Oyinyima 7:4 - IWE ỌNỊNỊ

⁴ Ọ kà ẹkụhị ịhịmba ọ̀ọ sị gụ, ọnị aa vaa mẹ ka orihi ọ̀ zụ̀ hi ịnị ẹhẹ ọọdụ ọnịrị ịrahụ pooro dị ọ̀ mẹ ẹkụhị ẹbẹẹva. Dị ọnị wụ̀ avaba ịsa ana nyị ụhwẹ ọnị ọnị mẹ tụ́ ịrẹsụ ẹtẹ.

Oyinyima 7:4 Referans Kwoze

Oyinyima 7:17

Di orihi ọnọọ vavọọ, zụ̀ pooro dị ọ mẹ ẹkụhị ẹbẹẹva nị. Di enyi ee chì ẹtẹ ẹngụ, dị ẹpa ọnị yà ịrẹsụ enyi di aa kà a hịrẹ nị.

Oyinyima 7:12

di orihi zụ̀ hi ẹtẹ mẹ ẹkụhị ẹbẹẹva pooro ọọdụ ọnịrị ịrahụ nị.

Oyinyima 6:17

Ohomorihi ka ọnị ụvọta vaa kụ́ ọhaara enyi vẹ ịrẹsụ ẹtẹ dị ọnị sị wụ̀ avaba ịsa ana aa tụ́ ụhwẹ ịrẹsụ ẹtẹ ọnọnị. Avaba ịsa ene hi ịrẹsụ ẹtẹ bemi vee sú.

Oyinyima 6:13

di Ohomorihi va kà a yị Inowa dị ọ ka, “Ọnị o si aro mẹ ka ọnị ee vú anẹhẹ ẹtẹ, agụvị ka ẹ raà kụ́ ebira ẹngụkata hi ịnị ẹhẹ. Ọ kà ọnị ee vú wa ẹtẹ ọnịrị avaba ịsa ene hi ịnị ẹhẹ.

Oyinyima 6:7

Dị Ẹnẹyịmavara va ka, “Ọza ọnị mị tụ́ vẹ ẹhẹ aanị vị ọnị maa kụ́ụ kwooze hụụnị ẹhẹ saka-saka. Ọza, uye ịnị avị, ịsụpa ini eehi, uye eneē tura ne beri inomi ene hi ẹbẹẹba vị ọnị maa kụụ kwooze piti, ô du mị ayị ka mâ mẹ wa vẹ ẹhẹ.”

Ahẹ Ụgama 69:28

Nyee ịrẹha ẹnịnị hụụnị iwe ọnị u chẹrẹ ịrẹha aza ana yara hi, asị ụ chẹrẹ wa beri aza ana aa mẹ̀ ebira ana vọrọ.

Ẹtore 3:5

Ọza ana àa nyị ehuna, a vaa sị ịta ọvụụ chiree. Me yi vee du ịrẹha anịị hụụnị iwe ọnị ịrẹha aza ana yàra pooro zịna-zịna hi. Mị vaa kà a ọ́vịdị Ada amị ọnịrị anggẹẹrị anị ka aza amị ọ vị nị.

Emọsị 4:7

Ọnị ọ̀ rẹ za orihi jẹẹ ka asị ọ zụ ọ̀ọ mẹ sị vị ụhwẹ ẹẹta dị ịsa ịnị aarẹ ọ mẹ nị. Ọnị ọ zụ orihi aha ẹngụ dị ọ yị tu aha ọsa. Dị ọnị zụ orihi hì ịnị aarẹ ẹ̀nyị, dị ọnị ẹ yị zụ orihi ịnị aarẹ aha ọsa;

Ijoovu 28:25

Ohomorihi ọ sị ẹhụ ụkata ahị yọ, dị ọ mẹ ẹhụ ụrụrụ enyi yọ nị.

Ijoovu 22:16

Ohomorihi ọ̀ yị ka wa ọnọ dị hụ wa kwooze.

Oyinyima 8:12

Inowa ọ jị jẹẹ mẹ̀ ẹkụhị ịhịmba tụ́ ọ, dị ọ rẹ tụ́ arivadi ọnọọ nọ ẹhẹ nị. Ama ọ yị vana vavẹ ịda anị.

Oyinyima 7:10

Ẹkụhị ịhịmba mẹ̀ sị gụ, dị ọhaara enyi chaka hi ẹhẹ nị.

Oyinyima 8:10

Inowa ọ rẹ jẹẹ mẹ ẹkụhị ịhịmba, dị ọ rẹ tụ́ arivadi ọnọọ jịnẹ nọ ẹhẹ nị.

Oyinyima 6:3

Di Ẹnẹyịmavara Ohomorihi va ka, “Mẹ yị vaa zẹẹ ka ọza ọ̀ ra ịnị ẹhẹ pooro zịna-zịna, agụvị ka òo si oo yị vi ee su nị. Ịrayị ẹchịhịnọnyị (120) kẹnẹ mị vaa zẹẹ ka ọ̀ ra ẹhẹ vị nị.”

Oyinyima 2:5

ịnị ụmẹ ọnọọ ẹ yị nyị ọchị à vị avị ana chị tụ́ ịrẹsụ ẹtẹ, agụvị ka Ẹnẹyịmavara Ohomorihi ọ́ yị mẹ ka orihi ọ̀ zụ̀ụ hi ịnị ẹtẹ, ẹ yị rẹ nyị ọza ana vọrọ ka ọ̀ dà aarẹ tụ́ ịnị ẹhẹ.

Oyinyima 7:3

Dị ọ rẹ vavọọ kụ́ inomi nịnị ịhịmba-ịhịmba araka ọnịrị ọnẹẹ, dị asị irima ẹnịnị sú ta hụụnị ẹhẹ.

Oyinyima 8:2

Dị avaba ìrìkù enyi ini ẹtẹ ọnịrị ozokete ihinẹba gù nị. Orihi ana aa zụ̀ ọ̀ sị jị.

Ijeremaya 28:16

Avọọ, Ẹnẹyịmavara kà ọnị vaa sị ụ hụrị ẹhẹ. Wee sú dị ịrayị ọnọnị ọ̀ gẹ, agụvị ka wàa sị ịrẹyị irenu awụụ kụ̀ụ hịrẹ Ẹnẹyịmavara.