Ụhịrẹyị 12:13 - IWE ỌNỊNỊ

¹³ Ịrẹyị irenu aza ọhịmị ọọ va ịrẹpa zi wa nị, ọnịzẹyịza vị ana a ha hụụnị akanya.

Ụhịrẹyị 12:13 Referans Kwoze

Ụhịrẹyị 21:23

Wàa sị irenu awụ kwoku, wẹ yị vaa ngụ ịrẹyị.

Ụhịrẹyị 11:8

Ẹnẹyịmavara aa dọ ọza ọyịza ha hụụnị akanya nị, ama dị ọ hụrẹ ọza ọhịmị ụvọ tụ ịnị anị.

Ahẹ Ụgama 64:8

Ohomorihi vaa mẹ ka ịrẹyị ẹnị ẹ kà ọ̀ và ka wa na, dị ahịka oni vú wa ẹtẹ nị Aza ene èe re wa vee henyi ịrẹsụ, di ee nyị wa unyi.

Ịdanịyẹrị 6:24

Dị ohinọyị ọnọnị mẹ ọda ka à na zá avaba aza ana sị ịrẹyị Ịdanịyẹrị va tụ ịrẹka nị. Ịzẹyịza dị a na zá wa nị. Dị a kụ wa beri ezi ẹnịnị ọnịrị ose ẹnịnị, dị e ne wa và hí ịnị ụsị ana kụ idu nịnị hi nị. Dị a naa nyị ka ê tu ẹtẹ idu za wa, dị ẹ nà wa rị chẹ́kẹ̀-chẹ́kẹ̀ nị. Ẹchụkụ ẹnịnị ikonyara ẹ yị hyakụ vẹtẹ.

Ụhịrẹyị 6:2

ịrẹyị irenu awụ aa vị ịrẹpa za wụ nị.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

Ịrẹyị Ọzwọzịsa 7:18

Asị ụ na mẹ ẹnẹmẹhị ịnị ẹnẹ ẹyịva ẹnẹẹ nị. Wâ hí angwa Ohomorihi, vị o vee zozaa yị wụ nị.

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

Ụhịrẹyị 15:2

Ọza ana yẹ ịrẹyị vị anaā ka ịrẹyị ịrẹyọyẹ ama ọnụra vị anaā kà ututu.

Ahẹ Ụgama 34:19

Aza ana aa mẹ̀ ebira ana vọrọ ini eyi Ohomorihi ẹ nyẹngụ nyị ẹngụkata irenyi-irenyi ama Ẹnẹyịmavara vị ana aa tụ̀ wa hụụnị avaba anị.

Ahẹ Ụgama 5:6

Avaba onireche vị ọnị ụ vaa wụ̀ ha Enevene ana aa wụ̀ ọza vị ọnị ụ nyị isi anị.

1 Ohinọyị 2:23

Di Isoromọnị ohinọyị va sị Ẹnẹyịmavara hị́ eku dị ọ ka, “Aà vị ka ẹ yị vị ịrẹyị ana Adonija kà aanị ọ vaa vị isu ịrẹsụ anị, asị Ohomorihi zẹẹ ka ò zoza yị mị.

2 Ịsamụwẹrị 4:9

Di Idevidi vạ ohi yị wa dị ọ ka, “Ma sị Ẹnẹyịmavara ana dọ mị há hụụnị avaba akanya hị́ eku.

Oyinyima 48:16

anggẹẹrị ọnọọ ana dọ ọnị ha hụụnị avaba ịsa odivi, ọ̀ navọ kwogwo ò zee yi ezi ẹnẹnị. Ọ̀ navọ kwogwo a vaa sị waa tamayị ịrẹha anị ọnịrị ohiku anị nịnị ana vị Abụrahamị ọnịrị Ayiziiki. Ọ kà ọ̀ navọ ẹ va ma ozi rụrụ, dị ahịka vị ẹ gwẹtẹ ịnị ẹhẹ kẹnẹ nị.”

Ahẹ Ụgama 59:12

Ebira odivi kẹnẹ ẹẹ̄ kà pooro nị Navọ oto ene e yee woo zị ọ̀ vara ịrẹpa za wa Ireche ọnịrị ịrẹyị odivi ẹẹ̄ kà nị.

Ụhịrẹyị 18:21

Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ.

Ahẹ Ụgama 34:20

Ẹnẹyịmavara vi ana nyayịnẹ sere e, ọ yị hyakụ zẹẹ ka ẹchụkụ anị ikonya ò che.

Ahẹ Ụgama 59:13

Navọ wa sị ọyịkụ-ọyịkụ gara wa va ha saka-saka Wàa vavọọ mẹ wa, avaba anẹhẹ vaa yẹ ka ẹwaa vị ohinọyị Anisirẹrị nị.

Ụhịrẹyị 10:8

Ọnịrẹyọyẹ vị ana a wụ́ ịrẹyị ọza ama ọnụra ana ka kẹnẹ-kẹnẹ vị ana kụ ịrẹyị tu ẹngụ anị