Ụhịrẹyị 1:2 - IWE ỌNỊNỊ

² Ụhịrẹyị ẹnẹnị vị anaā sịị ọzaa nyị ịrẹyọyẹ, dị ọ ha ọza eyi tu ịrẹyị, dị ọ rẹ mẹ ka ọza ọ yẹ ajuwe ana vị ọyịza nị.

Ụhịrẹyị 1:2 Referans Kwoze

Ụhịrẹyị 7:4

Ẹwụrị ịrẹyọyẹ ọ sị ụvọ za ẹngụ anka ẹyịnyara ọnịrị ọtọta ana sị ayị yị ẹngụ avọọ.

Ụhịrẹyị 17:16

Sị ẹ vẹ dị ọnụra à sị ẹkẹhị rị ụvọ ka a ná ịrẹyọyẹ yị ọnị, ịrẹma ọnị ọ ka ọnị ẹ yị kọsẹ.

Ụhịrẹyị 8:5

Aza ẹnẹ ẹẹ yị vịra ẹ kọsẹ dị ẹ mẹ̀ ebira ụvịra; dị ọnụra nịnị ẹ kọsẹ ịrẹyọyẹ.

Ụhịrẹyị 16:16

Ọza ọ nyị ịrẹyọyẹ o zoza huni ka ọza ọ nyị ẹkẹhị nị.

Ụhịrẹyị 4:1

Ẹwụ nịnị ezi, wụ́ ịrẹyị ada awụ nịnị. Sị ụtọ pe ịrẹyị ẹnịnị agụvị wa yẹ ịrẹyị.

Ụhịrẹyị 15:33

Ọza ọ̀ọ hí angwa Ẹnẹyịmavara vị a kọsẹ ịrẹyọyẹ nị. Ọza ana ka ẹngụ anị chi vị ana aā sị ụbanyị yị.

Ụhịrẹyị 2:9

Wàa wụ́ ịrẹyị Ẹnẹyịmavara, ụ vaa yẹ ịsị ẹ vọrọ, dị waa mẹ ịzẹyịza, dị waa mẹ̀ ebira ozoza.

Ụhịrẹyị 8:33

Sị ụtọ pe ịsị aa sị kọ wụ nịnị. Yẹ́ ịrẹyị nịnị, asị ụ sị eyi wụ ọ nịnị.

Ụhịrẹyị 19:20

Wàaa dọ ajuwe dị ụ tenyi ẹngụ ka waa kọsẹ nị, ụhụhwọọ ụ vaa yẹ ịrẹyị.