Ụhịrẹyị 14:11 - IWE ỌNỊNỊ

¹¹ Ovwoovu ọza ọhịmị ọ yị vaa nọ orubo ama ovwoovu ọnịzẹyịza vị ọnị o vee zee yị.

Ụhịrẹyị 14:11 Referans Kwoze

Ụhịrẹyị 3:33

Ozirenu Ẹnẹyịmavara va ya ịrẹsụ ovwoovu ọza odivi ama ọọ̄ mẹ̀ ka o zee yị ọza ana mẹ̀ ọyịza nị.

Ụhịrẹyị 12:7

Ẹnẹyịmavara oō vu aza ọhịmị ẹtẹ nị ama ovwoovu aza ọyịza o mē vu.

Ịzakaraya 5:4

Ẹnẹyịmavara Ochẹtẹẹngụ kà, ọnị vaa tụ́ ọ ahị hi ẹhẹ, dị ọ ngụ ịnị eehi oyi ọnịrị ọza ana hị́ eku uruku, dị ọ jị irehi ẹnịnị eburu.

Ụhịrẹyị 21:12

Ohomorihi ana vị ọnịrẹyịzẹyịza ọ̀ yẹ ịsa anaa na ịnị eehi ọza ọhịmị. Ọ́ vaa va aza edivi nọ ẹtẹ nị.

Ijoovu 21:28

Ẹ yaa họ̀ ka ịzị irehi aza ẹbanyị ana vavọọ mẹ̀ ebira odivi hi?

Ụhịrẹyị 21:20

Ọnịrẹyọyẹ ọọ̄ nyị ẹkẹhị dị ọ̀ nyị ẹngwọọrọ nị. Ama ọnụra vene du ẹkẹhị ha.

Ụhịrẹyị 11:28

Ọza anaa sị ayị tụra ẹkẹhị vị ọnị ụhị nyị ama ọnịzẹyịza vị enee re mẹ anka avị ohwoohu ana ya ụtọ okuha avọọ.

Ijoovu 8:15

Ogu ene sị eyi tụra ọ yị va dọ wa tụ.

Ahẹ Ụgama 128:3

Ose ẹwụ ọ yị vaa vị ọbọrịị tụ́ ini eehi awụ, vị ọ vaa ma ozi anka ọchị ana aā hị́ ịvayịnị mẹ̀ẹ tụ́ avọọ nị. Ezi ewu vị ana vaa gwẹtẹ anka ọchị ana aā hị́ orivi avọọ kara ịzị waa yà aa rị ịsa.

Ijoovu 18:21

Ịzẹyịza, aanị ọ mẹẹ̄ yàa yị aza ọhịmị nị. Aanị ọ mẹẹ̄ yàa yị aza ẹnẹ ẹ̀ yị hị́ ịrẹyị Ohomorihi ịrẹyị nị.

Ijoovu 15:34

Ịzẹyịza, ịpa aza edivi vị ene vee vú ẹtẹ, dị ịra rị irehi ẹnị ẹ sị ẹkẹhị amẹrị da.

Ijoovu 8:6

Òo nyima aa mẹ ịzẹyịza, Ohomorihi Ochẹtẹẹngụ vaa gụ ọ ụvọ dị ọ vaa avaba ịsị ẹ jị ọ ha aanị ịrẹma yọ.

Ụhịrẹyị 15:25

Ọza anaā sịị ẹngụ tụ ẹba vị ọnị Ẹnẹyịmavara gara irehi anị, ama ogu osoku vị ọnị oō sere.

Ijoovu 8:22

Ohomorihi vaa mẹ̀ ụhị nyị ọnịvị anị, dị vu ẹnịrị ovwoovu ẹtẹ.

Ahẹ Ụgama 37:10

Ọ yị jẹẹ dị áaza edivi ẹ̀ ta wèe kuku sì ọ pooro di we yi re e.