Ụhịrẹyị 1:23 - IWE ỌNỊNỊ

²³ Sị ụtọ pe ohuvọ ọnị maa tụ wụ nịnị. Maa sị ịrẹyọyẹ pá wụ, dị wa yẹ ịrẹyị.

Ụhịrẹyị 1:23 Referans Kwoze

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Ayịsaya 32:15

Avọọ ọ mẹ̀ vaa yà pooro di Ohomorihi ọ̀ tụ́ ụhwẹ anị hụrẹ ẹbẹẹba vẹ dị ọ̀ va mẹ ka ẹtẹ ana vịdị tịtẹ paapara ọ̀ vara ẹtẹ ozoza. Ọ hyakụ vee zozaa huna ẹtẹ ene ozoza ẹtẹẹtẹrẹ dị ọọ̄ mẹ̀ ịsa.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Iruuku 11:13

Ẹwụ nịnị ana vị aza edivi, wàa yẹ ka â vọrọ ka wa sị ịsa ọyịza yị ezi ewu nịnị. Ụ mẹmẹ va yẹ ka Ada awụ nịnị ẹbẹẹba ọ yị vaa sị Ụhwẹ Ọnịnịị yị aza ana àa họ̀ ọ use anị.”

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ụhịrẹyị 12:1

Ọza anaā dọ ohuvọ ọọ yẹ ịrẹyị nị ama ọnụra vị anaa nyị ịhyẹrẹ ohuvọ.

Ayịsaya 45:8

Ẹnẹyịmavara kà ọnị vaa tụ ehuna hụrị ẹbẹẹba chi vẹ, dị ẹtẹ ọ dọ ọ. Ẹdọha ọnịrị ịzẹyịza vaa kwẹẹtẹ. Ẹnẹyịmavara kà ọnị vaa mẹ avaba ịsa ẹnẹnị ẹ mẹ.

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ụhịrẹyị 10:17

Oō zee yị ọza ana wụ́ ịrẹyị ọza nị ama irezi ene vu ọ mā wụ eesi.

Ahẹ Ụgama 145:1

Ohomorihi amị ana vị ohinọyị, mị vaa sị ụbanyịị wụ. Mị vaa kụ́ wụ avọ pooro zịna-zịna nị.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ijeremaya 3:14

Ẹnẹyịmavara kà, vavẹ eehi nịnị, ka aanị ụ vị nịnị nị. Ọ kà ọnị vaa sị ọza ikonyi ikonya hụrị ẹkụra ọnya, aza ẹnị ẹẹva hụụnị ịrẹsụ ọnya, dị ọnị kụ wụ nịnị vavẹ ẹtẹ.

Ụhịrẹyị 1:30

Wẹ yị dọ ịrẹyị ọza tụ ịzọọ. Àa tụ wụ ohuvọ, wẹ yi mā wụ.

Ụhịrẹyị 6:23

Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.

Ụhịrẹyị 1:25

Ẹnịnị ẹ yị mā dọ ịrẹyị ọza tụ ịzọọ. Ẹ yị mā dọ ka aa tụ ẹnị ohuvọ.

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

Ijowẹrị 2:27

Ọ kà Isirẹrị vaa yẹ ka ọnị jẹẹ wa ịrẹma. Ọnị ọ vị Ẹnẹyịmavara ana vị Ohomorihi ẹnịnị nị. Ẹ yị nyị ịsa ọsa. Ọza ẹ yị kụkụ vaa sị eyi wụ̀ ẹwụnị aza anị.

Ijowẹrị 3:1

Ẹnẹyịmavara kà ọnị vaa mẹ̀ ka ọ varẹma zee yi Anijuda ọnịrị Anijerusarẹmị nịnị.