Ụhịrẹyị 15:27 - IWE ỌNỊNỊ

²⁷ Ọza anaa mẹ̀ karakara ka ọnị ọ̀ zị oze asuvu rị ọgụ vị anaā kụ ẹngụkata tu anineehi anị, ama ọza anaā nyị ịhyẹrẹ ochirerenu ọyịdọ vị eneē ku orubo.

Ụhịrẹyị 15:27 Referans Kwoze

Ụhịrẹyị 1:19

Ẹ maa sị ako jị ọyị yị aza, avọọ ẹnị mẹ rẹ vee re nị.

Ọyịkụra 23:8

Asị ụ dọ ochirerenu. Ochirerenu vi eneē gu ọza eyi. Ọza anaā vịdịị ka ịzẹyịza ọ̀ọ na sị ochirerenu dọ, ọ yị kụkụ zụ kà ịzẹyịza.

Ijeremaya 17:11

Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.

Ụhịrẹyị 11:29

Aza anaā kụ́ akanya tu ovwoovu anị vị anaā tụ́ avosusu. Ọnụra vị anaa vị ozi ahụ ọyẹrẹyị.

Iwe Ọhụhị Imosiisi ana aa hị́ Ọyịvatụrọda 16:19

A sị u sima ịrẹyị ka waa mẹ̀ ọkarẹyị nịnị. A sị ụ nyị ọza remeyi nịnị, dị a sị ụ dọ ochirerenu o. Agụvị ka ochirerenu vi eneē gù ọza eyi, ẹ yị nyị ọza mẹ ye ịrẹyị dị ọ nyị ịzẹyịza na za.

Ọyịkụra 18:21

Re sì aza ana zụ mẹ ẹkụra ịnị ẹngụ aza ẹnẹẹ, aza ana nyị angwahi Ohomorihi ana rụra sị ayị tụra. Asị ẹnịnị vị aza ana aa dọ ochirerenu. Dị wa nyị wa dị ẹnị ẹ̀ rẹ dà aza sị eyi pè. Aza ẹnyị ẹ zụ si eyi pè aza ẹnị akahị, dị aza ẹnyị sị eyi pè aza ẹnị ẹchẹhị, dị aza ẹnyị rẹ sị eyi pe aza ẹnị ẹvarẹwụ dị áaza ẹnyị vị ẹẹwụ.

Ụhịrẹyị 29:4

Ohinọyị àa sị ịzẹyịza mẹ̀ ịjọva ẹkụraa kwẹẹtẹ nị, ama ohinọyị anaa ba ọza uchuvọta vị ene du ẹkụra.

Ụhịrẹyị 28:16

Ọdọvịdị ẹnẹẹ yị yẹ ịrẹyị vị ana a chamayị yị onosiye nịnị ama ọza ọnị ẹ mā dọ ọza mẹ anị vị eneē ku orubo.

Ụhịrẹyị 20:21

Ọza ọ zụ sị ọhọha ne si ogu ẹnẹnẹ viri-viri ama ẹzẹtẹ anị o me zoza.

Ụhịrẹyị 11:19

Ọnịzẹyịza vị anaa mẹ̀ ẹhẹ ozoza ama ọza ọhịmị o mē ku orubo.

2 Ohinọyị 5:27

Dị ọ ka, ụkụ ọbanyị Ịnaamanị vaa kụ̀ra vaa za wụ beri avaba ịpa evere awụ pooro zịna. Ịjị Igehazi na hụrẹ ọvịdị Erisa, ụkụ ọbanyị ọ sị ọ za. Dị â vwẹtẹ owu oyiche avọọ nị.

Ijosuwa 6:18

Ọ kà, asị ẹ na sị ịsa ọnyị-ọnyị hụụnị avaba ịsa ana ka e du ha aanị, ka ẹyị vavọọ ẹnị nyẹmba vị ene ve vú ẹtẹ saka-saka, dị ẹ ra kụ ẹngụkata ve tu avaba Anisirẹrị.

Iwe Ọhụhị Imosiisi ana aa hị́ Ọyịvatụrọda 7:26

Asị ụ sị ịsa enyisi ẹnẹẹ va ngụ ịnị irehi awụ nịnị, ẹ vị ụ ka ẹwụrị irehi awụ o vu ẹtẹ. Nyị ịhyẹrẹ ori ọnịrị ịsa ẹnịnị. Asị ụ kanyị wa agụvị ka Ẹnẹyịmavara ọ raà chi hi wa.

1 Itimoti 6:9

Ama aza ana aa dụ ụbanyị vaa hụrẹ ngụ ịnị ẹzamare. Ịsa ene eyee sì, vị ịsa ụra ana zụ mẹ wa ọnya; ịrẹpa ịsa ẹnẹẹ ọ sị wa za. Ẹngụ ịsa ẹnẹẹ vị eneē vú ọza saka-saka, dị áanị ta nị.

1 Itimoti 6:10

Ọza ọ̀ọ raà sị ayị tụ́ ịnị ẹkẹhị baaba, ọnị ọọ̄ vị iruvo avaba ịsa odivi nị. Aza ẹnyị ẹ́ẹ vavọọ sì ọọ na pooro, ana ahịka ọyị kụkụ vana zẹẹ ka ẹ̀ kụkụ sị ayị tụra Ohomorihi; ẹ raà sị ụya tụ̀ ẹngụ ẹnịnị ụnava.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

Ụhịrẹyị 15:26

Ịsị eenyisi aro aza edivi vị yị Ẹnẹyịmavara nị, ama ịrẹyị irenu aza ọyịza vị enee hine e ayị.

Ụhịrẹyị 23:4

Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma.

Ụhịrẹyị 28:25

Ọnọhọha vị anaa kụ ịrẹyị hi ẹtẹ ama ọza ana sị ayị tụra Ẹnẹyịmavara vị ọnị o vee zee yị.

1 Ohinọyị 2:40

Di Isimeyi kwẹẹtẹ, di o tenyi ịkẹrịkẹtẹ anị di o si hu aa nọ Igati ịda Akisi ka ọnị ò ne sì ezi ahụ anị nị. Isimeyi mẹ̀ vavọọ na, dị ọ na kụ́ ezi ahụ hụrẹ Igati vẹ nị.

Ahẹ Ụgama 15:5

Ẹnịnị ẹ̀ẹ sị ẹkẹhị rere ọza ẹ yị mā dọ ọtụrọsa. Ẹ yị mā rẹ dọ ochirerenu ka ẹnị ẹ̀ sị jị ịvị yị ọza ana rị ịhị. Aza ệ vavọọ aa mẹ ẹngụ ebira ẹnẹẹ ẹ yị nyị ịsị ẹ vaa mẹ wa paa.