Oyinyima 4:2 - IWE ỌNỊNỊ

² Ọ rẹ ma ozi ọnọrụ ọsa ana aā hị́ Ẹba. Ẹba, ọ mẹ sị vịra dị aā pá atẹmẹ ọnịrị ẹvụ nị, di Ikeeni ọnị aa kụ́ ịrịkụ nị.

Oyinyima 4:2 Referans Kwoze

1 Ịjọọnụ 3:15

Ọza ana àa kụ ayị ọdọwụ, ọwọza ọ vị nị. Wáa yẹ nịnị ka ọwọza ẹ́ yị zụ yara ịdị Ohomorihi pooro zịna-zịna.

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.

Iruuku 11:51

O vee nyima hụụnị Ebẹrị ana a wụ̀ na ngụ Ịzakaraya ana a wụ ịnị akakana ụta ọnịrị irehi Ohomorihi. Ịzẹyịza, m maa kà a wụ nị, anụmẹ ọnọnị Óhomorihi vaa sị ụya ịrẹyị aza ẹnẹnịị rị nị.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Oyinyima 47:3

Dị Ihwarawo họ̀ ẹnẹbẹnị Ijosẹẹhụ ẹnẹẹ use dị ọ ka, “Sị ẹ vị ụkọrọ ẹnịnị.” Dị ẹnịnị ka, “Taarụ, ịsụpa ẹnị pa nị. Ẹ ka ụkọrọ oni ohiku ẹnịnịị̄ mẹ ọ vị ọnọọ nị.”

Ọyịkụra 3:1

 nyị ụmẹ ọnya dị ahịka Imosiisi ọọ̄ kụ́ atẹmẹ ọnịrị ẹvụ Ijetiro ọyẹ anị na rị. Ijetiro a rẹẹ̄ hị́ Iruweri nị. Ọnị ọ vị ohirẹsụ irehi Ohomorihi tụ́ Imidiyani nị. Ẹkụhị ọnya ộ kụ́ Ịsụpa ẹnẹẹ na ngụ ịnị ụnọmị na huu. Ọ na ngụ ịnị ataba Ịhọrẹbị ana aā hị́ ataba Ohomorihi.

Emọsị 7:15

Ẹnẹyịmavara ộ sị ọnị hụrẹ ịrẹma atẹmẹ ọnịrị ẹvụ anị, dị ọ tụ́ ọnị hi Anisirẹrị nịnị nị.

Ahẹ Ụgama 127:3

Ezi vi ogu ẹnị Ẹnẹyịmavara sịị yị ọza. Ize obooro ẹnịnị vị nị.

Oyinyima 37:13

Di Isirẹrị va hị́ Ijosẹẹhụ dị ọ ka: Ộ yẹ ka ẹnẹbẹnị anị ẹ ra à kụ́ ịsụpa aa naa rị Ịsẹkẹmị. Ọ kà ọ̀ vẹ dị ọnị ọ̀ tụ́ ọ ne tụ̀ wa. Di Ijosẹẹhụ ka ooho nị.

Oyinyima 9:20

Inowa vị ọkụrịkụ. Ọnị ọ vịdị dà aarẹ di o chire ọchị ana aā hị́ ịvayịnị tụ́ ịnị aarẹ anị nị.

Oyinyima 3:23

Di Ẹnẹyịmavara Ohomorihi dụ ọ jịnẹ hụụnị ụbazị Edẹnị nị, ka ọ̀ naa dà aarẹ tụ́ ịnị ẹtẹ ana dà a di a sị mẹ̀ ẹ.

Iruuku 11:50

Anụmẹ ọnọnị vaa rị ụya avaba ọnịsẹ ana a wụ̀ hụrị ẹhẹ mẹ̀ hụrẹ nyima.

Oyinyima 4:1

Ẹkụhị ọnya Adamị ộ nọ ịda ose anị. Ịnị ụmẹ chee di ose anị ee zyẹẹ nị. Ộ ma ozi ọnọọ ọnọrụ. Di Iivi ka: Ẹnẹyịmavara Ohomorihi ọ raà mẹ ọgụvọ yị ọnị ka ọnị ọ̀ ma ozi ọnọrụ ọnya. Dị ọ ka agụvị avọọ ozi ọnọọ ọ rị Ikeeni nị.

Oyinyima 4:3

Ẹkụhị ọnya di Ikeeni sị ịsa ịnị aarẹ anị ka ọnị ọ̀ sị na mẹ̀ ịsọvọ yị Ẹnẹyịmavara nị.