Ụhịrẹyị 14:2 - IWE ỌNỊNỊ

² Ọza anaā ra a mẹ vọrọ vị eneē hí angwa Ẹnẹyịmavara ama ọza ana ra ẹhẹ akụvị vị anaā si eyi wụ ọ.

Ụhịrẹyị 14:2 Referans Kwoze

Odeyi 10:35

Ọza ene èe hí angwa anị, dị ọ mẹ̀ ịsa ana vọrọ nị, vị Ohomorihi aa dọ ọ nị, anẹkụra tụra anẹkụra ọnị ọ̀ọ vị.

Ụhịrẹyị 28:6

Onosiye anaa mẹ̀ ịzẹyịza o dahi hu ọnyẹkẹhị anaa mẹ̀ asuvu nị.

Ahẹ Ụgama 112:1

Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Ahẹ Ụgama 25:21

Navọ ịzẹyịza ọnịrị ebira ọyịza e vaa gụ mị agụvị ka ẹwụ mị sị ayị tụra nị.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Iruuku 16:14

Ánihwarisi nịnị mẹ̀ wụ́ ịrẹyị ọnọnị, dị ẹyaa sị Ijeesu mẹ̀ isiya nị, agụvị ka ẹnịnị ê sì ịrẹyị ẹkẹhị.

Iruuku 10:16

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”

Ụhịrẹyị 19:1

Onosiye anaa mẹ ịzẹyịza ọ dahi huni ọnụra enee cheeche nị.

Ụhịrẹyị 16:17

Ọza ọyịza vị ene zwe yi odivi, ọza ana sị ụvọ za ẹngụ anị vị anaa dọ ẹngụ anị tụ́.

Ụhịrẹyị 11:12

Ọnụra oo du ọza nị ama ọza ana yẹ ịrẹyị vị ana a sị ụvọ za irenu anị.

Ụhịrẹyị 2:15

Ẹnịnị ẹ yị nyị ịzẹyịza. Ọza ẹ yị zụ sị ayị tụra wa.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

1 Ohinọyị 3:6

Di Isoromọnị ka, “Wa raà vayị Idevidi ada amị ana vị ozi ahụ awụ ẹtẹẹtẹrẹ anka ọnị ịnyẹmba mẹ̀ mẹ̀ ebira ini eyi awụ. Wâ yẹ ka ộ mẹ̀ ịzẹyịza ọnịrị ịsa ana vọrọ, dị ọ rẹ nyị ayị ana vọrọ ini eyi awụ nị. Avọọ ẹwụ mẹ̀ rẹ nyayịnẹ vayị anị dị u si ozi yọ ka ọ̀ rị ohinọyị tụ́ udi anị ajịnị nị.

Ijoovu 12:4

Ọ kà ẹnịnị ẹ̀ daka ee nyi ọnị unyi booro aanị, ẹ yị nyị ịsị ọnị mẹ. Agụvị avọọ ọnị ọ mẹ̀ aduwa dị Ohomorihi wụ ọnị nị.

2 Ịsamụwẹrị 12:9

Ọ kà sị ẹ vavẹ dị ẹwụ sị eyi wụ ọnị Ẹnẹyịmavara dị ẹwụ maanị na mẹ̀ ebira odivi ọnọnị aanị. Wâ mẹ ka à wụ Uriya Anihiti éyi ịrẹkụ. Wa rẹ sị ọ ose anị dọ wa sị ọ nyị. Ẹwa mẹ ka Anamọnị nịnị ẹ̀ wụ ọ ịnị ịrẹkụ nị.

2 Ohinọyị 17:34

Ịsị ẹẹ̄ mẹ ịyẹẹyẹ vị ẹnẹ ẹyaa yịị mẹ pooro tu ajịnị. Ẹnịnị ẹ yị hẹkẹ Ẹnẹyịmavara, dị ẹnịnị ẹ̀ yị rẹ saasa ọda ọnị ọ mẹ dị ọ sị yị Ijekọvụ ohiku ẹnịnị nị. Ijekọvụ ọnọọ ọ rẹ sị ịrẹha yị ka ọnị ọ rị Isirẹrị nị.

Ụhịrẹyị 16:6

Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.