Ụhịrẹyị 11:17 - IWE ỌNỊNỊ

¹⁷ Ọza anaā vayị ọza vị anaa mẹ aha yị ẹngụ anị ama anayịchama vị anaa tụ̀ ẹngụ anị ụnava.

Ụhịrẹyị 11:17 Referans Kwoze

Imatiwu 5:7

Anayamva vaa daa jẹ, agụvị ka Ohomorihi vaa vayị ẹnịnị.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Anihwiripi 4:17

Ẹ yị vị ka ẹyịza awụ nịnị m maa dụ nị, ama maa dụ ka wa nyị ọgụ ẹtẹẹtẹrẹ tụ́ ịnị ẹyịza awụ nịnị.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Ayịsaya 57:1

Ọnịrẹyịzẹyịza nịnị ee sú, ẹ yị nyị ọza ana daba roo. Aza anaa sị ịzẹyịzaa hẹkẹ Ohomorihi aa tá, ẹ yị nyị ọza ana yẹẹ. Ọnịrẹyịzẹyịza nịnị ene sú, vị ana a kụ́ụ hụụnị ẹngụkata.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ụhịrẹyị 15:27

Ọza anaa mẹ̀ karakara ka ọnị ọ̀ zị oze asuvu rị ọgụ vị anaā kụ ẹngụkata tu anineehi anị, ama ọza anaā nyị ịhyẹrẹ ochirerenu ọyịdọ vị eneē ku orubo.

Iruuku 6:38

Waa sị ịsaa yị ọza, agụvị à rẹ sị ịsa wụ, ana ahịka a vaa mọ ọ ohihi, di e chì ọọ, di e re henyi ọọ, dị aa ká a wà, di a sị wụ. Ịsị ụ wàa sị mọ ịsa yị ọza, a rẹ vaa sịị mọ ọ yị wụ nị.”

Ijoovu 20:16

Ịsa aza edivi rị sị mẹẹ anka ọza o hu ẹchịpa avọọ nị. Ẹchịpa ọnọọ a wụ̀ wa anka ẹwụ ana hị́ ibe o rere mẹ ọza avọọ nị.

Ụhịrẹyị 22:9

Ọza anaā mẹ ẹyịza vị ọnị oō ze yị agụvị ka a sị ịsa yị onosiye nịnị.