Ụhịrẹyị 14:8 - IWE ỌNỊNỊ

⁸ Ịrẹyọyẹ ọyẹrẹyịị̄ sịị mẹ̀ ẹhẹ anị nị, ama ọnụra vị anaā sịị ụraa vene ẹngụ anị.

Ụhịrẹyị 14:8 Referans Kwoze

Anẹhwẹsọsị 5:17

Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị!

2 Itimoti 3:13

Ama aza edivi ọnịrị enevene nịnị vị oni o vee divi yii hu avọọ hu avọọ. E vee vene ọza, dị e re vene ẹnị.

Ijemiisi 3:13

Àa nyị ọza ana ka ọnị ọ́ọ yẹ ịrẹyị, ene eyi anị hweyi ịnị ẹngụ awụ nịnị, ọza ọnọọ ọ̀ mẹ̀ ebira ozoza, dị ọ̀ rẹ ká ịrẹsụ hi. Ịrẹsụ ọkahi ọnọọ ọ vaa sị zụ̀ ka ọ́ọ yẹ ịrẹyị nị.

Anẹhwẹsọsị 4:22

Agụvị avọọ kụkụ sị ebira awụ nịnị ịyẹẹyẹ tịtẹ! Ebira ọnọọ vị ịsa ọnị ọchẹngụ ọzaā sì eneē vene ọza; ọ sị wụ nịnị wụ da.

Ụhịrẹyị 11:18

Ebira odivi ẹ yị nyị ọgụ ama ọnịzẹyịza vaa dọ ọgụ ọyịza.

Ụhịrẹyị 8:20

Oze ana vọrọ dị ọ vị ịzẹyịza ọnịị̄ zị nị.

Ụhịrẹyị 2:9

Wàa wụ́ ịrẹyị Ẹnẹyịmavara, ụ vaa yẹ ịsị ẹ vọrọ, dị waa mẹ ịzẹyịza, dị waa mẹ̀ ebira ozoza.

Ahẹ Ụgama 119:73

Ẹnẹyịmavara, ẹwa mẹ mị nị, navọ wa sị ịrẹyọyẹ yị mị, dị ma zụ yẹ ọda ọnị ụ mẹ.

Ahẹ Ụgama 119:5

Ọ maa navọ kwogwo ma nyẹngụụ sị ayị ọnya saasa ọda awụ.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ijeremaya 13:20

Ijeremaya ka, re nịnị, ẹwụ nịnị Anijerusarẹmị! Ọnịvị awụ nịnị ẹ raa hụrị Ịbabịrọnị aa vẹ. Aza ana a ka wa sị eyi pe, ọnị ụ maanị aa sịị me eyi nịnị, ịzị ẹ yà kẹ?

Ahẹ Ụgama 143:8

Navọ maā tamayị ẹnẹnẹ-ẹnẹnẹ ka uū sì ịrẹyị ọza. Wâ yẹ ka ẹwụ mị sị ayị tụra nị. Navọ wa zụ̀ mị oze ana a vọrọ ka ma zị, agụvị ka ẹwụ m maa dá ịpẹẹ yi nị.

1 Anịkọrịntị 3:19

Ịsị anẹhẹ aa hị́ ịrẹyọyẹ vị ụra ini eyi Ohomorihi. Áa vịdị chẹrẹẹ tụ́ ini Iwe Ohomorihi ka, “Ohomorihi ọ raà za ọyẹrẹyị nịnị ini irikichi ẹnịnị.”

Ụhịrẹyị 15:21

Ọnụra vị ana ayị anị hine tụ ịnị ụra ana aa mẹ̀ ama ọza ana yẹ ịrẹyị vị anaa mẹ̀ ịsa ana vọrọ.

Ụhịrẹyị 12:5

Ọnịzẹyịza vị anaā mẹ̀ ịsa ana vọrọ ama ọza ọhịmị vị ene si ka ọnị o vene ọza kẹnẹ.

Ịrẹyị Ọzwọzịsa 2:13

Ọnị ô re ka anka ẹtohweyi me zoza huni etohozi, avọọ ịrẹyọyẹ me zoza huni ututu ọyị mẹ nị.

Ịrẹyị Ọzwọzịsa 2:16

Ka isu ana sị ọyẹrẹyị ọnị ọọ̄ sị ọnụra nị òo nee kù chee dị ayị ẹnịnị hi.