Ụhịrẹyị 14:26 - IWE ỌNỊNỊ

²⁶ Ọza eneē hí angwa Ẹnẹyịmavara vị ọnị oō sere ọnịrị ovwoovu anị.

Ụhịrẹyị 14:26 Referans Kwoze

Ụhịrẹyị 19:23

Ọza ene hí angwa Ẹnẹyịmavara vee ku orubo dị ọ mẹ ẹhẹ anị ịnị ẹngwọọrọ.

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ayịsaya 33:6

Ẹngụ avaba aza vaa vọ di o hunẹnẹ ịnị ụmẹ awụ. Wàa sị ụbanyị yị Ẹnẹyịmavara, ọ vaa mẹ ka ọ̀ dọ wụ há, dị ọ rẹ mẹ ka wa yẹ ịrẹyị nịnị ẹtẹẹtẹrẹ. Ogu avaba ẹnẹẹ vaa vịị yị wụ nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Ahẹ Ụgama 112:1

Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Ịrẹyị Ọzwọzịsa 7:18

Asị ụ na mẹ ẹnẹmẹhị ịnị ẹnẹ ẹyịva ẹnẹẹ nị. Wâ hí angwa Ohomorihi, vị o vee zozaa yị wụ nị.

Oyinyima 31:42

Ọ kà Ohomorihi ada anị ana vị Ohomorihi Abụrahamị ọnịrị Ohomorihi ana Ayiziiki hí angwa anị ộ jẹẹ ọnị ịrẹma. À yị vị avọọ, ọ yaanị tụ ọnị avọ osusu nị. Ọ kà Ohomorihi ô re ụya ọnị ọnị aa rị, ô re ọnị mẹmẹ aa mẹ̀ ụkọrọ, ọnị ọ mẹ ka ọ̀ tụ́ o ohuvọ ịrahụ ẹẹrị nị.”

Ijeremaya 15:11

Ọ kà, Ẹnẹyịmavara, àa vị ka ọnị ẹ yị hẹkẹ wụ a mẹ vọrọ, dị ahịka, ẹ́ yị vị ọnị aa dá ịpẹẹ wụ ọnịvị anị nịnị mẹ hi ịnị ẹngụkata ọnịrị eyovi nị, avaba ozirenu ẹnịnị ẹ va za ọnị ịzẹyịza.

Ụhịrẹyị 14:27

Ẹnẹyịmavara ọọ̄ sị ẹhẹ obooro yị ọza ene hí angwa anị nị agụvị asị usu jị ọ hi.

Ụhịrẹyị 20:7

Ọza ọyịza vị anaā ra a mẹ vọrọ, ịrẹma anị vị eneē zee yị ezi anị.