Ụhịrẹyị 11:13 - IWE ỌNỊNỊ

¹³ Onireche vị ana a kụ ọza uruvo hi ẹhẹ, ama ọza ana wụra chi ayị za vị ana a sị̀ ịrẹyị tẹ.

Ụhịrẹyị 11:13 Referans Kwoze

Ụhịrẹyị 20:19

Ọza ọnị irenu anị ọ yị ma tịtẹ hẹẹ vị anaā kụ ọza iruvoo hi ẹhẹ. Asị ụ zị ògù anị o.

Ụhịrẹyị 25:9

Ẹwụrị ọza ọ̀ nyị ịrẹyị, mẹ̀ ọkarẹyị anị yị ẹngụ awụ nịnị dị asị ụ kụ ọ iruvo hi ẹhẹ.

Ireevi 19:16

Ọ kà à sị ẹnịnị yà ịnị akakana anda ẹnịnị dị ee du ọza ịrẹma. À sị a nyị ọza ana na dọ ivenu ireche ana vaa mẹ ka à wụ ọnọhụva anị.

1 Itimoti 5:13

Ẹ yị vị avọọ kẹnẹ, dị ẹyaa nyị uworo, dị ẹ rẹ yaa ngụ irehi-irehii zị. Ene divi hu ọ vị ka, dị ẹ kụkụ aa kụ́ ọza ịrẹkaa zị, dị ẹyaa jị eyii ngụ ịnị ịrẹyị ọnịrẹyị, dị ẹ rẹ yaa kà ịsa ẹnẹ ẹ̀ yị vọrọ.

Ijosuwa 2:14

Dị Anọrụ ẹnẹẹ tụ́ ozu hị́ eku ka ẹnị ẹ yị vaa wụ́ wa ịnị ụmẹ ọnị Ẹnẹyịmavara ọ sị ẹtẹ ọnọọ yi ẹnị. Ama asị Ịrahabị kụ uruvo ẹnịnị hi ẹhẹ.

Ijeremaya 38:27

Ijeremaya ka, ịzẹyịza, avaba ezida ohinọyị ệ va họ̀ ọnị usirẹyị. Dị ọnị tụ́ wa ohi anka ohinọyị mẹ kà a yị ọnị gẹdẹ-gẹdẹ. Ẹ́ yị nyị ịsị ẹnịnị kụkụ zụ mẹ, agụvị ka ẹ́ yị nyị ọza ana wụ́ ịrẹyị ọnị ọnịrị ohinọyị kà.

Ụhịrẹyị 14:5

Onivenu ịzẹyịza o mē cheeche ama onireche vi eneē cheeche.

Ijosuwa 2:20

Dị ẹ rẹ ka ẹnị ẹ yị vaa rị ịvị anị ọ̀ọ sị irenu anị kwoku.

Ụhịrẹyị 11:12

Ọnụra oo du ọza nị ama ọza ana yẹ ịrẹyị vị ana a sị ụvọ za irenu anị.

Ụhịrẹyị 12:23

Ọza ana yẹ ịrẹyị vị ana sị irenu anị kwoku ama onututu vị ana da ụra anị zụ.

Ụhịrẹyị 19:11

Ịrẹyọyẹ vị anaa sị ayị ọzaa nẹtẹ, ọza anaa sị eyi hụụnị ịrẹyị aā sị ụbanyị yị nị.

Ụhịrẹyị 10:19

Ireche ọ mā tara ọza ẹnẹ ẹ yị ma sị irenu anị kwoku, ama ọza ana yẹ ịrẹyị vị ana sị ụvọ za irenu anị.