị ọọ sị vụrị ka ọnị ọọ yẹ ịrẹyị anaā sịị ayị ọzaa hunẹnẹ, ama avaba ịrẹyị ọnị ọ chẹrẹ vị ịzẹyịza.

Ẹtore 10:10

Dị mị sị iwe oweyi ọnọọ hụụnị ụvọ anggẹẹrị ọnọọ, dị mị rị ọọ nị. Ô hine anka ẹhụ avọọ ini irenu amị. Ama m mẹ̀ yị mụnẹ ẹ kẹnẹ, dị ọ kụkụ aa nyịrẹyị ịnị ịnẹ amị nị.