Ụhịrẹyị 11:19 - IWE ỌNỊNỊ

¹⁹ Ọnịzẹyịza vị anaa mẹ̀ ẹhẹ ozoza ama ọza ọhịmị o mē ku orubo.

Ụhịrẹyị 11:19 Referans Kwoze

Ụhịrẹyị 10:16

Ebira ọyịza ọ sị ọza na orubo nị, ama ọza odivi vị ana sị ẹhẹ anị mẹ odivi.

Ụhịrẹyị 19:23

Ọza ene hí angwa Ẹnẹyịmavara vee ku orubo dị ọ mẹ ẹhẹ anị ịnị ẹngwọọrọ.

Ụhịrẹyị 12:28

Ọza anaa mẹ̀ ụkọrọ ọọ̄ nyị vọ hi ẹtẹ nị, ọza anaa mẹ ịrẹyị ọhịmị ẹ yị mā nọ orubo.

Ụhịrẹyị 8:36

Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.

1 Ịjọọnụ 3:7

Ẹwụ nịnị ezi emi, asị ụ zẹẹ ka à nyị ọza ene vene wu nịnị! Ọza ana àaā mẹ ịzẹyịza, ọnịrẹyịzẹyịza ọ vị nị, anka Ikirisiti ọnị mẹ̀ rẹ vị ọnịrẹyịzẹyịza.

Aniroomi 6:23

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

Odeyi 10:35

Ọza ene èe hí angwa anị, dị ọ mẹ̀ ịsa ana vọrọ nị, vị Ohomorihi aa dọ ọ nị, anẹkụra tụra anẹkụra ọnị ọ̀ọ vị.

Ụhịrẹyị 11:4

Usu ọ̀ọ ngụ tụ ọza, ẹkẹhị anị ọ yị zụ dọ ọ ha ama ịzẹyịza kẹnẹ ọ zụ dọ ọza ha nị.

Ijemiisi 1:15

Ariro odivi ọnọọ ọọ̄ mẹ̀ ọza ka ọ̀ mẹ ịvị nị. Ịjị ọza ọ̀ọ sị ịvị mẹ ta, dị ahịka isu ọ zaa ịrẹsụ nị.

Ụhịrẹyị 21:16

Ọza ene yi ịzẹyịza tịtẹ vị ana gụrị usu.

Iwe Ọhụhị Imosiisi ana aa hị́ Ọyịvatụrọda 16:20

Re ka waa mẹ ịzẹyịza pooro kẹnẹ, agụvị dị ụ wa zụ ra nịnị ịnị ẹtẹ ẹnẹ Ẹnẹyịmavara Ohomorihi awụ nịnị aa sịị yị wụ nịnị aanị.

2 Ohinọyị 1:4

Ọ kà ẹnịnị ẹ̀ na kà a yị ohinọyị ka, ẹ yị va zụ rị ụnava ọnị ọ tọ̀ aanị. Vị ó vee sú nị. Dị Erija vavọọ na mẹ anka Ẹnẹyịmavara mẹ̀ kà a yọ nị.

2 Ohinọyị 1:16

Ộ kà a yi ohinọyị ka: Ẹnẹyịmavara kà, agụvị ka ộ tụ́ aza nọ ịdị Ịbaarị-Izebubi, ori Anekironi ne họ̀ use ịrẹyị, anka vị ẹ̀ yị nyị ori ịnị ẹtẹ Isirẹrị ana vọrọ ka ò họ̀ use ịrẹyị nị; ẹngụ anị ẹ yị vaa nịya, vị o vee su nị.

Ụhịrẹyị 21:21

Ọza anaā mẹ ịzẹyịza, dị ọ vayị ọza vị ọnị aza vavọọ vaa mẹ̀ yị dị ẹhẹ anị è zee yọ.