Ụhịrẹyị 16:21 - IWE ỌNỊNỊ

²¹ Ịrẹyị ọyị yara ka vị anaa sị ịrẹyọyẹ zụ. Ẹngụ ịrẹyị ọnọọ vị anaā dọ ọza ayị.

Ụhịrẹyị 16:21 Referans Kwoze

Ayịsaya 50:4

Ayịsaya ka, Ẹnẹyịmavara ọga ộ raà sị ịrẹyị zụ ọnị agụvị ọnị ọ yara tụ ọza ọnị ọ ngụ ẹngụ ọtụtụrụma. Ẹnẹnẹnẹ ọọ̄ mẹ̀ ka ọnị ọ kụ ẹngụ hi ọyị kọsẹ ịrẹyị ana aa sị zụ ọnị nị.

Ụhịrẹyị 15:7

Aza ẹ mā kọ ịrẹyọyẹ hụụnị ụvọ ọnụra, ịnị ụvọ aza ana yẹ ịrẹyị aa kọsẹ ịrẹyọyẹ nị.

Ụhịrẹyị 27:9

Ajuwe ọnị ọta obooro sị yị ọza óo hine ọza ayị huni agụ ozoza ọnị eturare aa da nị.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Ịjọọnụ 7:46

Dị iporisi ẹnẹẹ ka, “Ẹẹ̀ yị nyị ọza ana maanị kà ịrẹyị anka ọnọrụ ọnọọ da o.”

Iruuku 4:22

Ẹnịnị ệ dọ ivenu ịrẹyị ọnị ọ kà, di o hí wa irenu nị, agụvị ka ịrẹyị anị ô zoza ẹtẹẹtẹrẹ. Dị ẹ ka, “Aanịka ẹ yị vị ozi Ijosẹẹhụ ọnọọ yị?”

Ịrẹyị Ọzwọzịsa 12:10

Ọzwọzịsa ọnọnị ọọ sị vụrị ka ọnị ọọ yẹ ịrẹyị anaā sịị ayị ọzaa hunẹnẹ, ama avaba ịrẹyị ọnị ọ chẹrẹ vị ịzẹyịza.

Ụhịrẹyị 23:15

Ozi emi, wàa yẹ ịrẹyị ayị amị vị ene e hine ẹtẹẹtẹrẹ.

Ụhịrẹyị 10:8

Ọnịrẹyọyẹ vị ana a wụ́ ịrẹyị ọza ama ọnụra ana ka kẹnẹ-kẹnẹ vị ana kụ ịrẹyị tu ẹngụ anị

Ahẹ Ụgama 45:2

Taarụ, ịnị avaba ọnọrụ, ẹ yị nyị ọza ẹnị ẹwụrịị aa mẹ ọpa ini uzoza Avọọ Ohomorihi mẹ̀ rẹ sị ụkata wụ ka wa yara kà ịrẹyị nị dị aa mẹ ka òo zee wụ pooro nị.

1 Ohinọyị 3:12

Re! Ịsị u họ̀ use aanị, maa mẹ̀ ẹ wụ. Mị vaa sị ịrẹyọyẹ ọnịrị eyohweyi yị wụ. Ụ vaa yẹ ịrẹyị ana ahịka ẹ yị nyị ẹngụ awụ da. Ịrẹma awụ, ẹ yị mā rẹ vana nyị ẹngụ awụ.

Aniroomi 16:19

Avaba aza ẹ sị yẹ ka wâ ká ịrẹsụ hi yị Ohomorihi nịnị. Ọnọọ ộ mẹ̀ ka maa jẹ agụvị awụ nịnị. Mee sì ka eyi awụ nịnị ò hweyi tù ịsa ozoza, ama dị asị ụ nyị tụ́ ịnị ịsa odivi nịnị.

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

Ụhịrẹyị 16:22

Ịrẹyọyẹ sị mẹ anka oswe yị ọza ana yẹ ịrẹyị avọọ nị. Ọza anaa sị vụrị ka ọnị ọ pa ọnụra venee du ụmẹ anị ha kẹnẹ.

Ihoseya 14:9

Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Ụhịrẹyị 10:13

Ọnịrẹyọyẹ vị ana a ka ịrẹyọyẹ ama inori ẹ yị tara ọnụra.

Ụhịrẹyị 10:23

Ebira odivi vị ene hine ọnụra ama ebira ịrẹyọyẹ vị ene hine ọnịrẹyọyẹ ayị.