Oyinyima 7:1 - IWE ỌNỊNỊ

¹ Inowa mẹ̀ sị ẹpa ọnọọ mẹ, di Ẹnẹyịmavara kà a yị Inowa ka: ọnịrị avaba aza anị ẹ̀ na ngụ ịnị ẹpa ọnọọ. Ọ kà ini eyi anị, ẹnị ịnyara aa mẹ̀ ebira ana vọrọ ịnị avaba aza ene hi ẹhẹ aanị nị.

Oyinyima 7:1 Referans Kwoze

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Oyinyima 7:13

Ịhị ọnọọ gẹdẹ-gẹdẹ di Inowa ọnịrị ose anị ne beri ezi anị Isemi, Ihami ọnịrị Ịjahwẹtị ne beri ese ẹnịnị ẹyịta ngụ ịnị ẹpa ọnọọ nị.

1Ipita 3:20

Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị.

Odeyi 2:39

Oto oni Ohomorihi wo aanị, vị áawụ nịnị ọnịrị éezi ewu nịnị ọnịrị áaza ana ra hi aha onoze huuu, avaba aza oni Ohomorihi Ananyị yị va naa hị́ ọ vị nị.”

Iruuku 17:26

Ịhị ẹmị Ozi ọza onigirima àaa vẹ, vị ọ vaa yà anka ụmẹ Inowa avọọ nị.

Ịzẹhwanaya 2:3

Ama aza ana nyị angwahi Ẹnẹyịmavara ene hi ịzọọ, èe ro ịnẹ, dị ẹ saasa ọda anị nị, ẹyịyara Ẹnẹyịmavara vaa vayị ẹnịnị dị ọ dọ wa ha hụụnị ọyịkụ anị.

Ụhịrẹyị 14:26

Ọza eneē hí angwa Ẹnẹyịmavara vị ọnị oō sere ọnịrị ovwoovu anị.

Oyinyima 7:7

Di Inowa ọnịrị ose anị beri ezi anị ọnịrị ese ezi anị dudu ngụ ịnị ẹpa ọnọọ ka asị ọhaara enyi kụ́ ẹnị nị.

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ụhịrẹyị 10:9

Ẹ yị nyị ịsị ee chire ọza ana aā mẹ ịrẹyị ana vọrọ angwa ama ụvọ vee ku ọza ana a mẹ asuvu.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

2 Ịsamụwẹrị 22:24

Ẹnẹyịmavara o re ka mẹ yị mẹ akụvị. Ẹmaa sị ụvọ za ẹngụ amị agụvị asị ẹmị na rị ịvị.

Ezikẹẹrị 14:14

Ọ kà aza ẹnị ẹẹta ẹnẹnị ẹ̀ẹ daka ya ịnị ẹkụra ọnọọ; Inowa, Ịdanịyẹrị ọnịrị Ijoovu, Ẹnẹyịmavara kà, ẹngụ ẹnịnị kẹnẹ ẹ va zụụ sị ebira ọyịza ẹnịnị dọ ọ ha nị.

Oyinyima 6:18

Ama ịsị ọnị vịdị kà tịtẹ ka ọnị vaa mẹẹ yị aza vị ọnị ọnị vaa mẹẹ wu. Ọ kà Inowa vaa ngụ ịnị ẹpa ọnọọ, di ezi anị beri ose anị ọnịrị ose ezi anị rẹ ngụ ọ.