Ụhịrẹyị 1:24 - IWE ỌNỊNỊ

²⁴ Irezi ẹnịnị ẹ mā wụ eesi-eesi. Ẹnịnị ẹ yị ma wụ́ ịrẹyị ọza.

Ụhịrẹyị 1:24 Referans Kwoze

Aniroomi 10:21

Ama ini oze Anisirẹrị nịnị Ohomorihi ọ va kà a ka, “Eyinị-eyinị maa sịị tana ụvọ ka ma sị sị anakamawụ ẹnẹnị, anaā và mị ị̀karenu aanị nị.”

Ayịsaya 65:12

Mị vaa mẹ ka we sú isu ịrịịra nịnị, agụvị ka ụmẹ ọnị mị sị hị́ wụ nịnị, we yi tụ́ ohi, ụmẹ ọnị mị kà ịrẹyịị wụ nịnị, wẹ yị sị ụtọ pe ẹtẹ. Wâ nyị ka akamawụ ụ waa mẹẹ hi mi nị, dị ụ wa mẹ̀ ịsa odivi nịnị nị.

Ijeremaya 7:13

Ẹnẹyịmavara kà, ụ mẹ maanị aa yịị mẹ̀ ebira odivi ọnọnị nịnị, ọnị ộ ka ịrẹyị wụ nịnị pooro, ama ụka wẹ yị wụ nịnị, ọnị ộ hị́ ụ nịnị ama we yị tụ́ ohi nịnị.

Ayịsaya 66:4

Ẹnẹyịmavara kà ọnị ộ hị́ wa, ẹnịnị è yi tụ́ ohi, ọnị ộ ka ịrẹyị, ẹnịnị ẹ̀ yị wụ́, ebira odivi ọnịrị akamawụ ẹ yaa mẹ hi ọnị nị. Agụvị avọọ, ọnị aa kụ̀ akanya tụ́ wa, odivi ọnị e yee hí angwa gẹdẹ-gẹdẹ ọnị aa kụ́ tù wa nị.

Ezikẹẹrị 8:18

Avọọ, ọnị vaa sị ọyịkụ anịị zụ wa ẹtẹẹtẹrẹ. Ọnị ẹ́ yị vaa sị eyi kwooze yị wa, ọnị ẹ́ yị vaa vayị ẹnịnị. Ẹnịnị vaa mẹ̀ aduwa, dị eyee nowu boro-boro, ama ọnị ẹ́ yị vee tu wa ohi.

Ayịsaya 50:2

Ọ kà, sị ẹ vẹ dị aza anị ẹ yị tụ ọnị ohi ịnị ụmẹ ọnị ọnị sị na ka ọnị naa dọ wa ha? Sị ẹ vẹ dị ọnị hị́ wa, dị ẹnịnị e yi tụ ohi ịrẹyị? A vị ọnị sị hịmị ọyị dọ wa haa? Ọnị ọ̀ọ ka ịrẹyị kẹnẹ enyi ịnị oku aa wụ̀ za ẹtẹ. Ọnị ọ zụ vara irehu ẹtẹ ọyịwụ̀, dị ivovo ene hi ịnị anị su va ha agụvị ka ẹ yị nyị enyi.

Ahẹ Ụgama 31:20

Ẹwụ ụvọta ọ sị wa tẹ dị wẹ̀ yị zẹẹ ka aza ene ee bè wa è re wa za nị Wâ sị wa tẹ ịda awụ, wẹ yị zẹẹ ka à nyị ịsị irenu ọnịvị zụ mẹ wa.

Odeyi 4:30

Sị ụkata awụ mẹ aza ụkụ! Navọ ụkọrọ ohyozirenu ọnịrị apọtẹrẹwa ẹ̀ẹ mẹ ịnị ịrẹha Ijeesu Ozi ewu ọnịnị!”

1 Ịsamụwẹrị 28:6

Ịsọọrụ o ne sì ụvọ tụ́ ọ ka ọnị ọ̀ yẹ ịsị Ẹnẹyịmavara ọ̀ọ kà, ama Ẹnẹyịmavara o yi tụ́ ọ ohi. Ọ yị sị ịrẹyị zụ̀ ọ ịnị ụra, ọ yị rẹ sị ịrẹyị zụ̀ ọ ini Urimi ana a sịị zama ẹtẹẹ tụ́ ịnị ịrẹyị. Ọnịsẹ nịnị ẹnị ẹ yị re re ẹtẹ dị ẹ̀ va kà a yọ.

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ayịsaya 65:2

Aza amị vị anayọkatẹngụ anaā mẹ̀ ịsa ẹnẹ ẹ̀ yị vọrọ, dị ẹ zị oze ẹnịnị, ama mê yi tenyi ẹngụ ọ̀yị za wa gụrị ẹngụ.

Ijeremaya 9:6

Ẹnẹyịmavara kà ẹvaya vị ọnị ẹ yaa mẹẹ yị ẹngụ tụra ẹngụ tụra ẹngụ, dị ẹ vavọọ ree vene ẹngụ nị. Ẹnịnị ee yi ka ẹnị ẹ yị yẹ ọnị.

Ijeremaya 35:17

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị vaa sị ụyaa rị ẹwụ nịnị Anijuda ọnịrị Anijerusarẹmị anka ọnị mẹ kà a tịtẹ. Ọ kà ọnị vavọọ aa mẹ wụ nịnị agụvị ọnị ộ kà ịrẹyị yị wụ nịnị ama wẹ yị wụ; ọnị ộ hị́ wụ nịnị, we yi tụ́ ohi.

Ijeremaya 44:16

Ẹnị ẹ́ yị dọ ịrẹyị ọnị ọnị ka Ẹnẹyịmavara ộ tụ ọnị ka ọnị ọ̀ va ka aanị nị.

Ịzakaraya 7:13

Ẹnẹyịmavara Ochẹtẹẹngụ kà ọnị ộ hị́ wa, ẹnịnị ệ wụ́. Agụvị avọọ ẹnị ẹ rẹ hị́ ọnị, ọnị ẹ yị rẹ vaa wụ́ wa.

2 Ịtọpa 33:10

Ẹnẹyịmavara ộ ka Ịmanasẹ ọnịrị aza anị ọnọ, dị ẹ yị wụ́ chire ẹ nị.

Ijoovu 33:14

Ohomorihi aa ka ịrẹyị ịnị oze irenyi-irenyi ama ẹyị ẹ rẹẹ batọ nị.