Ụhịrẹyị 13:4 - IWE ỌNỊNỊ

⁴ Ọza anaā nyị uworo o mē zụ re ịsị e si ama ọza anaā mẹ̀ vee re e tụra-tụra.

Ụhịrẹyị 13:4 Referans Kwoze

Ụhịrẹyị 12:24

Ọza anaā sịị ụvọta anị mẹ̀ ịsa vị anaā mẹ̀ ohi ama onuworo vị anaā vị ọrịhị ọza.

Ụhịrẹyị 12:11

Ọgẹrẹva ana da aarẹ banyị ọọ rị vọ ku nị ama ọnụra ọ̀ọ du ụmẹ anị ha nị.

Ụhịrẹyị 10:4

Uworo vị ana a sị ọza re osiye ama ọza ana aa sị ụvọ anị mẹ vị ana aā nyị rị ụvọ.

Ụhịrẹyị 11:25

Ọza anaā mẹ̀ ẹyịza vị ọnị o zee yị, ọza anaā mẹ̀ ọgụvọ yị aza vee re ọgụvọ.

Ụhịrẹyị 28:25

Ọnọhọha vị anaa kụ ịrẹyị hi ẹtẹ ama ọza ana sị ayị tụra Ẹnẹyịmavara vị ọnị o vee zee yị.

Anihiburu 6:11

Ịsị yee sìi hu, ọ vị ka, ọzịnya-ọzịnya awụ nịnị ọ̀ yịị sịị vụrị pooro ne tù ọdịrẹma, agụvị dị ụ wa zụ dọ ịsị ụ waa tụra eyi anị nịnị,

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ụhịrẹyị 8:34

Ịrẹyọyẹ ka aza anaa vị ịnị oze irehi anị vaa yaatụ ka ẹnị ẹ wụ́ ịrẹyị anị vaa daa jẹ.

Ayịsaya 58:11

Ẹnẹyịmavara kà ọnị vaa zụ wa oze pooro, dị ọnị sị ịsa ọyịza-ọyịza ọnị e yee si yị wa. Ọnị vaa sị ụkata yị wa, dị ẹ nyị ẹngwọnịya. Ẹ vaa ya anka ụbazị ana ya ịnị apasị ọnị enyi anị ẹ yị mā wụ̀ avọọ nị.

Ụhịrẹyị 26:13

Onuworo ọọ̄ kà a ka idu ya oze e zi ọnị nị.

Ahẹ Ụgama 92:14

Ọchị ẹnẹẹ mẹ̀ sị vị ọzọkụ, ẹngụ ẹnịnị vi ene hi hunẹnẹ, dị ẹ yaa tịị tụ́.

Ịrịka 23:10

Ẹnịnị ẹ rụrụ anka ezi ịnị eteesu. Ẹnẹ zụ za wa ịrịka? Navọ ọnị o su usu ẹngwọọrọ ọnịrẹyịzẹyịza, dị ẹtaha anị ọ ya anka Anisirẹrị.

Ụhịrẹyị 6:6

Ẹwụ nịnị onuworo, ne re ihine dị wa kọsẹ ịrẹyọyẹ hụụnị ẹhẹ ẹnịnị.

Ụhịrẹyị 12:27

Ọza anaā nyị uworo ọ mā dụ ịsa za ama ọza anaā mẹ̀ ụkọrọ ọọ̄ nyị vọ hi ẹtẹ nị.

Ụhịrẹyị 13:3

Ọza ana sị ụvọ za irenu anị vi ene sere ẹhẹ anị ama ọza anaa kà kẹnẹ-kẹnẹ vị enee vu ẹngụ anị ẹtẹ.

Ụhịrẹyị 13:5

Ọnịzẹyịza ọọ nyị ịhyẹrẹ ireche nị ama ọza ọhịmị vị ana mẹ̀ ịrẹyị ụhị.

Ụhịrẹyị 20:4

Onuworo ẹnẹ ẹ yị da aarẹ ịnị ụmẹ ụrụkụ ọ yị mā nyị ịsa ịnị aarẹ.

Ụhịrẹyị 21:5

Ọza ana kụ ẹngụ hi ịsa ana aa mẹ vana nyị rị ụvọ ama eneyiha vi ọnị ọ jị za a.

Ụhịrẹyị 21:25

Onuworo nịnị eneē yị mē si ka ẹnị ẹ mẹ̀ ụkọrọ, vana wụ ẹngụ ẹnịnị kẹnẹ.

Oyinyima 26:32

Ịhị ọnọọ gẹdẹ-gẹdẹ di ezi ahụ Ayiziiki va ka a yọ ka ẹnị ẹ sị enyi re ịnị ịkangga ọnị ẹnị aa chị nị.

Ijosuwa 7:3

Ịjị anọrụ ẹnẹẹ varẹma vẹ tu Ijosuwa dị ẹ ka ẹkụra ẹ yị nyị ọ ya. Ẹ yị nyị ka avaba isoja ẹ na gẹ wa ịrẹkụ. Dị ẹ ka Ijosuwa ọ tụ́ ẹhụ aza ẹnị akawụ avị akawụrakahị na pe wa zyaazị nị. Aza chee kẹnẹ anẹkụra ọnọọ vị nị.

Ụhịrẹyị 24:30

Maa para aarẹ ọnịrị ụbazị ịvayịnị onuworo ẹnẹ ẹ yẹ ịrẹyị hu.

Ụhịrẹyị 24:31

Avị ọnịrị igegenechi vị ana za avaba ịsa ịnị aarẹ anị rị. Ọvọ ịrẹta ọnị ọ jị kara ụbazị anị e ku wu va hi ẹtẹ.

Ahẹ Isoromọnị 5:3

Ma raà ngwa ẹnya amị hi ẹtẹ; Sị ẹ vẹ dị maa varẹma kụ ọ hi ẹngụ? Ma raà nyịna ahụ amị; Sị ẹ vẹ dị maa varẹma dọ ọ ọtị?