Ụhịrẹyị 1:15 - IWE ỌNỊNỊ

¹⁵ ozi emi, asị ụ saasa wa. Si oze ẹnịnị tịtẹ yị wa.

Ụhịrẹyị 1:15 Referans Kwoze

Ahẹ Ụgama 119:101

Mẹ yị zẹẹ ka ma zị ụsẹ akụvị ọnyị-ọnyị, agụvị dị ma zụụ̄ saasa ọda ọnị ụ mẹ.

Ahẹ Ụgama 1:1

Ịrajẹ ọ vị yị ọza ẹnị ẹ̀ yị mā dọ ịrẹyị aza edivi mẹ̀ ụkọrọ. Ẹngụ ọza ọnọọ ẹ̀ yị mā bẹ ụvọ tụ́ ịnị ebira ana aza edivi aa mẹ̀, dị ọ̀ yị mē re pè aza ana aa sị eyii wụ̀ Ohomorihi zị ogu nị.

Ụhịrẹyị 4:27

Asị ụ há hụrẹ oze nọ eyi ụvọrị a vị eyi ụvọha. Va hụụnị ebira odivi.

2 Anịkọrịntị 6:17

Agụvị avọọ dị Ananyị yị rẹ kà a ka: Jịnẹ hụụ ịdị ẹnịnị, sị ẹngụ awụ nịnị tụ́ irenyi kwooze yị wa. Asị ụ sị ụvọ kanyị ịsa eneē du ọza ẹngụ nịnị. Ịjọnọọ ọnị vaa dọ wụ nịnịị pe ẹngụ.

Ụhịrẹyị 13:20

Ọza anaā zị ògù ọyẹrẹyị vị ana yẹ ịrẹyị ama ọza ene e pe ọnụra za ọta vị anaā mẹ ẹngụ anị ịrẹyị.

Ụhịrẹyị 5:8

Noze hi ẹngụ ọnyẹnẹẹ ọnọọ. Asị ụ zị oze ọgụ anị ne hu vụrụ-vụrụ.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ụhịrẹyị 9:6

Ọ kà ọnụra ọ va hụụnị ututu anị di oo hu ahụ ịrẹyọyẹ.

Ụhịrẹyị 1:14

Ẹnịnị ẹ̀ẹ hị́ wụ ka waa saasa ẹnị agụvị dị ẹnị ẹ ga ogu ene e yi tu wu,

Ụhịrẹyị 24:1

Asị ụ va ụva ebira aza edivi, dị asị u re beri wa zị ògù

Ụhịrẹyị 3:31

Asị ụ kụ ụhị ọza anaā mẹ̀ ezigi. Asị ụ hama a mẹ̀ ebira ana a mẹ̀.

Ayịsaya 33:15

Ẹngụ aza ana vaa jẹẹ ẹ vị aza ana ahịka ẹẹ̄ mẹ̀ ebira ana vọrọ, dị ẹ rẹẹ̄ kà ịrẹyị ana vọrọ nị. Ẹngụ aza ẹnẹẹ ẹ ma bẹ ụvọ tụ́ ịnị ịsa ana a sị ụkata-ụkata dọ ọza. Ẹnịnị ẹ mā rẹ dọ ochirerenu. Aza àa gẹ eyi ka à na wụ̀ ọza, ẹ mā rẹ bẹ ụvọ tụ́ ọ. Ẹnịnị ẹ mā bẹ tụ́ ịnị ịsa odivi ọnyọọnyị.