Oyinyima 9:2 - IWE ỌNỊNỊ

² Ọ rẹ ka avaba uye nịnị inomi ọnịrị ivovo nịnị vị ene vee hí angwa Inowa Ọ kà ọnị ọ raà kụ́ wa chire e ụvọ.

Oyinyima 9:2 Referans Kwoze

Ijemiisi 3:7

Ọza ọ zụ pá avaba uye ọnịrị inomi nịnị ne beri ẹwụ nịnị ọnịrị uye ene hi ini enyi; ọza ọ raà pá wa da.

Oyinyima 1:28

Ohomorihi ka o vee zee yị wa, dị ọ ka, “Ẹ vaa ma ozii rụrụ, ezi ẹnịnị vaa ra avaba ẹhẹ, dị ẹ vi ohinọyị tụra ịrẹsụ ịsa ene hi ẹhẹ. Ẹ vaa nyị ọda tụra ivovo ọnịrị inomi ne beri avaba uye irenyi-irenyi.

Ihoseya 2:18

Ộ kà ọnị vaa dọ ka Isirẹrị ọ̀ ra ịnị ẹngwọọrọ. Ọnị vaa mẹ̀ ka asị uye ịnị avị nịnị ọnịrị inomi nịnị kụ́ akanya tù ọ. Dị ọnị rẹ kụ́ ịrẹkụ hụrẹ ẹtẹ kwooze yị ọ.

Ezikẹẹrị 34:25

Ọnị vaa mẹ eto beri wa, dị ẹ̀ nyị ẹngwọọrọ. Ọnị vaa dụ avaba uye edivi-edivi hụụnị ẹtẹ ẹnịnị agụvị ẹ̀ẹ yaa sụ̀ ara ịnị avị ọnịrị ịnị ụnọmị, asị a nyị ịsị ẹ mẹ̀ wa.

Ireevi 26:6

Ọ kà ọnị vaa sị ẹngwọọrọọ yị wa ịnị ẹtẹ ẹnịnị. Ẹnịnị vaa sụ̀ ara, dị ẹ́ yị nyị ịsị e vee chire wa angwa. Ọnị vaa dụ uye edivi-edivi hụụnị ẹtẹ ẹnịnị. Ọnịvị ẹnịnị ẹ yị ma vana kụ ịrẹkụ ve tu wa ịnị avaba ẹtẹ ẹnịnị.

Oyinyima 35:5

Ijekọvụ nịnị màa na, Ohomorihi ộ mẹ̀ ka ivóvō ọ̀ ngụ avaba anẹkụra ana kara wa ẹngụ. Ẹnịnị ẹ yị nyayịnẹ dụ wa.

Oyinyima 2:19

Ẹnẹyịmavara Ohomorihi ộ vịdị raà si ezi mẹ avaba uye ọnịrị inomi nịnị. Dị ọ kụ́ wa ve tù ọnọrụ ọnọọ ka ọnị ò re ịrẹha ọnị ọ vaa hị́ wa nị. Ịrẹha ọnị ọnọrụ ọnọọ ọọ hị́ uye ẹnẹẹ ọ vaa vị ịrẹha ẹnịnị nị.

Ireevi 26:22

Ọ kà ọnị vaa tụ uye edivi vaa ngụ ịnị akakana ẹnịnị, dị ẹ wụ ezi ẹnịnị va ha. E vee vú ịsụpa ẹnịnị ẹtẹ, dị ahịka aza che ẹ kụkụ vọ nị. Ọsọnị vaa mẹ ka oze ẹnịnị ẹ̀ tụ osusu.

Oyinyima 1:21

Ịzẹyịza di Ohomorihi mẹ uye ẹbanyị-ẹbanyị eneē hi ini enyi ọnịrị avaba ịsa anaā ra ini enyi beri inomi nịnị nị. Ohomorihi mè re e, ô zee e eyi.

Oyinyima 9:1

Ohomorihi ka o vee zee yị Inowa ọnịrị ezi anị dị ọ ka, “Ẹ̀ẹ ma, dị ẹẹ rụrụ, dị ẹ chaka hi avaba ẹhẹ nịnị.

Oyinyima 9:3

Ọ kà ọ nyẹngụ aa rị wa anka ọ mẹ̀ raa rị avị nịnị. Ọ kà ọnị sị wa yọ ka ọ̀ọ rị wa.

Oyinyima 1:26

Di Ohomorihi va ka, “Jẹẹ ya mẹ ọza vene ẹngụ ayị, dị ẹ̀ yà anka ị mẹ̀ yà. Ẹnị ẹ vaa vị ohirẹsụ ivovo ene hi ini enyi ọnịrị inomi ene hi ẹbẹẹba ne beri avaba uye nịnị, oweyi, ọbanyị, ini eehi ọnịrị ịnị avị.”

Ijoovu 39:11

Ọ́ọ́ zụ sị eyi tụra a ka ọ mẹ̀ ụkọrọ yị ọnị agụvị ka ọ nyị ụkata