Ụhịrẹyị 10:26 - IWE ỌNỊNỊ

²⁶ Ayodu ọza ana tụ onuworo ụtụ re nị. Vị ọ mẹ ẹgọ ka ọza eyi, dị ọza ọnọọ ẹ yị nyị irenu ha nị.

Ụhịrẹyị 10:26 Referans Kwoze

Ụhịrẹyị 26:6

Ọza anaa tụ́ ọnụra ụtụ sị mẹẹ anka ọjavụ ana hị́ akanya tu ẹngụ anị avọọ nị.

Ụhịrẹyị 25:13

Ọnụtụ obooro vị anaa sị ayị ọza ana tụ ọ ụtụ nẹtẹ anka ọza o hú enyi ohunẹnẹ ịnị ụmẹ ẹtẹ ọngụra avọọ.

Anihiburu 6:12

dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.

Imatiwu 25:26

Dị ọga anị ka: ‘Ẹwụ ozi ahụ odivi ana vị onuworo aanị!’ Wâ yẹ ka ịzị mè yi chire ịsa tụ́, mịị̄ há ịsaa hụrẹ nị; dị mị rẹẹ̄ kụ́ ịsa ọnị mẹ̀ yị gara tịtẹ nị.

Ụhịrẹyị 25:20

Ọyị jị ahẹ zụ ọza ana yị ịnị ayodu sị mẹẹ anka ọza ọ̀ọ ka anọ hị́ ọza ịtahụ, a vị ikere aa rị ọza achị, a vị ukukurumi aa rị ọchị avọọ nị.

Aniroomi 12:11

Waa mẹ̀ ụkọrọ nịnị, asị ụ nyị uworo nịnị. Sị ayị ọnya dụ wa sịị hẹkẹ Ananyị yị nịnị.

Ayịsaya 65:5

Ẹnịnị vanaā kà a yị aza ana vọ ka, “kana kwooze, a sị ụ sị ụvọ kanyị yị, ka aza ọnịnị ị vị̀ nị.” Ẹmịrị ẹngụ aza ẹnẹẹ ẹ yị zụ mẹ ọnya. Màa kụ ayịị hi wa, vị ọ sị mẹẹ anka ịra ene è yi me mí avọọ nị.

Ụhịrẹyị 6:6

Ẹwụ nịnị onuworo, ne re ihine dị wa kọsẹ ịrẹyọyẹ hụụnị ẹhẹ ẹnịnị.