Biblia Todo Logo
Bib sou entènèt

- Piblisite -




Ụhịrẹyị 14:16 - IWE ỌNỊNỊ

16 Ọza ana yẹ ịrẹyị vị ene e zwe yị ịrẹyị ama ọnụra vị ene zwe huuru na gẹrị ọ.

Gade chapit la Kopi




Ụhịrẹyị 14:16
27 Referans Kwoze  

Ọza ana yẹ ịrẹyị oo re ezigi dị ọ yẹ̀ yị ọ, ama ọnụra vị ana na gẹrị ọ dị ọ vaa sị ụmayịyẹ.


Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.


Sị ụvọ hụụnị irima avaba ịsa odivi nịnị.


Ọza ana yẹ ịrẹyị ọ̀ọ sị ọnụra nị ikootu, vị ọnụra aa kụ ayị dị aa kụ ọ ụhụ, di e ne owu.


Ịrẹsụ ọyịza ọ vị yị ọza ene hí angwa Ẹnẹyịmavara nị ama Anakamawụ vi ene vee vu.


Ọza ọyịza vị ene zwe yi odivi, ọza ana sị ụvọ za ẹngụ anị vị anaa dọ ẹngụ anị tụ́.


Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.


Ịhyẹgwẹta anị di Ijosẹẹhụ va hị́ wa dị ọ ka, “Ọnị ộ nyị angwahi Ohomorihi. Ẹ̀ẹ mẹ ịsị ọnị kà ọza ọ yị vaa wụ̀ wa.


Di Iisọ ka, “Ọhụva anị, ọnị ọnị nyị ộ hụ ọnị, ọ̀ kụ́ aanị tụ́ ịda anị.”


Obooboro ọmụha ọnọọ vavọọ aa dụ ọ hyọọrọ na anka ụnọ anaa na wụ avọọ nị. Ọ ngụ ọsẹrẹka ọnọọ ụvọ anka ịrẹpa ọ za ùnè avọọ.


Angwa awụ vi ene ee hí mị, dị ẹngụ amị aa dá ẹgahị agụvị ọkarẹyị ọnị ụụ̄ mẹ.


Di Ịbẹnịhadadị ka, “Aà vị ụsẹ ẹngwọọrọ ẹ yaa zị nị, za wa ireyi-ireyi. Àa rẹ vị ịrẹkụ ẹ kụ́ aa vẹ nị, zị za wa ireyi-ireyi.”


Di Ijezebẹrị va tù ozi ịda anị ka ọ̀ na kà a yi Erija kà, “Ụmẹ aanị ụhwọọ, àa vị ka mẹ yị sị wụ̀ wụ anka ẹwụ mẹ̀ rẹ wụ ọnịsẹ Ịbaarị ẹnẹẹ, mẹ̀ yị vavọọ wụ, asị ori nịnị zẹẹ ka ò zoza mị.”


Anihwarisi ẹnyị ene hi ịzọọ ệ wụ́, Íjeesu mẹ̀ vavọọ kà. Dị ẹ họ̀ ọ use ka, “Aanịka ogweyi ẹ́yị rẹ vị bẹẹ nị?”


Ọnụra vị anaā sịị ụraa nyima ịrẹyị ọyị kà, ịrẹyị ọnị ọọ ka vị anaā kụ ịsa odivii hi ẹtẹ.


Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.


Asị ọ rẹ kụkụ mẹ̀ ebira odivi, ọ̀ naa mẹ̀ ebira ene zoza Ịsị ọ̀ọ zị zụ mẹ kẹnẹ dị ọnịrị aza ẹ̀ ra ịnị ẹngwọọrọ, ọ̀ naa mẹ̀ ẹ.


Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.


Ọnụra vị ana a dọ avaba ịsa hyọọrọ kẹnẹ ama ọza ọnị eyi anị hweyi vi anaā teyi ẹtẹ.


Ọza anaā kụ ayị baaba vị ana a mẹ̀ ụra ama ọnịrẹyọyẹ vị ana vayị nẹtẹ.


Ịjị ịkẹrịkẹtẹ maanị re e, dị ọ va ku ẹtẹ agada Ịbaraamị nị. Dị ayị kụ Ịbaraamị, dị ọ̀ va okutẹ anị hi ọ ẹngụ nị.


 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.


Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.


Swiv nou:

Piblisite


Piblisite