Ụhịrẹyị 13:13 - IWE ỌNỊNỊ

¹³ Ọza ana sị eyi wụ ajuwe obooro vị eneē vu ama ọza ana a saasa a ọ vaa ha nị.

Ụhịrẹyị 13:13 Referans Kwoze

Ịrịka 15:31

ka ọ sị eyi wụ́ ịrẹyị Ẹnẹyịmavara, dị ọ yẹ va jịnẹ ọda anị, ọnị ọ kụ usu tu ẹngụ anị nị.

2 Ịjọọnụ 1:8

Sị eyi pe ẹngụ awụ nịnị agụvị asị ụkọrọ awụ nịnị na vị osusu, ama dị ụ wa zụ rị ọgụ ụkọrọ awụ nịnị gụ.

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Ahẹ Ụgama 119:165

Aza ene sì ịrẹyị ọda ọnị ụ mẹ vị ana nyayịnẹ nyị ẹngwọọrọ, ẹ yị nyị ịsị ẹ zụ gụ wa hyẹdụ.

Ezikẹẹrị 20:13

Ama Anisirẹrị nịnị ệ kụ̀ hịrẹ ọnị ịnị ụnọmị ịzọọ. Ẹnịnị ê yị́ ịrẹyị ọnị ọnị kà yị wa tịtẹ; ẹ́ yị saasa ọda anị, ọda ẹnẹnị ọza àaa saasa, dị ọ yara nị. Dị ẹnịnị nyayịnẹ â mẹ kẹnẹ-kẹnẹ ẹkụhị ụhwọtụ anị nị. Dị ọnị vee roo ka ọnị ọ̀ sị ọyịkụ anị zụ̀ wa ịnị ụnọmị ịzọọ, dị ọnị ò vú wa ẹtẹ saka-saka nị.

Ahẹ Ụgama 19:11

Ọkarẹyị awụ aa kà aza ọnọ, ọza ana wụ́ chire vee re ọgụ ọbanyị.

Ezikẹẹrị 20:16

Ọnị ộ vavọọ kà a, agụvị ka ẹnịnị ê yi ịrẹyị anị tịtẹ, ẹnịnị ẹ́ yị saasa ọda anị. Dị ẹnịnị ệ yị sị ụbanyị yị ẹkụhị ụhwọtụ anị nị. Ori kẹnẹ ayị ẹnịnị yà ịnị anị nị.

Ezikẹẹrị 20:24

Ka ẹnịnị ẹ́ yị saasa ọda anị. Ẹnịnị ê yị ọda anị tịtẹ; ẹ́ yị sị ụbanyị yị ẹkụhị ụhwọtụ anị. Eyi ẹnịnị vị ana yà ịnị ori ohiku ẹnịnị.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ụhịrẹyị 13:21

Odivi oō du ọza ọhịmị echi nị ama ọnịzẹyịza vị eneē re ọyịza.

Ụhịrẹyị 1:25

Ẹnịnị ẹ yị mā dọ ịrẹyị ọza tụ ịzọọ. Ẹ yị mā dọ ka aa tụ ẹnị ohuvọ.

Ahẹ Ụgama 115:13

Avaba aza ene hí angwa Ẹnẹyịmavara, vị ọnị ọ vaa mẹ ka ò zee yi, ẹ̀ẹ vị aza eweyi, ẹ̀ẹ vị aza ẹbanyị.

Iruuku 16:31

Dị Abụrahamị kà a yọ ka: ‘Ẹ̀ yị wụ́ ịrẹyị Imosiisi ọnịrị ọ́ọnịsẹ nịnị, ọza ọ̀ọ daka hụụnị eku na kà ịrẹyị yị wa, ẹ yị rẹ yaa yịị wụ́.’ ”

Ịmarakayị 3:16

Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị.

Imatiwu 5:12

Waa jẹ, dị ịnẹ awụ nịnị òo hine ẹtẹẹtẹrẹ, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ a mẹ̀ rẹ sị ụya rị ọnịsẹ nịnị ana vịdị vẹ tụ́ wụ nịnị nị.”

Ijeremaya 43:2

Dị ọnọrụ ọnya ana aā hị́ Azarịya ozi Ihosaya, ọnị Ijohananị ozi Ikareya ọnịrị ẹnị enee wù zị, nee tụ́ ohi ka, ireche oni ee che nị. Ẹ ka, Ẹnẹyịmavara, Ohomorihi ẹnịnị, ẹ́ yị tụ ọnị ka, ọnị ọ̀ kà a ka asị ẹnị na ra Ijipiti.

Ẹzịra 10:3

Booro aanị, ọ sị vị abaabo ka ẹnị hụrẹ anẹẹ anikinami ẹnịnị ọnịrị ezi ẹnịnị ụvọ ka ẹẹ nọ eehi ẹnịnị anka ajuwe ọnị Ẹzịra ọnịrị aza ana sị ụvọ za ọda Ohomorihi sị yị ẹnị aanị.

Ọyịkụra 9:20

Anụkọrọ Ihwarawo ẹnị ê hí angwa agụvị ịrẹyị ẹnị Ẹnẹyịmavara kà. Di e wuse zwe dị ẹ na kụ́ ọrịhị ẹnịnị ọnịrị ịsụpa ẹnịnị hụụnị aarẹ vẹ ini eehi nị.

Ụhịrẹyị 13:12

Ịsa ọnị ọza e si ee tura ẹtẹ ayị anị vaa zị nị, ama ọza ene re ịsị ee si vị ọnị ayị anị hine.

Ụhịrẹyị 19:16

Ọza anaa saasa ọda Ohomorihi vị enee ku orubo, ọza anaa sị eyi wụ́ ịrẹyị anị vene vee su ne ta.

Ahẹ Ụgama 19:12

Ọza ọnị ụvọta ọ mā yẹ akụvị ẹngụ anị, Akụvị oni mee weree mẹ, Ẹnẹyịmavara dọ mi tụ́ ịnị anị.

Ụhịrẹyị 16:20

Wụ ịrẹyị ana a ka yị wụ agụvị o zee yị wụ. Sị ayị tụra Ẹnẹyịmavara dị ayị awụ ọ hine.