Ụhịrẹyị 11:3 - IWE ỌNỊNỊ

³ Ebira ọnịzẹyịza vị anaā zụ ọ oze ama anapẹ vị ene su usu apẹ.

Ụhịrẹyị 11:3 Referans Kwoze

Ụhịrẹyị 13:6

Ịzẹyịza ọnịzẹyịza aa dọ ọ tụ nị ama ebira odivi ọza ọhịmị o vee vu ọ ẹtẹ nị.

Ụhịrẹyị 28:18

Ọza anaā mẹ̀ ịzẹyịza vị ana vaa há ama ọza ọnị ẹ mā mẹ̀ ịzẹyịza vi ene vee su usu asigiri.

Ụhịrẹyị 19:3

Ọza ẹnyị ọọ raa sị ụra wụ ẹngụ anị dị a su ọ za Ẹnẹyịmavara.

Ahẹ Ụgama 26:1

Ẹnẹyịmavara, asị ụ jị ịvị mị agụvị ka mẹ yị zẹẹ ka ma mẹ akụvị Mẹ yị mẹ ayị ẹẹva, ẹwụ nya kẹnẹ mị sị ayị tụra nị.

Ahẹ Ụgama 25:21

Navọ ịzẹyịza ọnịrị ebira ọyịza e vaa gụ mị agụvị ka ẹwụ mị sị ayị tụra nị.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Ịrẹyị Ọzwọzịsa 7:17

Ama asị ụ rẹ na chamayị avị ka wa rẹ na mẹ ụra ẹnẹmẹhị. Asị ụ wụ ẹngụ awụ dị ụmẹ awụ o ve tu.

Ụhịrẹyị 11:5

Ịzẹyịza vị ana mẹ̀ ẹhẹ ọnịzẹyịza rọọ ẹngụ ama ebira odivi ọza ọhịmị aa tana yị usu nị.

Ayịsaya 1:28

Ama aza ana aa kụ̀ụ hịrẹ ẹ dị ẹ yaa mẹ̀ ebira odivi vị ọnị ọ vaa garaa ha. Avaba aza ana ka ẹnị ẹ yị saasa a vị ọnị ọ vaa wụ̀ vaa ha.

Ụhịrẹyị 21:7

Aza ọhịmị ẹ yị dọ ka ẹnị ẹ mẹ̀ ịsa ọyịza. Ẹẹ̄ kụ́ ẹngụkata tu aza pooro nị, ebira odivi ẹnịnị ọ vaa wụ̀ wa nị.

Ụhịrẹyị 2:22

Ama Ohomorihi vị ene vee vu aza ana mẹ̀ ebira edivi ẹtẹ hụụnị ẹhẹ. Ọ́ vaa kụ wa hụrẹ ẹtẹ anka a mee hu avịị hụrẹ ẹtẹ avọọ nị.

Ụhịrẹyị 22:12

Ẹnẹyịmavara vị eneē sere ọza anaa mẹ ịzẹyịza ama enevene nịnị vị ọnị ọọ̄ mẹ̀ ụhị nyị.

Ịrịka 31:8

ọnịrị ohinọyị ẹnịnị ẹẹhị: Evi, Irekemi, Izuri, Ihuri, Ireba. Ịhyọnọọ ẹ rẹẹ̀ wụ́ Ịbaraamị ana vị ozi Ịbẹyọ.