Ụhịrẹyị 13:19 - IWE ỌNỊNỊ

¹⁹ Ọza o re ịsị e si ayị anị hine nị. Ọnụra kẹnẹ ọ vị enyisi anị ka ọ va hụụnị ebira odivi anị nị.

Ụhịrẹyị 13:19 Referans Kwoze

Ụhịrẹyị 29:27

Aza ọyịza vị anaā nyị ịhyẹrẹ aza edivi, avọọ aza edivi ẹnị mẹ rẹẹ̀ nyị ịhyẹrẹ aza ọyịza nị.

Ụhịrẹyị 13:12

Ịsa ọnị ọza e si ee tura ẹtẹ ayị anị vaa zị nị, ama ọza ene re ịsị ee si vị ọnị ayị anị hine.

2 Itimoti 2:19

Ama yáa yẹ ka ịsị Ohomorihi reè si hi ẹtẹ ẹtẹẹtẹrẹ, ọza o yi kuku zụ zizi ọọ. Â maanị chẹrẹ ẹ tụ́ ọọ ka, “Ananyị yị ộ yẹ aza ana vị aza anị.” A rẹ chẹrẹ ẹ ka, “Ọza ana àa ka ọza Ananyị yị ọ́nị vị nị, ọ̀ sị ụvọ hụụnị ebira odivi.”

Ụhịrẹyị 16:17

Ọza ọyịza vị ene zwe yi odivi, ọza ana sị ụvọ za ẹngụ anị vị anaa dọ ẹngụ anị tụ́.

Ahẹ Isoromọnị 3:4

Ẹmịrị wa mẹ maanị yị para ẹngụ hu kẹnẹ, dị mị na gẹrị ọza ọnị mị maanị sì ịrẹyị anị nị. Mâ ta a ku, mẹ yị kụkụ zẹ ka ọ̀ na. Dị mị sị́ ọ va ngụ ịnị aku ọnyị amị ịzị a ya ma mị nị.

Ụhịrẹyị 16:6

Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.

Ụhịrẹyị 3:7

Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Ahẹ Ụgama 34:14

Asị ọ rẹ kụkụ mẹ̀ ebira odivi, ọ̀ naa mẹ̀ ebira ene zoza Ịsị ọ̀ọ zị zụ mẹ kẹnẹ dị ọnịrị aza ẹ̀ ra ịnị ẹngwọọrọ, ọ̀ naa mẹ̀ ẹ.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

1 Ohinọyị 1:48

Di ohinọyị rẹ kà a bẹẹ ka, ‘Mâ kụ́ Ẹnẹyịmavara Ohomorihi Anisirẹrị avọ. Ọnị ọ sị ọza yị mị ajịnị nị ka ọ̀ rị ohinọyị dọ mị ịrẹsụ. Ma raà si eyi amị re e.’ ”

Ahẹ Ụgama 37:27

Và hụụnị ebira odivi, dị waa mẹ̀ ebira ene zoza Wàa vavọọ aa mẹ, ụ vaa ra ịnị ẹtẹ ọnọọ pooro.

Ụhịrẹyị 13:18

Ọza ana ka ọnị ọ mā wụ́ ịrẹyị ọza vi ene e re, dị ụhị a nyị ọ, ama ọza anaā wụ́ ịrẹyị ọza vi ana nyị ụbanyị.

Ụhịrẹyị 13:20

Ọza anaā zị ògù ọyẹrẹyị vị ana yẹ ịrẹyị ama ọza ene e pe ọnụra za ọta vị anaā mẹ ẹngụ anị ịrẹyị.

Ụhịrẹyị 29:10

Ọwọza nịnị vị anaā nyị ịhyẹrẹ ọnịzẹyịza, ví eē si ka ẹnị ẹ wụ̀ ọnịzẹyịza kwooze nị.