Oyinyima 6:3 - IWE ỌNỊNỊ

³ Di Ẹnẹyịmavara Ohomorihi va ka, “Mẹ yị vaa zẹẹ ka ọza ọ̀ ra ịnị ẹhẹ pooro zịna-zịna, agụvị ka òo si oo yị vi ee su nị. Ịrayị ẹchịhịnọnyị (120) kẹnẹ mị vaa zẹẹ ka ọ̀ ra ẹhẹ vị nị.”

Oyinyima 6:3 Referans Kwoze

Inehemaya 9:30

Wâ nyị isuuru wa ịrayị-ịrayị. Wâ tụ́ ụhwẹ ọnịnị hi wa zi oze ịnị ụvọ ọnịsẹ ka ọ̀ ka wa ọnọ agụvị ịvị ẹnịnị. Ama ẹnịnị ẹ yị va yị wụ. Dị ụ hụrẹ wa ụvọ yị aza ana ra hi ịzọọ ka è huna wa nị.

Ijeremaya 11:11

Ẹnẹyịmavara kà agụvị avọọ, ọnị vee vu wa ẹtẹ ọnị ẹnịnị ẹ yị vaa ha hụụnị anị. Ẹnịnị ẹẹ nowu ka ọnị ọ gụ ẹnị ụvọ, ọnị e yi vee tụ́ ohi.

Ayịsaya 63:10

Ama ẹnịnị ệ mẹ akamawụ hi ọ ene du Ụhwẹ Ọnịnị ayị. Agụvị avọọ Ẹnẹyịmavara vara ọnịvị ẹnịnị, dị ọ vara eyi ịraazị ka wa nị.

Ahẹ Ụgama 78:39

Ohomorihi ộ yẹ ka ọzarẹyịrẹsụ ẹ vị nị. Vị ẹ sị mẹẹ ahị ana aa tụ́ parahu, dị ọ yị kụkụ vavẹ avọọ nị.

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

Ịrịka 11:17

Ọnị vee chi vẹ, dị ọnị ọ ka ịrẹyị yị wa. Ọnị vaa ga ụkata ọnị ọnị sị Imosiisi yị wa agụvị di e pe e za ẹnya aza, dị asị ọ vị ọnị ịnyara.

1 Anịtẹsaronika 5:19

Asị ụ dọ Ụhwẹ Ọnịnị oro nịnị.

Ịjọọnụ 3:6

Ọza ọnị ọza kẹnẹ ma, rẹ vị ọza kẹnẹ; ama ọza ọnị Ụhwẹ Ọnịnị ọ̀ọ ma, ọza Ụhwẹ Ọnịnị ọ́za ọnọọ vị nị.

Ayịsaya 5:4

Ọ kà sị a vọrọ ka à kụkụ mẹ tụ́ ịnị ụbazị ọnọọ ọnị ọnị ọ̀ yị mẹ? Maa tụra eyi ka ọ̀ tụ́ ẹtụtụ ozoza, sị ẹ vẹ dị ahịka ẹtụtụ edivi-edivi aa tụ́ nị?

Ijeremaya 11:7

Ẹnẹyịmavara kà, ọnị mẹ kụ ohiku ẹnịnị hụrị Ijipiti ọnị ộ kà wa ọnọ ẹtẹẹtẹrẹ ka ẹnịnị ẹẹ saasa ịrẹyị anị. Vị va ngụ ajịnị vị ọnị ọnị aa kịị kà wa ọnọọ.

Oyinyima 6:2

Ụmẹ ọnya anggẹẹrị ẹnyị ee re ka ezi anẹẹ ana aza ma ê zoza. Dị ẹ ọzọza nyị ene zee wa eyi dị ẹ sị mẹ ose ẹnịnị nị.

Ayịsaya 57:16

Ẹma mẹ ka aza amị yàra nị; mẹ yị maanị vaa kà a pooro ka ệ mẹ divi nịnị, à vị ka ma maanị kụ́ ayịị hi wa pooro. Agụvị ka aza ẹnẹnị gẹdẹ-gẹdẹ ọnị mẹ ka ẹ̀ yàra aanị, vị ene vee su eyi amị.

Ahẹ Ụgama 90:10

Ịrayị ẹtarẹwụ kẹnẹ ị nyị ọ mị mẹ ịnị ẹhẹ ọnọnị nị, ọza ana àa nyị ụkata dị aanị gụ ẹbẹẹna. Avaba anị vị vị ẹngụkata ọnịrị ayodu. Ịsọnị-ịsọnị ẹhẹ ayị ộ ta, ye si hu.