Ụhịrẹyị 16:19 - IWE ỌNỊNỊ

¹⁹ Ó vi ene zoza ka ọza ọ sị ịrẹsụ nẹtẹ beri onosiye nịnị hụụnị ka ọnịrị aza ana sị ẹngụ tụ ẹba ẹẹ sị ụkata dọ ogu aza mẹ̀ ẹnịnị nị.

Ụhịrẹyị 16:19 Referans Kwoze

Imatiwu 5:3

“Aza ana yẹ ka ẹnị ẹ̀ yị yẹ Ohomorihi a mẹ̀ vọrọ, vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ahẹ Ụgama 138:6

Ịzẹyịza Ẹnẹyịmavara vị ana yà ẹbẹẹba, ama ọ yị kà ka ẹ yị nyị ịzị ịrẹyị onosiye gẹ ọnị. Aza ana aa mẹ eyii zi ẹ yị zụ kà ka wẹ yị yẹ ịsị ẹnị aa mẹ.

Ahẹ Ụgama 34:18

Ẹnẹyịmavara ộ gụrị aza ana ayị ẹnịnị ee du ka ẹnị ệ mẹ̀ ịsa odivi Aza ana ayị anị vavọọ du vị ọnị ọọ̄ dọ ọ há.

Ọyịkụra 15:9

Ọnịvị ô wo oto ka ọnị aa dụ yị, dị ọnị ọ̀ dà jị yị. Ọ kà ọnị aa kụ́ ogu ayị òo mè zee ọnị eyi. Ọ kà ọnị aa tụ́ ụhwọ anị dị ọnị ọ̀ sị wụ yị.

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Ayịsaya 10:6

ka me si tụ́ aza ẹnẹ ẹ̀ yẹ ẹmị Ohomorihi. Mâ tụ́ wa ka ẹ̀ na kụ́ ogu aza ana mẹ ayị kụ́ mị. Mị ka ẹ̀ na vara wa eteesu dị ẹ̀ẹ kụ́ ahụụ hi wa ini orere.

Ayịsaya 9:3

Wa raà mẹ ka aza ẹnẹẹ ẹ̀ rụrụ, avọọ ụ mẹ̀ rẹ mẹ ka inohine ẹnịnị ọ̀ rẹ dẹngụ nị. Ayị ẹnịnị ô hine é mè re ịsị ụ mẹ̀, ẹ yaa jẹ anka aza ana aa kụ ịsa ọyịna ịnị aarẹ gụ avọọ. Ịnẹ ẹnịnị ee hine anka aza ana nyị ẹbẹẹba ịrẹkụ dị ẹ yaa gà ogu ẹnị ẹ kụ́ ózee eyi ịrẹkụ avọọ.

Ụhịrẹyị 29:23

Ọza anaā sịị ẹngụ anị tụ ẹba vị ọnị ụhị nyị. Ama ọza ana ka ẹngụ anị chi vị ọnị a vaa sị ụbanyị yị.

Ọdọvịdị 5:30

Ẹ ka Isisera ọnịrị isoja nịnị e yee re ogu ọnị ẹ vaa ga. Ọnẹẹ ọnya a vị ẹẹva vee tụ́ ọzịnya-ọzịnya ẹnịnị, achị ozozoza vaa vị anị, dị achị ozozoza ana a mẹ̀ ụkọrọ hi vị oose anị.

Ụhịrẹyị 1:13

Ẹ̀ẹ sị wa wụ̀, dị ẹ kụ ogu akàaka irenyi-irenyi aza ẹnẹẹ ne hí irehi ẹnịnị.

Ụhịrẹyị 1:14

Ẹnịnị ẹ̀ẹ hị́ wụ ka waa saasa ẹnị agụvị dị ẹnị ẹ ga ogu ene e yi tu wu,

Ụhịrẹyị 3:34

Ẹnẹyịmavara vị eneē nyị onisiya nịnị unyi, ama ọọ̄ vayị ọza tụra ọza ana sị ịrẹsụ nọ ẹtẹ yị ọ.

Ụhịrẹyị 25:7

Navọ a hi wụ na yaatụ aha ụbanyị, ọnọọ ọ mẹ̀ hụ ka a dụ wụ kwẹẹtẹ yị ọza ẹnẹsa ka ọ yaatụ aha ọnọọ nị.