Ụhịrẹyị 14:21 - IWE ỌNỊNỊ

²¹ Ịvị ọ vị ka ọza ọ sị eyi wụ ọnọhụva anị ama ọza ana tẹsị onosiye vị ọnị o vee zee yị.

Ụhịrẹyị 14:21 Referans Kwoze

Ụhịrẹyị 28:27

Ịsa ẹ yị vaa zwọ ọza anaā sịị ịsa yị onosiye ama ọza anaa sị eyi jịnẹ ẹ vị ana vaa dọ ozirenu ọrụrụ-ọrụrụ.

Ụhịrẹyị 19:17

Ọza ana mẹ ọnụya ẹyịza vị anaa sị ịsa rèré Ẹnẹyịmavara, o vee sí ọ yọ varẹma.

Ụhịrẹyị 11:12

Ọnụra oo du ọza nị ama ọza ana yẹ ịrẹyị vị ana a sị ụvọ za irenu anị.

Ụhịrẹyị 17:5

Ọza anaā sịị onosiye mẹ enyinyi vị anaa kụ̀ Ohomorihi ana tụ ọ ụhụ. Ọza enee hine ayị agụvị ịrẹyị ọhịmị ene tu ọza vị ana vaa rị ụya anị.

Ụhịrẹyị 14:31

Ọza ana aā mẹ̀ ẹvaya yị onosiye vi enee du Ohomorihi ana mẹ̀ ẹ, ama ọza ana sị ụbanyị yị ọ vị anaā vayị onosiye.

Anihiburu 6:12

dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.

Odeyi 20:35

Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Ụhịrẹyị 18:3

Ebira odivi vị anaā mẹ̀ ụhị nyị ọza. Ọza ọ̀ọ sị ụbanyị anị ne ta, vị a kụkụ sị ọ mẹ enyinyi nị.

Ahẹ Ụgama 112:9

Ẹngụ aza ẹnẹẹ ệ vịdị raà mẹ vi ana vaa jẹẹ pooro. Ọ vaa nyị ụkata dị aza aa sị ụbanyịị yọ.

Ahẹ Ụgama 112:5

Aza ana aā mẹ ẹyịza dị ẹ̀ yị mā sị ụvọ kú oku, dị ẹ̀ yị mā rẹ mẹ irikichi vị ana vaa dọ ẹyịza.

Ahẹ Ụgama 22:24

Ohomorihi ọ yị mẹ onosiye isiya, ộ tamayị aza ana aa rị ụya. Aza ana aa rị ụya mè nowu na za Ohomorihi ọ yị kà ka oni o yi tụ́ òhi ama ọ na ba wa owu.

Iruuku 18:9

Ijeesu o re che ụhịrẹyị ọnọnị yị aza ene ee re ẹngụ ẹnịnị ka ẹnị ệ vị ọnịzẹyịza, dị ẹyaa sị eyii wụ̀ aza ana vọ. Ọ kà,

Ụhịrẹyị 21:10

Aza ọhịmị vị ọnị odivi ọyịmẹ̀ hụ ẹngụ. Ẹ yị ma vayị ọza vụrụ-vụrụ.

Ụhịrẹyị 28:8

Ọza anaa dọ ọtụrarẹsụ ẹkẹhị erere agụvị ọnị ọ nyị ẹkẹhị hu avọọ, ọ yị vaa sị mẹ̀ ẹhẹ. Áa kụ ẹkẹhị ọnọọ gụ zi ọzẹnẹsa ana vaa vayị onuruwa nịnị.

Iwe Ọhụhị Imosiisi ana aa hị́ Ọyịvatụrọda 15:9

Asị e rò ka ịrayị ịhịmba anaā sịị sị eyi hụụnị ụta yị ọza ọ sị gụrị ẹtẹ, agụvị avọọ wẹ yị sị. Onosiye ọnọọ òo na owu hị́ Ẹnẹyịmavara, ọza ọnọọ aa mẹ̀ ịvị.

Ụhịrẹyị 22:9

Ọza anaā mẹ ẹyịza vị ọnị oō ze yị agụvị ka a sị ịsa yị onosiye nịnị.