Oyinyima 7:9 - IWE ỌNỊNỊ

⁹ Ẹvẹẹva ẹ va ngụ ịnị ẹpa ọnọọ nị, dị ẹ̀ vị ọnọrụ ọnịrị ọnẹẹ. Dị ẹnịrị Inowa na ngụ ẹpa anka Ohomorihi mẹ̀ yị mẹ ọda yị Inowa gẹdẹ-gẹdẹ nị.

Oyinyima 7:9 Referans Kwoze

Ayịsaya 65:25

Akatapooro ọnịrị ozi atẹmẹ vaa rị ịsaa vaabẹ, idu nịnị vaa rị avị anka ụnọ mẹ̀ẹ rị avị, dị ẹ́wụ́ nịnị kụkụ aa rị èzi. Ẹnịnị ẹ yị ma vana zama ọza, à vị ka ẹ̀ wụ̀ ọza. Ẹnẹyịmavara kà ẹ yị ma vana nyị ịsị ẹẹ zama ọza ịrẹsụ ataba ọnịnị amị.

Oyinyima 7:16

Avaba ịsa ana ngụ ẹpa ọnọọ vị ọnọrụ ọnịrị ọnẹẹ. Óhomorihi mẹ̀ mẹ ọda ka ẹ̀ ngụ eehi ẹ ngụ eehi nị. Dị Ẹnẹyịmavara e gu oze hi Inowa nịnị tụ́ ịnị ẹpa ọnọọ nị.

Oyinyima 2:19

Ẹnẹyịmavara Ohomorihi ộ vịdị raà si ezi mẹ avaba uye ọnịrị inomi nịnị. Dị ọ kụ́ wa ve tù ọnọrụ ọnọọ ka ọnị ò re ịrẹha ọnị ọ vaa hị́ wa nị. Ịrẹha ọnị ọnọrụ ọnọọ ọọ hị́ uye ẹnẹẹ ọ vaa vị ịrẹha ẹnịnị nị.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

Ijeremaya 8:7

Inomi ana aā hị́ anẹ nịnị ẹẹ yẹ ụmẹ ẹnị ẹ sịị vaavẹ eehi, Arivadi nịnị, aara nịnị ọnịrị atuporogo nịnị ẹẹ yẹ ụmẹ ẹnị sịị kụ̀ra. Ama, ẹwụ nịnị aza anị, ẹ yị yẹ ọda Ohomorihi awụ nịnị.

Oyinyima 7:8

Uye ana rụra mẹ̀ ịsọvọ ọnịrị ẹnẹ ẹ̀ yị rụra mẹ̀ ịsọvọ ẹvẹẹva ẹ vẹ ini ẹpa ọnọọ ve tù Inowa. Inomi nịnị ọnịrị avaba ịsị eē tura ini eteesu ẹvẹẹva e re ne tù ọ.

Oyinyima 7:10

Ẹkụhị ịhịmba mẹ̀ sị gụ, dị ọhaara enyi chaka hi ẹhẹ nị.

Oyinyima 7:15

Avaba ịsa ana nyị ụhwẹ ẹnị ẹvẹẹva ọnịrị Inowa ngụ ẹpa ọnọọ nị.

Oyinyima 6:22

Ịzẹyịza dị Inowa vavọọ mẹ̀ ẹ nị. Avaba ịsị Ohomorihi ka ọ̀ mẹ, dị ọ vavọọ mẹ̀ ẹ nị.