Ụhịrẹyị 1:19 - IWE ỌNỊNỊ

¹⁹ Ẹ maa sị ako jị ọyị yị aza, avọọ ẹnị mẹ rẹ vee re nị.

Ụhịrẹyị 1:19 Referans Kwoze

Ụhịrẹyị 15:27

Ọza anaa mẹ̀ karakara ka ọnị ọ̀ zị oze asuvu rị ọgụ vị anaā kụ ẹngụkata tu anineehi anị, ama ọza anaā nyị ịhyẹrẹ ochirerenu ọyịdọ vị eneē ku orubo.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

Ihabaku 2:9

Ọ yị vee zee yị aza ana kụ́ ẹnya aza na mẹ ize yị ovwoovu ẹnịnị, dị ee ro ka ẹ yị nyị ịsị e họ̀ ẹnị use.

Ịrẹyị Ọzwọzịsa 5:13

Ọzwọzịsa ka aa nyị ịrẹyị odivi ọnyara enee du ọza ayị ọnị ọnị re ịnị ẹhẹ ọnọnị: Ogu ọnị ọza kụ na tẹ̀ dị ọ varẹma vaa zama a.

1 Itimoti 3:3

Asị ọdọvịdị ịragụ Ohomorihi na vị ohweche, asị ọ vị ọnịrazị! Ama áa vọrọ ka ọ̀ nyị ebira hẹẹ, asị ọ vị ọnịrẹyị, dị asị ọ rẹ vị eneyiche!

Ijoovu 31:39

màa rị ịsa ana a mẹ tụ ịnị ẹtẹ ọnọọ ọọhẹ, dị mị ka ụngwẹ ọ̀ wụ̀ aza ana nyị ẹtẹ nị,

Ụhịrẹyị 1:20

Ịrẹyọyẹ vị ana sị mẹ anka ọza ana a jẹẹ ozehinava ọnịrị ịnị orere dị aa nọ ọ ka ọzọza ọ vaa wụ́ ịrẹyị avọọ nị.

Ijosuwa 7:21

Ọnị ô re achị Anibabironi ene zoza, dị ọnị sị ọ, beri isiriva ana raata ikirogirami ẹẹva vaka ọchị igooru ọnị ụraata anị vị achẹva ikirogirami. Ô ze ọnị eyi ẹtẹẹtẹrẹ, dị ọnị kụ́ wa nị. Ẹnya ẹnẹẹ ya ịnị eteesu ịzị ọnị ba ẹtẹ, dị ọnị kụ̀ wà hi.

Ijosuwa 7:25

Dị Ijosuwa ộ họ̀ ọ use, ka sị ẹ vẹ dị ọ kụ́ ẹngụkata ve tu ẹnị? Agụvị avọọ Ẹnẹyịmavara vaa kụ́ ẹngụkata tu wu booro aanị. Dị avaba aza sị ịrẹta-ịrẹta wụ̀ Eekani. Dị ẹ rẹẹ vavọọ wụ̀ avaba anovwoovu anị ọnịrị avaba ịsa ọnị ọ nyị.

Ahẹ Ụgama 7:16

Ẹngụkata ẹnị ẹ̀ẹ kụ́ vẹ, dị ẹ rẹ sị ịrẹsụ ẹnịnị kụ́ ọ; ebira ayịchama ọnị ẹ yaa mẹ vị ana raa varẹma vẹ ịnị ịrẹsụ ẹnịnị.

Ụhịrẹyị 29:24

Ọza enee pe oyi rị aa kụ ayị ẹngụ anị huu nị. Ọ yị nyayịnẹ ka ịzẹyịza agụvị ka eku va za a.