Oyinyima 6:2 - IWE ỌNỊNỊ

² Ụmẹ ọnya anggẹẹrị ẹnyị ee re ka ezi anẹẹ ana aza ma ê zoza. Dị ẹ ọzọza nyị ene zee wa eyi dị ẹ sị mẹ ose ẹnịnị nị.

Oyinyima 6:2 Referans Kwoze

1 Ịjọọnụ 2:16

Avaba ịsa ene hi ịnị ẹhẹ yị: Ịsa edivi ọnị ọchẹngụ azaā sì, ịsa ana azaā sị eyiī tụ́ ịnị anị, dị eyi ẹnịnị ẹ̀ yị hụụnị anị, ọnịrị ịsa ẹhẹ ọnọnị ọnị ọza sịị̄ mẹ eyi. Avaba ịsa ẹnẹnị ẹ́ yị vị ịdị Ohomorihi Ada ayị ẹ hụrẹ vẹ, ẹ́ẹhẹ ẹ vị nị.

2Ipita 2:14

Ịrẹkọyịsẹ kẹnẹ ẹ sị eyi pe nị, ẹnịnị ẹ́ yị zụ hụụnị ịvị ọyị mẹ. Di eyee vene aza ana ayị anị ẹ̀ yị jẹẹ. Ayị ẹnịnị ọọ ta vị tụ́ ini eyọhụrẹ, Ohomorihi o ree chì hi wa da.

Ẹzịra 9:12

Agụvị avọọ, asị ị sị ezi anẹẹ ayị ga ezi anọrụ ẹnịnị, a vị dị ezi anọrụ ayị ẹ̀ nyị ezi anẹẹ ẹnịnị. Asị ị gụ wa ụvọ ka ẹ jẹẹ, yàa ka ya nyị ẹngwọọrọ ịnị ẹtẹ ọnọọ, dị ya hụrẹ ẹ ụvọ yị ezi ịrẹma, dị ọ vị ogu ẹnịnị pooro zịna-zịna.

2 Ịsamụwẹrị 11:2

Ini oruva ẹkụhị ọnya di Idevidi ohinọyị kwẹẹtẹ hụụnị ịbẹẹdị anị, dị ọ hịrẹ nọ ịrẹsụ írehi anị, dị aa zị ụsẹ ịzọọ nị. Ọ mẹ̀ vavọọ yà ịrẹsụ irehi anị, di o re ka ọnẹẹ ọnọọ, ô zoza pooro ee.

Iwe Ọhụhị Imosiisi ana aa hị́ Ọyịvatụrọda 14:1

Ẹwụ nịnị Anisirẹrị vị ezi Ẹnẹyịmavara Ohomorihi awụ nịnị. Agụvị avọọ, ẹnịnị aa zị ẹngụ oku, asị ẹ sị ịsa da ẹngụ ẹnịnị, a vị dị ẹ hara ẹyị ịnị ịrẹsụ ẹnịnị yị oku.

Ọyịkụra 34:16

Waa na nyị ozi ẹnịnị va yị ozi ewu nịnị, Ịjị ozi ẹnịnị aa hẹkẹ ori anị, vị ẹ yaa kụ́ ezi ewu nịnị za nị.

Oyinyima 27:46

Di Irebeka kà a yị Ayiziiki dị ọ ka, “Anẹẹ Anihiti ọnị Iisọ na nyị aanị ẹ raà kụ́ o du mi eyi. Ijekọvụ ọnị ọ̀ọ rẹ na nyị Anihiti ẹnẹnị ene hi ịzẹnị aanị, ẹ yị vi isu amị sị gụrị ẹtẹ avọọ?”

Oyinyima 24:3

dị ò sị Ẹnẹyịmavara Ohomorihi ana mẹ ẹbẹẹba ọnịrị ẹhẹ hị́ eku yị ọnị. Ọ kà ọ̀ hị́ eku ka ọnị ẹ yị vaa nyị ezi Anikenaani ịzị ọnị yà aanị yi ozi anị, ka ọ̀ vi ose anị.

Oyinyima 4:26

Ose Ịsẹtị ọnị ọ rẹ ma ozi ọnọrụ ọnya yọ, dị ọ yị ọ nị. Ụmẹ ọnọọ aza nyima dị ẹ yaa mẹ̀ aduwa hi Ẹnẹyịmavara nị.

Oyinyima 3:6

Ịzẹyịza ọnẹẹ ọnọọ ô re ka ẹtụtụ ọchị ọnọọ ọ rụra rị. Ô re ka ộ ngụ ọza eyi, o re ka ọ zụ mẹ ka eyi ọza ò hweyi ọ mẹ ka o zee e eyi hu avọọ ọ sị ẹtụtụ anị dị ọ rị ọ nị. Dị ọ rẹ sị ịnị anị yị ọva anị nị dị ọnị rẹ rị ọ nị.

2 Anịkọrịntị 6:18

Ọnị vaa vị Ada awụ nịnị, dị ẹwụ nịnị rẹ vị ezi anọrụ ọnịrị ezi anẹẹ anị. Avọọ Ananyị yị Ochẹtẹngụ mẹ̀ kà nị.

1 Anịkọrịntị 7:39

Ọnẹẹ ọnị ọva anị ọ̀ọ yị yàra, ọda ọ yị zẹ ẹ ka ọ̀ kụkụ na va ọnọrụ ọsa. Ama ọva anị òo wusu, óo re oze na va ọza ene zé eyi anka Ohomorihi mè sì ọọ.

Ịmarakayị 2:15

Wéé yi yẹ ka ọnyara Ẹnẹyịmavara mẹ̀ ewuri ese wụ nịnị nị? Ộ vavọọ mẹ̀ agụvị dị ezi ewu nịnị ẹ vị aza Ohomorihi. Sị ụvọ za ẹngụ awụ ịnị ịrẹyị ese ọnị ụ nyị hụụnị ozweyi awụ nịnị nị. Asị a nyị aza awụ nịnị ana mẹ̀ wa rị.

Ịmarakayị 2:11

Ezi Anijuda nịnị ẹ yị mẹ ịzẹyịza ka Ẹnẹyịmavara na. Ụ̀nọ̀ ọnị ẹ yaa mẹ ọ sị charaga hi Ijerusarẹmị ọnịrị ẹtẹ Anisirẹrị ana vọ. E re du irehi Ẹnẹyịmavara. Irehi ọnọọ vị ọnị Ohomorihi sì ịrẹyị anị. Anọrụ ẹnịnị ẹ na raà nyị anẹẹ ana hẹkẹ ori.

Ayịsaya 63:16

Ẹwa vị ada ayị nị. Ohiku ayị Abụrahamị ọnịrị Ijekọvụ ẹ yị yẹ yị, ama ẹwụ Ẹnẹyịmavara ọ vị ada ayị. Ẹwa vị ọza anaa dọ yị ha pooro nị.

Ijoovu 31:1

Ijoovu ka ọnị ộ hị́ eku ka ọnị ẹ yị vaa sị eyi pe ozi ọnyẹnẹẹ.

Oyinyima 6:1

Ịnị ụmẹ ọnọọ aza e si nyima aa rụrụụ dị ẹ yaa garaa hi ịnị ẹhẹ, dị ẹ yaa ma ezi anẹẹ nị.

Oyinyima 6:3

Di Ẹnẹyịmavara Ohomorihi va ka, “Mẹ yị vaa zẹẹ ka ọza ọ̀ ra ịnị ẹhẹ pooro zịna-zịna, agụvị ka òo si oo yị vi ee su nị. Ịrayị ẹchịhịnọnyị (120) kẹnẹ mị vaa zẹẹ ka ọ̀ ra ẹhẹ vị nị.”

Oyinyima 12:11

Abụramị màa vaa ngụ ịnị ẹtẹ Ijipiti dị ọ kà a yi Isarayi ose anị dị ọ ka: Ọnị ộ yẹ ka ô zoza ẹtẹẹtẹrẹ.

Oyinyima 26:35

Ẹnịnị ệ kụ́ ọ zigi Ayiziiki ọnịrị Irebeka ẹtẹẹtẹrẹ.

Ijoovu 1:6

 nyị ẹkụhị ọnya aanị ọnị anggẹẹrị nịnị kụ ẹngụ gụ ọvịdị Ẹnẹyịmavara, dị Echu odu ọza ọnị rẹ nọ nị.