Oyinyima 5:1 - IWE ỌNỊNỊ

¹ Ọsọnị ọ vị ịtọpa ezi Adamị nị. Ịjị Ohomorihi mẹ aza, ọ mẹ wa vene ẹngụ anị nị.

Oyinyima 5:1 Referans Kwoze

Anẹhwẹsọsị 4:24

Kụkụ nyị ebira ọwọọwa oni Ohomorihi mẹ véné ẹngụ anị nịnị! Ẹngụ ebira ọnọọ vị anaā mẹ̀ ịsa ana vọrọ, dị ọ́ nị, di o re zé Ohomorihi eyi.

Anikorasi 3:10

ebira ọwọọwa ụ kụkụ nyị nịnị nị. Ohomorihi ọ vara wụ nịnị ọza ọwọọwa nị. Dị ee yii tenyi ebira awụ nịnị ọnọọ, agụvị dị ò zụ véné ebira Ikirisiti, dị waa yẹ Ikirisiti nịnịị huna avọọ nị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Ịrẹyị Ọzwọzịsa 7:29

Ọ kà ọnị ọ sị yẹ ka Ohomorihi vị ana sị ebira obooro tụ aza vẹ ẹhẹ ama dị ẹ ha tụ oze ẹnịnị.

Anihiburu 12:9

Ada ayị ịnị ẹhẹ ọnọnịị̄ sị ụyaa rị yị, dị ị ká ịrẹsụ hi yị wa. Wéé ro ka ayị vọrọ ka ya ká ịrẹsụ hi hu avọọ yị Ada ayị ẹbẹẹba, dị ya zụ yára?

2 Anịkọrịntị 3:18

Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.

1 Anịkọrịntị 11:7

Ama ayị vọrọ ka ọnọrụ ọ̀ sị ịsa kú ịrẹsụ anị, agụvị ka ọnọrụ vị ene véné Ohomorihi, dị ọ raa sịị zụ̀, Óhomorihi mẹmẹ nyị ụbanyị. Ama ọnẹẹ ọnị vị ana aa sịị zụ̀, ọ́va anị mẹmẹ nyị ụbanyị.

Imatiwu 1:1

Ịrẹha ohiku-ohiku ịzị Ijeesu chị hụrẹ vẹ yị: Ijeesu vị ozi Idevidi, ana vị ozi Abụrahamị

Ịrẹyị Ọzwọzịsa 12:1

Tamayị ọza ana tụ wụ vẹ ẹhẹ ịnị ụmẹ ozweyi awụ, dị unobo ọ̀ vaa vẹ, ụmẹ ọnị ụ kụkụ vaa kà a ka ẹhẹ ọ sị du wu eyi.

1 Ịtọpa 1:1

Adamị ọ vị ada Ịsẹtị nị, dị Ịsẹtị ọnị vị ada Enosi nị, Enosi ọ vị ada Ikenani nị.

Oyinyima 10:1

Ịtọpa ezi Inowa ọ vị ọnọọ nị. Ezi Inowa ẹnẹẹ vị Isemi, Ihami ọnịrị Ịjahwẹtị. Ẹnị ẹ rẹ vana ma ezi ịrẹma ọnị ọhaara enyi kụ́ ẹhẹ.

Oyinyima 2:4

Aani a mẹmẹ tụ́ avaba ẹhẹ vị nị. Ohomorihi ộ sị ọza ọnị ọ mẹ tụ́ ịnị Ụbazị Edẹnị. Ụmẹ ọnị Ẹnẹyịmavara Ohomorihi sị mẹ̀ ẹhẹ,

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.