Ụhịrẹyị 1:1 - IWE ỌNỊNỊ

¹ Isoromọnị ozi Idevidi ana vị ohinọyị ẹtẹ Isirẹrị ịnị ụmẹ ọnya aanị ô che ụhịrẹyị ẹnẹnị nị.

Ụhịrẹyị 1:1 Referans Kwoze

Ụhịrẹyị 10:1

Ẹsẹnị ẹ vị ụhịrẹyị ọnị Isoromọnị che nị: Ezi ana yẹ ịrẹyị vị anaā mẹ ayị ada ẹnịnị hine ama ọnụra vi eneē du ọnyị ẹnịnị ayị

1 Ịtọpa 22:9

Ọ kà, ama Ẹnẹyịmavara ô wo otoo yị ọnị ka, ọnị vaa ma ozi ana vaa rị ohinọyị dị aa mẹ̀ ẹ ẹngwọọrọ-ẹngwọọrọ. Ẹnẹyịmavara kà ọnị vaa mẹ ka ọ̀ nyị ẹngwọọrọ ịnị ụvọ avaba ọnịvị anị. Ọ kà ịrẹha ozi ọnọọ ọ rị Isoromọnị nị, agụvị ka ụmẹ ọnị ọ́ vaa sị mẹ ohinọyị, ọnị vaa mẹ ẹngwọọrọ yị Anisirẹrị nịnị, dị ọnị mẹ ka à sị a nyị ịsị ẹ mẹ̀ wa.

Ịrẹyị Ọzwọzịsa 1:1

 nyị ọnọrụ ọnya aanị ana vị ọzwọzịsa, ozi Idevidi ọ vị nị, dị ọ vị ohinọyị tụ Ijerusarẹmị nị. Ọnị ọ kà ịrẹyị ẹnẹnị nị. Ọ kà,

Ụhịrẹyị 25:1

 nyị ụmẹ ọnya aanị ọnị Ihezekaya sị vị ohinọyị ẹtẹ Ijuda. Ịnị ụmẹ ọnọọ, ẹnị ọchẹrịsa ohinọyị nịnị ệ chẹrẹ ụhịrẹyị ọrụrụ-ọrụrụ Isoromọnị ana vọ tịtẹ nị.

1 Ịtọpa 28:5

Idevidi ka Ohomorihi ộ sị ezi ọnọrụ ọrụrụ-ọrụrụ mẹ̀ ọnị ẹyịza, ini ezi ẹnẹẹ ọ́ nyị Isoromọnị ka ọ̀ vị ohinọyị Isirẹrị ana vị ẹkụra Ẹnẹyịmavara.

1 Ohinọyị 2:12

Isoromọnị ọ sị yaayịtẹ ịrẹsụ ode Idevidi ada anị anka ohinọyị. Di o re ka ọnị ộ mẹ̀ ka ohinọyị ọnị ọnị rị ộ jẹẹ ẹtẹẹrẹ nị.

Ịrẹyị Ọzwọzịsa 12:9

Ka ọzwọzịsa ọnọnị ộ yẹ ịrẹyị, ịsị ọnị ọ yẹ, ộ kọ ọ yị aza. Ộ tọ̀ọ ụhịrẹyị gụ dị ọ sị ịzẹyịza zama wa re ka ẹ̀ẹ vị ịzẹyịza nị.

1 Ịtọpa 29:28

Ộ vịra ẹtẹẹtẹrẹ dị o ve su. Ộ nyị ogu ẹtẹẹtẹrẹ, dị a sị ụbanyị yọ nị. Ozi anị Isoromọnị ọ vana rị ohinọyị tụ́ udi anị nị.

Ịjọọnụ 16:25

Dị Ijeesu ka, “Ịrẹyị ẹnẹnị vị ọnị mị vịdị aa sị ụhịrẹyịị kà a wụ nịnị. Ama ụmẹ aa vẹ, ọnị mẹ̀ yị kụkụ vaa sị ụhịrẹyịị kà ịrẹyịị wụ nịnị. Mị kụkụ vaa kà ịrẹyị Ada amịị zụ̀ wụ nịnị chapaa kẹnẹ nị.

1 Ohinọyị 5:12

Ẹnẹyịmavara ộ mẹ̀ ka Isoromọnị ọ̀ yẹ ịrẹyị ẹtẹẹtẹrẹ anka ọ mẹ kà a yi Isoromọnị ka ọnị vaa mẹ. Ẹ yị nyị ịrazị ịnị akakana Isoromọnị ọnịrị Ihirami. Ẹnị ẹyịva vị ana hị́ eku yị ẹngụ.

1 Ịtọpa 29:23

Avọọ Isoromọnị mẹ dọ ada anị Idevidi ịrẹsụ anka ohinọyị, dị a sị ọ yaatụ ịnị aga ohinọyị ọnị Ẹnẹyịmavara si hi ẹtẹ yị wa nị. Ọ́ mẹ̀ vị ohinọyị, ụmẹ aanị ô zoza ẹtẹẹtẹrẹ, dị avaba Anisirẹrị nịnị saasa ịrẹyị anị.

Ụhịrẹyị 22:21

Ịrẹyị ẹnẹẹ vaa zụ wụ ịzẹyịza agụvị wa yẹ ohi obooro sị aza ana tụ ụ ne si ọ.