Ụhịrẹyị 10:7 - IWE ỌNỊNỊ

⁷ Ịrẹkụkụ ọza ọyịza ọ mē vu ama ọza odivi ẹ yị nyị ọyịza ana aa sị tamayị anị.

Ụhịrẹyị 10:7 Referans Kwoze

Ahẹ Ụgama 112:6

Nyị ịsị e zụ zizi ẹngụ aza ẹnẹẹ. Aza ana aā mẹ̀ ebira ana vọrọ vị ana a vaa tamayị anị pooro.

Iruuku 1:48

agụvị ka ẹmị ozida anị ẹnẹ ẹ̀ yị nyị ịsị mị vị, o reè re mi eyi. Hụrẹ ọyaanị na, avaba aza vị ana aa vanaa hị́ mị ọnịrajẹ,

Ịmaakị 14:9

Ịzẹyịza m maa kà a wụ nịnị nị, aha tụra aha ana àa yà aa kà enube ọyịza ọnọnị ịnị avaba ẹhẹ, a rẹ vaa kà ịsa ọnọọ mẹ aanị nị, dị aa sịị tamayị anị.”

Ahẹ Ụgama 109:13

Asị ụ zẹẹ ka à kụkụ tamayị ịrẹha irima anị ini ovwoovu ẹnịnị.

2 Ịtọpa 24:16

Di e ne e ịzị eē ne ohinọyị nịnị tụ́ nị. Ệ zị oze avọọ sị sị ụbanyị yọ agụvị ụkọrọ ọnị ộ mẹ̀ yị Anisirẹrị nịnị ọnịrị Ohomorihi neberi irehi Ohomorihi.

Ahẹ Ụgama 109:15

Ẹnẹyịmavara, waa tamayị ịvị ẹnị ẹ mẹ, dị wa mẹ ka è hi ayị ẹnịnị ịnị ẹhẹ.

Ijoovu 18:17

Ịzị ẹ ngụrẹyị na za ini eehi ọnịrị ẹhẹ ộ ta. Ọza ẹ yị ma vana tamayị ẹnịnị paa.

2 Ohinọyị 19:34

Ọnị vee sere ẹkụra ọnọnị, dị ọnị ẹ ị zẹẹ ka à nyị ịsị ẹ mẹ̀ ẹ. Ọnị vavọọ vaa mẹ̀ ẹ agụvị ụbanyị ọnị ọnị sị yị ịrẹha anị, ọnịrị agụvị oto oni ọnị wo yị Idevidi ozi ahụ anị.

1 Ohinọyị 11:36

Ọ kà ọnị vaa sị ovwoovu ọnya yị ozi Isoromọnị agụvị di Idevidi ozi ahụ anị dị ọ daba zụ nyị ozi ọnya oni vee re ana vaa zụ̀ aza anị oze Ijerusarẹmị. Ọ kà ịzọọ ọ vị ẹkụra ọnị ọnị nyị ka ọnị, ọ̀ yà nị.

Ịrẹyị Ọzwọzịsa 8:10

Ọ kà dị ọnị re ree bẹẹ ka ọza odivi oo su dị e ne e nị. Ọza odivi ọnọnị vị ana nọ ịnị irehi Ohomorihi ụmẹ tụra ụmẹ. Ịjị e sị ọ ne dị ẹ yaa vàa vẹ dị aza e gono o ịnị ẹkụra ọnị ọ ya mẹ̀ ebira odivi anị nị. Dị ọnị ka ọsọnị rẹ vị osusu bẹẹ.

Ijoovu 27:23

Ahị ọnọọ nyayịnẹ a tụ kukuku, dị ụkata evu ẹtẹ ee chire wa angwa dụ wa ịrẹma e mee zwe nị.

Ijeremaya 17:13

Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.

2 Ịtọpa 32:33

Ihezekaya me su, di e ne e akẹbẹẹba ịzị eē ne oku ohinọyị nịnị hi nị. Dị avaba Anijuda ọnịrị Ijerusarẹmị nyayịnẹ sị ụbanyị, yị oku anị nị. Ozi anị Ịmanasẹ ộ rị ohinọyị dọ ada anị ịrẹsụ nị.

Ijoovu 24:20

Dị ayị ẹnịnị hii, dị ụkata ẹnịnị taa, dị ụpẹngụ ẹnịnị ee hine idegu ọyịrị.

Ahẹ Ụgama 34:16

Ẹnẹyịmavara vị ana aa kụ́ ayịị hị́ aza ana aa mẹ̀ ebira odivi Ọ vaa wụ̀ wa, dị ọza ọ mā vana tamayị ẹnịnị pàá ịnị ẹhẹ.

Ụhịrẹyị 22:1

Ọza ọ̀ọ nyị ịrẹha ozoza ọ mẹ hụụnị ogu nị. Ọza ọ̀ọ sị ụbanyị yị ọza o hụụnị ẹkẹhị nị.

Ayịsaya 14:22

Ẹnẹyịmavara Ochẹtẹẹngụ ka ọnị vaa kwẹẹtẹ tù Anibabironi, dị ọnị za avaba ezi anị ọnịrị ịpa ẹnịnị di oni vú wa ẹtẹ hụrẹ ẹhẹ.

Ahẹ Ụgama 34:17

Ọza ana aa mẹ ịzẹyịza ô nowu na za Ẹnẹyịmavara, dị ọba a owu, dị ọ dọ ọ tụ́ hụụnị avaba akanya anị nị.

Ahẹ Ụgama 41:5

Ọnịvị amị nịnị vị ana aa kà ịrẹyị odivi amị Ẹ ka à kà ka ma hụra sú dị aamị ọ̀ ta hụụnị ẹhẹ.