Ụhịrẹyị 15:8 - IWE ỌNỊNỊ

⁸ Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ụhịrẹyị 15:8 Referans Kwoze

Ụhịrẹyị 15:29

Ẹnẹyịmavara wụ́ aduwa aza ọyịza, ama aza edivi vị ọnị ọọ̄ sị eyi jịnẹ.

Ụhịrẹyị 21:27

Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị.

1 Ịtọpa 29:17

Máa yẹ ka ụụ̄ zama ayị avaba azaa re; ayị awụụ̄ hinee tù aza ene ebira ẹnịnị vọrọ. Ịzẹyịza mị sị avaba ịsa ẹnẹnị va wụ nị. Mê re avaba aza awụ ana wara gụ anị mee hine ayị ka ẹnị ệ sị ẹyịza va wụ.

Ijeremaya 6:20

Ẹnẹyịmavara kà, sị ẹ vẹ dị ẹ yaa kụ eturare hụrị ẹtẹ Ịsẹba va yị ọnị? Sị ẹ vẹ dị ẹ yaa ku ịsị ohine hụrị aha onoze vẹ va yị ọnị. Ọ kà ọnị ẹ yị vaa dọ ịsị ịsọvọ ẹnịnị, ịsọvọ ẹnị ẹ yaa mẹ e yị hine ọnị.

Ụhịrẹyị 28:9

Ẹnẹyịmavara ọ nyị ịhyẹrẹ aduwa ọza ọnị ẹ yị saasa ọda anị.

Ayịsaya 61:8

Ẹnẹyịmavara kà a, oni o sì ịrẹyị ịzẹyịza, dị ọnị nyị ịhyẹrẹ àko ọnịrị ebira odivi. Ọnị vaa sị ịzẹyịza si aza anị ụta ụya ọnị ẹ rị Ọnị vee wo oto ẹnẹ ẹ yị nyị ẹhwị yị wa

Ịjọọnụ 4:24

Ohomorihi vị ọza ọnị ọza ò yi zụ re. Agụvị avọọ aza ana àa hẹkẹ ẹ, â nyị ka ẹ̀ẹ sị ayị ọnya ọnịrị ịzẹyịzaa hẹkẹ ẹ.”

Ịrẹyị Ọzwọzịsa 5:1

Ọza aa nọ ịnị irehi Ohomorihi o sị eyi pe ẹngụ anị, ọ́ọ vana dahi ka ọza ọ ka gụrị Ohomorihi na kọsẹ huni ka ọ̀ naa mẹ̀ ịsọvọ anka onututu nịnị avọọ ọvịdị anị. Onututu ẹ yị yẹ ka ịsị odivi ẹnị aa mẹ nị.

Ayịsaya 66:3

Ama a raà chi hi aza ana mẹ̀ ene zee wa eyi kẹnẹ, ebira vi ene hine wa. Agụvị avọọ, Ẹnẹyịmavara ẹ̀ yị dọ ịsọvọ ẹnịnị. Ịsọvọ ụnọ ẹnịnị vị ọnị o re anka ọza ọ̀ọ wụ̀ ọza avọọ nị. Ịsọvọ ozi atẹmẹ ẹnịnị vị ana ya anka ọza ana wụ irezi gụ ori avọọ. Ịsọvọ akụ ẹnịnị sị mẹ anka ọza ọ̀ọ sị ụra mẹ̀ ịsọvọ yị ori avọọ nị. Eturare ọnị ẹ̀ẹ rị ịra vaa sị mẹẹ anka ọza o rere aa ma aduwa yị ori avọọ nị.

Ahẹ Isoromọnị 2:14

Vị ụ sị mẹẹ anka arivadi ana tẹ ịnị anaha ịrẹta avọọ nị. Jẹẹ me re eyirẹsụ awụ ọyịza-ọyịza ọnọnị, dị ma wụ́ ọngwẹ awụ ana vavọọ hine avọọ.

Ahẹ Ụgama 17:1

Ẹnẹyịmavara, ayị ọnya m maa sịị dá ịpẹ nọ navọ we tụ́ mi ohi. Navọ m mèe nowu aanị wa ba mi owu M màa mẹ̀ aduwa ọnọnị aanị, mẹ yị mẹ apẹ Aarịhịnị navọ wa wụ́ aduwa amị.

Ireevi 7:18

Uye ịsọvọ ọnọnị ọ̀ọ mẹ ẹkụhị ẹẹta, dị a kụkụ ị rị ọ nị, Ohomorihi ẹ́ yị vaa dọ ịsọvọ ọnị ọza ọnọọ mẹ. Ẹ́ yị rẹ vaa zá a ịrịkaa tụ ịnị ọyịzaa yị ọ. Enyisi ọ vaa vị nị. Ọza ana àa rị ọ, vaa rị ụya anị nị.

Ụhịrẹyị 10:24

Ịsa ọnị ọza odivi e hí angwa anị oo tụ́ ọ nị, ama Ẹnẹyịmavara vị ana a mẹ̀ ịsa ọnị ọnịzẹyịza e si.

Ụhịrẹyị 15:7

Aza ẹ mā kọ ịrẹyọyẹ hụụnị ụvọ ọnụra, ịnị ụvọ aza ana yẹ ịrẹyị aa kọsẹ ịrẹyọyẹ nị.

Ụhịrẹyị 21:3

Ọza ọ̀ mẹ̀ ịsị ẹ vọrọ o hine Ẹnẹyịmavara hu ịsọvọ ọyịmẹ̀ nị.

Imika 6:7

Wáá vaa hara ịdẹba va yi Ẹnẹyịmavara òo zee e eyi? Wáá vaa hara angwẹ ịgarụwa ọnịrị akụ va yọ óó zee e eyi? À vi ezi ọzọkụ awụ ụ vaa sii mẹ̀ ịsọvọ si ụta ịvị ọnị ụ mẹ̀ nị?

Ịhagayị 2:14

Ịjọnọọ dị Ịhagayị ve tu wa ohi ka, avọọ Ẹnẹyịmavara mẹ re avaba anẹkụra ọnọnị ọnịrị avaba ịsa tura ịsa ọnị ẹnịnị aa mẹ̀ nị. A yi nyị ịsa ịsọvọ ẹnịnị ana nị ọvịdị anị.

2 Ịsamụwẹrị 15:12

Abịsarọmị maa mẹ̀ ịsọvọ, dị ọ tụ́ na hị́ Ahitohwẹrị ana vi Anigiro ka ọ̀ hụrẹ Igiro ana vị ẹkụra anị vẹ ịnị ịsọvọ ọnị ọnị aa mẹ nị. Ahitohwẹrị vi ọnịwọjị Idevidi. Ịrẹkụ ana Abịsarọmị jị ẹnya anị aa nyị ụkataa hu avọọ, dị aza ana aa saasa Abịsarọmị raa rụrụụ hu avọọ nị.

1 Ohinọyị 3:10

Ayị Ẹnẹyịmavara ô hine ka Isoromọnị ô họ̀ use ịrọọyẹ.

Ahẹ Ụgama 141:2

Navọ wa dọ aduwa ọnị maa mẹ̀ anka ụ mẹ̀ẹ dọ eturare ana rị ịra mẹ̀ ịsọvọ wụ avọọ. Navọ m mẹ̀ tana ụvọ tụ́ ẹba aa mẹ̀ aduwa, wa dọ anka ụ mèẹ dọ ịsọvọ oruva ana mẹ wụ avọọ.

Ịdanịyẹrị 9:23

Ộ ka Igebirẹẹrị ộ kà a yị ọnị ka, ọnị mẹ nyima aa mẹ̀ aduwa kẹnẹ Ohomorihi tụ ọnị ohi nị. Ọnị ộ vẹ ọ̀ọ yị va kà a yị ọnị, agụvị ka Ohomorihi o sị ịrẹyị anị ẹtẹẹtẹrẹ, agụvị avọọ ọnị ọ sị ụtọ pe ẹtẹ dị ọnị ọ mẹ ẹhahi ẹtẹ ọnị ọnị re aanị yị ọnị.

Imika 6:6

Sị ị nyẹngụ sịị va yị Ẹnẹyịmavara kẹ? Sị ẹ vị ịsọvọ ọnị vaa sị va yọ? Ị yaa vaa tana tụra ẹtẹ ọvịdị anị beri ịsọvọ ezi imaaru ịrayị ọnya ana aā rị ịraa yọ?

Ịmarakayị 1:10

Dị ọ kà, ayị anị eyi hine tu ịsọvọ ẹnịnị. Aa yẹ a hyakụ kụkụ gu oze hi irehi anị ọnọọ. Dị asị ẹnịnị kụkụ hu ịra tụ ịzọọ agụvị ka ayị anị e yi hine tụ ịnị ịsọvọ kẹnẹ-kẹnẹ ọnị ẹyaa mẹ avọọ.