Ụhịrẹyị 15:18 - IWE ỌNỊNỊ

¹⁸ Ọnọyịkụ vị anaā kụ́ ahankata hi ẹtẹ ama ọza ọnị ayị anị nẹtẹ oo ji ịrazị nị.

Ụhịrẹyị 15:18 Referans Kwoze

Ụhịrẹyị 26:21

Aka vị ana sị akịna hịrẹ ọkụ mẹẹ sị ịra za, avọọ ọnịrẹyị mẹẹ kụ ịrazị hi ẹtẹ nị.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Imatiwu 5:9

Aza eneē sì ẹngwọọrọ vaa daa jẹ, agụvị ka Ohomorihi vaa hị́ wa ezi anị.

Ụhịrẹyị 29:22

Ọnọyịkụ vị anaā kụ ịrazị ọnịrị ebira odivi irenyi-irenyi hi ẹtẹ.

Ụhịrẹyị 14:29

Ọza ana yẹ ịrẹyị ọ yị mā hụra ku ayị ama ọnọyịkụ vị ana a sị ututu anị zụ̀.

Ịrẹyị Ọzwọzịsa 10:4

Ohinọyị aa kụ ayị hi wụ, asị ụ hụrị ịzị ụ yà, wàa zaku hẹẹ, ọ zụ mẹ ka ọ̀ sị eyi hụụnị avaba akụvị ọnị ụ mẹ.

Ụhịrẹyị 16:28

Aza ọhịmị vị anaā kụ ọza ịrẹsụ nya ẹngụ; ẹ́ẹ sị ireche jị ụna ọọtọta ana sị ayị yị ẹngụ nị.

Ụhịrẹyị 10:12

Ayamụkụ vị ana tụ ịrẹyị ụka ama oyisì vị ana sị ọza eyi hụụnị ịrẹyị.

Ụhịrẹyị 28:25

Ọnọhọha vị anaa kụ ịrẹyị hi ẹtẹ ama ọza ana sị ayị tụra Ẹnẹyịmavara vị ọnị o vee zee yị.

Ụhịrẹyị 25:15

Ayọnẹtẹ aa sị dọ ohinọyị ayị nị. Ịrẹyị anaa sị ụmẹnụmẹnẹ ka ọzaa sẹdẹ yị nị.

2 Ịsamụwẹrị 19:43

Di Anisirẹrị tụ́ Anijuda ohi dị ẹ ka, “Ya zụ kà a tù oze ẹẹwụ ẹnị ẹyịrị Idevidi ohinọyị zị gụrị ẹngụ huna wụ nịnị. Sị ẹ vẹ dị wụ maanị sị eyi wụ yị nịnị? Wáá yẹ ka ẹyị a va na vịdị kà a ka à na sị ohinọyị vavẹ eehi nị?” Dị ahịka Anijuda nịnị ẹ yaa kà geri-geri huna Anisirẹrị nịnị nị.

Ụhịrẹyị 15:19

Onuworo vị anaā vị ọnịrị akanya pooro kẹnẹ, ama ọnịzẹyịza vị ọnị ẹhẹ anị zoza yị.

Ụhịrẹyị 16:14

Ọza ana yẹ ịrẹyị vị ana sị ayị ohinọyị nẹtẹ agụvị ka ọ nyayịnẹ wụ̀ ọza ayị ọ̀ọ kụ ọ.

Ụhịrẹyị 22:24

Asị ẹwụrị ọnọyịkụ nịnị zị ògù. Asị ẹwụrị anayọkatẹngụ nịnị za ọta.