Ụhịrẹyị 13:22 - IWE ỌNỊNỊ

²² Ọza ọyịza vị ana a navọ ogu tịtẹ yị ezi ọnịrị ẹmazị anị. Ama ogu ọza ọhịmị ọnịzẹyịza vaa sị mẹ ẹhẹ nị.

Ụhịrẹyị 13:22 Referans Kwoze

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ụhịrẹyị 28:8

Ọza anaa dọ ọtụrarẹsụ ẹkẹhị erere agụvị ọnị ọ nyị ẹkẹhị hu avọọ, ọ yị vaa sị mẹ̀ ẹhẹ. Áa kụ ẹkẹhị ọnọọ gụ zi ọzẹnẹsa ana vaa vayị onuruwa nịnị.

Ahẹ Ụgama 37:25

M mẹ̀ hụrẹ vị ozweyi pooro dị mị maanị vịra aanị meè yi re da ka Ẹnẹyịmavara ô hi ayị ọza ana aa mẹ̀ ebira ana vọrọ vị ana aa mẹ ẹyịza e mē che eyi Ezi ẹngụ aza ẹnẹẹ vi oni ọ vee zee yị

Ahẹ Ụgama 112:2

Irima ezi ẹngụ aza ẹnẹẹ vị ana vaa nyị ụkata ịnị ẹtẹ ọnọọ. Obooro aza ana mẹ̀ ebira ana vọrọ vi oni o vee zee yị.

Ẹzịra 9:12

Agụvị avọọ, asị ị sị ezi anẹẹ ayị ga ezi anọrụ ẹnịnị, a vị dị ezi anọrụ ayị ẹ̀ nyị ezi anẹẹ ẹnịnị. Asị ị gụ wa ụvọ ka ẹ jẹẹ, yàa ka ya nyị ẹngwọọrọ ịnị ẹtẹ ọnọọ, dị ya hụrẹ ẹ ụvọ yị ezi ịrẹma, dị ọ vị ogu ẹnịnị pooro zịna-zịna.

Ahẹ Ụgama 128:6

U vee kú orubo di wee re ezi ẹnị ezi ewu ma. Anisirẹrị vị ana vaa nyị ẹngwọọrọ.

Ahẹ Ụgama 102:28

Ezi eyi vee hi ịda awụ di wee sere wa, dị ụ mẹ ka ezi ẹnịnị ẹ nyị ahụ jẹẹ ịda awụ.

Ụhịrẹyị 17:6

Ọzọkụ nịnị vị anaa sị aazị mẹ ụbanyị, avọọ ezi nịnị mẹ rẹẹ sị aza ana ma wa mẹ ụbanyị nị.