Ẹnẹyịmavara, ẹwa vị ịzị mịị tẹ dị ẹ yị nyị ịsị ẹ zụ kanyị mị nị Ẹwụ ọnọọ m maa hị́ nọ, navọ kwogwo wa ba mi owu Wâ yẹ ka wè yi tụ́ mi ohi, vị ẹhẹ amị ta avọọ nị.
Avaba ọnịvị Ijerusarẹmị nịnị vị ana kụkụ aa sị ọ mẹ enyinyi, dị ẹ kụkụ aa sị eyi oweyi re e nị. Ẹ kụkụ à jị aahị hi wa, dị ẹ yaa ka a ka imba ẹnị ẹ sị ọ vú ẹtẹ nị. Ẹ kà ẹkụhị ọnị ẹnị jẹẹ ee zí eyi yị.
Inebukadineza, ohinọyị Ịbabịrọnị ọ sị ẹnị gara ha, ọ sị ẹnị tu avọ osusu anka a mẹẹ tụ ụnọkọ osusu avọọ. Ẹ ka, ọ sị ẹnị za mụnẹ anka ẹwụ mẹẹ mụnẹ ịsa avọọ. Dị ọ kụ avaba ịsa ohine-ohine ẹnẹ ẹnị nyị hi ịrẹka nị. Ọ rẹ sị ẹnị tọmọ và hi ẹtẹ o.
Ohomorihi vaa hụrẹ ini ihinẹba vẹ, dị ọ va dọ mị tụ́ Avaba aza ana kwẹẹtẹ tù mị vị ọnị ọ vaa mẹ ụhịị nyị Ohomorihi vi ene vee sì ịrẹyị amị pooro, ọ yị vee vene mị.
Ẹ yị nyị ịrẹyị ikonya ọnị ọnịvị amị kà ana aā vị ịzẹyịza. Ịsị e yee sì kẹnẹ ọ vị ka ẹnị ẹ̀ wụ̀ ọza nị. Ịrẹyị ẹnị ẹ yaa kà ọ zụ wụ̀ ọza. Dị ẹ yaa kụ́ ịrarẹ hworo-hworo agụvị e zụ si vene ọza.
