Oyinyima 9:1 - IWE ỌNỊNỊ

¹ Ohomorihi ka o vee zee yị Inowa ọnịrị ezi anị dị ọ ka, “Ẹ̀ẹ ma, dị ẹẹ rụrụ, dị ẹ chaka hi avaba ẹhẹ nịnị.

Oyinyima 9:1 Referans Kwoze

Oyinyima 9:7

Ama ẹnyị, ẹ̀ẹ ma ezi dị ẹẹ rụrụ. Ẹ nyayịnẹ rụrụ hi ẹhẹ ẹtẹẹtẹrẹ.”

Oyinyima 1:28

Ohomorihi ka o vee zee yị wa, dị ọ ka, “Ẹ vaa ma ozii rụrụ, ezi ẹnịnị vaa ra avaba ẹhẹ, dị ẹ vi ohinọyị tụra ịrẹsụ ịsa ene hi ẹhẹ. Ẹ vaa nyị ọda tụra ivovo ọnịrị inomi ne beri avaba uye irenyi-irenyi.

Oyinyima 8:17

Ọ kà avaba ịsa ana aa tụ́ ụhwẹ ene hi ịzọọ pè e, ọ kụ́ wa jịnẹ vẹ, inomi nịnị, uye nịnị ọnịrị avaba ịsị eē tura ene ee tura ini eteesu. Ẹnịnị è nyima dị ẹ̀ẹ ma, dị ẹ̀ẹ rụrụụ hi ịnị ẹhẹ ẹtẹẹtẹrẹ nị.

Oyinyima 1:22

Di Ohomorihi ka vi o vee zee yị wa nị. Dị ọ ka wa naa ma dị waa rụrụụ hu avọọ nịnị, dị wa gwẹtẹ hi ini enyi nịnị ọnịrị ịnị òkū. Dị inomi nịnị ẹ̀ gwẹtẹ hi ẹhẹ.

Ayịsaya 51:2

Ịzẹyịza, tamayị ka Abụrahamị ọnịrị Isera ẹ vị ohiku awụ nịnị. Ẹnẹyịmavara ộ mẹ̀ ka Abụrahamị ọ́ ma ozi ọrụrụ ịzị ụ chị hụrẹ vẹ nị.

Oyinyima 24:60

Dị anda Irebeka mẹ̀ aduwa yọ dị ẹ ka, “Ọyịnyara ayị, ọza ọ yị va zụụ za ozi ewu ịrịka. Ozi ewu ẹ vaa nyị ẹbẹẹba ọnịvị ẹnịnị dị ẹ dọ wa ẹkụra ẹnịnị.”

Oyinyima 10:32

Aza ẹnẹẹ ẹ vị ezi Inowa nị. Ịpa ọzọza ịnị ẹkụra ọzọza a hị́ aanị nị. Hụụnị ịpa ẹnịnị avaba ẹkụra chị hụrẹ dị ẹ gara hi ẹhẹ ịrẹma ọhaara enyi nị.

Oyinyima 2:3

Ohomorihi ka ẹkụhị ọhụhịmba vị ẹkụhị ọbanyị, dị ọ nyị ọ ẹkụhị ọ tụ́ irenyi nị, agụvị ka ịhị ọnọọ ẹhẹ ọọ ta a mẹ, dị ọ̀ yị kụkụ mẹ̀ ụkọrọ nị.

Ahẹ Ụgama 112:1

Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.

Oyinyima 9:19

Ẹnị ẹyịta ẹnẹnị ẹ vị ezi Inowa nị. Ịpa ẹnịnị avaba anẹhẹ chị hụrẹ nị.

Oyinyima 9:2

Ọ rẹ ka avaba uye nịnị inomi ọnịrị ivovo nịnị vị ene vee hí angwa Inowa Ọ kà ọnị ọ raà kụ́ wa chire e ụvọ.

Oyinyima 35:11

Di Ohomorihi rẹ kà a yọ dị ọ ka, “Ọnị ọ vị Ohomorihi Ochẹtẹẹngụ nị. Ọ kà ọọ̄ ma ezi dị ẹ̀ẹ rụrụ. Dị ọ rẹ ka ezi anị ẹ vaa vị ohiku anẹkụra ọrụrụ-ọrụrụ nị. Ọ kà ezi anị ẹnyị vaa vị ohinọyị.