Ụhịrẹyị 1:33 - IWE ỌNỊNỊ

³³ Ama ẹ yị nyị ịsị ẹ vaa mẹ̀ aza ana sị ụtọ pe ịrẹyị ịrẹyọyẹ. Angwa e yi vee hi wa.

Ụhịrẹyị 1:33 Referans Kwoze

Ayịsaya 26:3

Ụ vaa sị ẹngwọọrọ yị aza ana ayị anị jẹẹ geri-geri dị ẹ sị ayị tụra wụ.

Iruuku 21:9

Ịjị ụ wàa wụ́ ekuku ịrẹkụ irenyi-irenyi nịnị, asị u hí angwa nịnị! Ẹ yị zụ nyị ka ọ yị vavọọ yà; ama ẹzẹtẹ ẹhẹ ọọ̀ yị vẹ.”

Ụhịrẹyị 14:26

Ọza eneē hí angwa Ẹnẹyịmavara vị ọnị oō sere ọnịrị ovwoovu anị.

Ụhịrẹyị 9:11

Ịrẹyọyẹ vị anaa sị ọza ku orubo.

Iruuku 21:19

Wàa jẹẹ geri-geri nịnị, ọnị ọ vaa mẹ ka wa zụ yara nịnị obooro nị.”

Ahẹ Ụgama 81:13

Àa vị ka Anisirẹrị aza amị yaanị zẹẹ ka ẹnị ẹ̀ wụ́ ịrẹyị amị,

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ayịsaya 48:18

Ẹnịnị ẹ̀ẹ wụ́ ịrẹyị anị, ọ yaanị ee ze yị wa anka orosi ẹnẹ ẹ yị mā wụ̀ avọọ. Ẹ yaanị aa nyị ehuna anka ahịị̄ mẹẹ kụ enyi na va ha ụtọ irehu avọọ.

Ụhịrẹyị 12:21

Ọza ọyịza e mē re odivi ama ọza ọhịmị vị anaā vị ọnịrị ẹngụkata ọrụrụ-ọrụrụ.

Ịrẹyị Ọzwọzịsa 8:12

Ọ̀ọ daka vị ka ọza odivi mẹ̀ ebira odivi ụpẹ ẹchẹẹhị dị o ki ku orubo, ọnị ọọ yẹ ka ọza ene hí angwa Ohomorihi o vee zozaa yị hu nị.

Ireevi 25:18

Agụvị avọọ ẹnịnị ẹ̀ saasa avaba ọda anị, agụvị ẹnịnị ẹ̀ rá ịnị ẹtẹ ọnọọ dị à sị a nyị ịsị ẹ́ mẹ wa.

Ireevi 25:19

Ọ kà, ẹtẹ ọnọọ vaa mẹ̀ ịsaa yị wa, dị ẹyaa rị dị ịnẹ aa ha wa. Ẹ vaa rá ịzọọ, dị ẹ́ yị nyị ịsị ẹ mẹ̀ wa.

Ijoovu 36:11

Ẹnịnị ẹ̀ẹ wụ́ chire Ohomorihi, dị ẹ hẹkẹ ẹ nị, dị ẹ ra ẹhẹ ẹngwọọrọ, di o ze yị wa.

Ayịsaya 32:17

Ẹngụ ọzọza vị ana vaa rọ pooro dị ẹ yị kụkụ nyị ayịhụrịnẹ, agụvị ka avaba aza aa mẹ ịzẹyịza avaba aha.