Ụhịrẹyị 13:20 - IWE ỌNỊNỊ

²⁰ Ọza anaā zị ògù ọyẹrẹyị vị ana yẹ ịrẹyị ama ọza ene e pe ọnụra za ọta vị anaā mẹ ẹngụ anị ịrẹyị.

Ụhịrẹyị 13:20 Referans Kwoze

Ụhịrẹyị 15:31

Ọza ana tụ ohuvọ ka ẹhẹ anị ò zoza, dị ọ dọ vị ana vaa yẹ́ ịrẹyị.

Ụhịrẹyị 9:6

Ọ kà ọnụra ọ va hụụnị ututu anị di oo hu ahụ ịrẹyọyẹ.

Ẹtore 18:4

Dị mị rẹ wụ́ ọngwẹ ọsa hụrẹ ẹbẹẹba, dị ọ ka: Ẹwụ nịnị aza anị, jịnẹ tụ́ ẹhẹ hụrị Ịbabịrọnị nịnị! Asị ụ nyị ụvọ tụ́ ịnị ebira odivi ẹnịnị! Agụvị asị ẹwụrị wa na rị ụya ọnyọọnya nịnị.

Ahẹ Ụgama 119:63

Avaba aza ene hí angwa awụ dị ẹ yaa saasa ọda awụ vị ọta amị.

Anihiburu 10:24

À vẹ yee ro ịrẹyị ẹngụ, dị yaa mẹ ka ye zuu sì ịrẹyị aza, dị ya rẹẹ mẹ ọyịza!

Ịmarakayị 3:16

Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị.

Odeyi 2:42

Ẹnịnị ệ sị ụmẹ ẹnịnị tịtẹ kụkụ aa kọsẹ ịdị odeyi nịnị, dị ẹyaa sị ayịị yị ẹngụ, di e re dudu aa rị ịsọyịrị Ananyị yị, di e re dudu aa mẹ̀ aduwa nị.

1 Ohinọyị 12:8

A rẹ nyị ọpa ezweyi ẹnị ẹnịrị Irehobowami dudu vịra vabẹ. Ezi ẹnẹẹ vị ana rẹ jẹẹ pè ọnị. Di Irehobowami sị ayị hụụnị iwọjị ana azọkụ sị yọ, dị ọ rẹ sị ịrẹyị ọnọọ ne pè ezi ẹnẹẹ gẹ eyi nị.

Ụhịrẹyị 7:27

Ọza enee si usu aa nọ ịda anị nị. Oze ana hụra na ngụ eku ọ vị nị.

1 Ohinọyị 12:10

Di ezi ẹnẹẹ ẹnị ẹnịrịị vịra tụ́ ohi dị ẹ ka, “Kà ẹ yị aza ẹnẹẹ ana ka wa hẹrẹ ẹnya ọrata ana ada awụ kune tụra ẹnị aanị ka ịsa ana ada awụ mẹ wa dị ẹ ka ẹnị ẹ sị ịrẹyị re avọọ vị ịrẹyị kiiki.

2 Ịtọpa 19:2

dị ọnịsẹ Ijehu ozi Ihanani jịnẹ ne tu ọ nị. Dị ọ họ̀ ọ ka sị ẹ vẹ dị ọ na gụ ọza odivi ụvọ, di o sì ịrẹyị aza anaā nyị ịhyẹrẹ Ẹnẹyịmavara? Ịsị ọnị ọ mẹ aanị ọ raà mẹ ka Ẹnẹyịmavara ọọ kụ́ ayị hi ọ.

Oyinyima 14:12

Aza ẹnẹẹ ẹ rẹ za Ịrọọtị ozi ọyịnyara Abụramị ana ra Isodọmị, dị ẹ kụ́ ogu anị vaka a dị ẹ yaa na nị.

1 Ohinọyị 22:4

Di Ijehosahwati tụ́ ohinọyị Anisirẹrị ohi dị ọ ka, “Ẹmịrị ẹwụ vị ọnya, aza ayị, vị ọnya, umaata ayị rẹ vị ọnya.”

1 Ohinọyị 22:32

Ọga isoja anaā sịị umaata kụ̀ ịrẹkụ ọnị mè yi re Ijehosahwati kẹnẹ, dị ẹ ka mba, ohinọyị Anisirẹrị yị, dị ẹ yaa dụ ọ ka ẹnịrị ọ ẹ̀ gẹ ịrẹkụ nị. Ẹ mẹ̀ vavọọ aa dụ ọ, di Ijehosahwati ọnị nowu za ẹtẹ nị.

2 Ịtọpa 10:8

Ama irehobomi ô si eyi wụ́ ịrẹyị azọkụ ẹnẹẹ, di o ne tu ezwọọmụha ana vị eyi ọpa anị. Dị ahịka ẹnị ẹ kụkụ vị anajuwe anị nị.

2 Ịtọpa 22:4

Ahaziya ô mẹ̀ du Ẹnẹyịmavara eyi agụvị ka ịrẹma ọnị ada anị su, aza Ahabị ẹ vana vị anajuwe anị ana gụ́ ọ hyẹdụ nị.

Ụhịrẹyị 13:19

Ọza o re ịsị e si ayị anị hine nị. Ọnụra kẹnẹ ọ vị enyisi anị ka ọ va hụụnị ebira odivi anị nị.

Ụhịrẹyị 14:7

Asị ụ gụrị ọnụra agụvị ka a yi nyị ịrẹyọyẹ ọnị ụ zụ kọ hụụnị ụvọ anị.

Ụhịrẹyị 22:24

Asị ẹwụrị ọnọyịkụ nịnị zị ògù. Asị ẹwụrị anayọkatẹngụ nịnị za ọta.

Ụhịrẹyị 22:25

Ẹ yị vị avọọ ụ vaa kọsẹ ebira ẹnịnị dị ụ wẹ yị zụ hụụnị anị.