Ụhịrẹyị 11:16 - IWE ỌNỊNỊ

¹⁶ Ọnyẹnẹẹ ana nyị ebira ọyịza vị anaā sịị ụbanyị yị ama ọnọrụ ana zụ mẹ̀ ụkọrọ vị anaā nyị ẹkẹhị.

Ụhịrẹyị 11:16 Referans Kwoze

Iruuku 10:42

 nyị ịsa ọnya chọchọchọ anaa vọrọ ka ya nyị; ịsa ana vọrọ ọnọọ, Ímeri nyị aanị nị. Ọza ọ yị vaa dọ ọ hụrẹ ẹ ụvọ.”

Odeyi 9:39

Dị Ipita kwẹẹtẹ, dị aa dị waa na nị. Ịjị o tù ịzọọ, dị a sị ọọ nọ ịnị aku ịnị ọtụrọsa ọnọọ nị. Dị avaba osoku nịnị ene hi ịzọọ wara kara Ipita, dị ẹyaa jị òrèrè, dị ẹyaa sị awuru ọnịrị ọtịnịnẹ ọnị Ịdọkaasị mẹ, ọ mẹ̀ yà ẹhẹ, zụ̀ Ipita nị.

2 Ịjọọnụ 1:1

Ẹmị ana vị ọzọkụ ịragụ Ohomorihi aa chẹrẹ iwe ọnọnịị tụ́ụ hi wu, onyeyiza ayị ọnị Ohomorihi nyị ọnịrị ezi anị. Mée sì ịrẹyị awụ nịnị ẹtẹẹtẹrẹ. Ẹ yị vị ẹmị ịnya kẹnẹ o sì ịrẹyị awụ nịnị, ama avaba aza ana sị ịzẹyịza dọ.

Iruuku 8:3

Ẹnị ọsa vị Ijowana, ose Ichuza ana vị ozi ahụ Ịhẹrọdị, ọnịrị Isusana beri anẹẹ ọrụrụ-ọrụrụ ọsa anaā sịị ịsa ẹnẹ ẹ̀ẹ nyịị mẹ ọgụvọ yị Ijeesu ọnịrị ezirẹma anị.

Imatiwu 26:13

Ịzẹyịza m maa kà a wụ nịnị nị, aha tụra aha ana àa yà aa kà enube ọyịza ọnọnị ịnị avaba ẹhẹ, a rẹ vaa kà ịsa ọnọọ mẹ aanị, dị aa sịị tamayị anị.”

Ẹsịta 9:25

Ama ịjị Ẹsịta va ha ohinọyị eyi tu ebira odivi Ịhamanị, dị ohinọyị mẹ̀ ọda ana a chẹrẹ ka ịsị odivi oni o ro tụra Aniju ọ̀ vẹ ịrẹsụ anị nị. Di e zu Ịhamanị ọnịrị ezi anị gẹ ọchị nị.

Aniroomi 16:6

Kụ́ Imeri yị mị! Ộ mẹ̀ ụkọrọ yị wụ nịnị ẹtẹẹtẹrẹ.

Ụhịrẹyị 31:28

Ezi anị vị anaā kà ebira ọyịza anị. Ọva anị vị anaā ga a.

1 Ịsamụwẹrị 25:40

Di ezi ahụ Idevidi nọ Ịkamẹrị dị ẹ na kà a yi Abigẹrị ka Idevidi ộ tụ́ ẹnị hị́ ọ ka ọnị ee sì ka ọnị ọ̀ nyị ọ.

Emọsị 3:9

Ẹnẹyịmavara kà Emosi ọ kà yị ohinọyị Anasiriya ọnịrị ohinọyị Anijipiti ka ẹnịnị ẹ jịnẹ nọ ịrẹsụ ataba Isamariya di e vee re ebira odivi Anisirẹrị nịnị nị.

Emọsị 3:10

Ọ kà ẹnịnị ẹ yị yẹ a mẹẹ̄ mè ịsa ana vọrọ. Ẹnịnị vị ana sị àko kụ ogu aza hi irehi ẹnịnị.