Oyinyima 4:10 - IWE ỌNỊNỊ

¹⁰ Di Ẹnẹyịmavara kà: “Sị ọ mẹ aanị? Ọ kà ọ sị ọyịnyara anị wụ. Ọ rẹ ka anya anị ana và hi eteesu ee nowu, ọnị maa wụ́;

Oyinyima 4:10 Referans Kwoze

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

Anihiburu 11:4

Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ahẹ Ụgama 72:14

Ohinọyị vaa dọ waa tụ́ hụụnị ụvọ ọza ana aa mẹ ẹvaya yị wa, dị aa chamayị yị wa. Ohinọyị ọ yị vaa sị ịrẹyị ẹnịnị tụ́ ụvọha vụrụ-vụrụ.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ahẹ Ụgama 9:12

Ọza ọ̀ọ wụ̀ ọza, Ohomorihi ọọ̄ họ̀ ọ oponu nị. Ayị o mē hí ọ Àaa chamayịị yị ọza dị ọza ọnọọ nowu na za Ohomorihi nị. Ohomorihi vị ana aa ba ọza ọnọọ owu.

Ịrịka 35:33

Ọza anaa vavọọ mẹ, o reè du ẹtẹ. Ọza ana wụ́ ọza vị ene du ẹtẹ. Ẹtẹ ọ yị zụ nị, ẹ́yị vị aa rẹ wụ́ ọnị.

Ijoovu 16:18

Ijoovu ka ọnị ọ daka su, asị ẹtẹ sị irenu ku oku odivi anaa mẹ̀ ọnị.

Oyinyima 9:5

Ọza ọ̀ọ wụ̀ ọza, maa họ̀ ọ oponu anị nị. Àa nyị uye ana wụ̀ ọza, vị ọnị raa họ̀ ọ oponu anị nị.

Ahẹ Ụgama 50:21

Ohomorihi ka ụ mẹ̀ vavọọ aa mẹ nịnị, oni o yi tụ́ ohi di oni ee re wu nịnị kẹnẹ nị Dị ẹwụ nịnị kuku ree ro o ka ọnyọọnya ẹwụrị ọnị vị nịnị nị Ohomorihi ka ọnị vaa kà a wụ nịnị eyi gẹrị eyi ka ịsị waa mẹ nịnị, o yi zoza.

Ọyịkụra 3:7

Di Ẹnẹyịmavara va kà a yi Imosiisi dị ọ ka: Ọnị o re a màa chamayịị yị aza anị ene hi Ijipiti. Ọ kà a màa za waa mẹ̀ ụkọrọ, di e yee nowu, ọnị ộ wụ́. Dị ọnị rẹ yẹ avaba ụya ẹnị ẹ yaa rị nị.

Ijoovu 24:12

Aza ana tọ ụnava hi ini ẹkụra ee na owu ka à gụ ẹnị ụvọ, dị aza enee su a jị òrèrè nị, ama Ohomorihi o yi tụ wa ohi.

2 Ohinọyị 9:26

Ẹnẹyịmavara ộ kà a ka; oni ô re a mẹ̀ wụ Ịnabọtị ọnịrị ezi anị ẹẹrị. Avọ ọ, ịnị ẹtẹ ọnọnị gẹdẹ-gẹdẹ ọnị rẹ vaa yaa sị ụyaa rị wụ nị. Ịzẹyịza, dị Ijehu kà a yị ozi ahụ anị ka, ọ̀ sị oku Ijorami di ò ne e ta ịnị ẹtẹ Ịnabọtị nị, agụvị ịrẹyị ọnị Ẹnẹyịmavara kà ọ̀ sẹ.

Ijosuwa 7:19

Dị Ijosuwa kà a, “Ozi emi, ka ịzẹyịza ịzẹnị ọvịdị Ẹnẹyịmavara ana vị Ohomorihi Anisirẹrị nịnị. Ka irenu awụ kà a mị booro anị ịsị ụ mẹ̀. Asị ụ da a gu.”

Oyinyima 18:20

Dị Ẹnẹyịmavara va kà a yị Abụrahamị dị ọ ka: Ọnị ộ wụ́ aza mèe nowu ka ebira odivi ana anẹkụra Isodọmị ọnịrị Igomora aa mẹ̀ ọ sị banyị ẹnẹmẹhị.

Oyinyima 3:13

Di Ẹnẹyịmavara Ohomorihi va họ̀ ọnẹẹ ọnọọ use ka: Sị ọ mẹ aanị? Dị ọnẹẹ ọnọọ ọnị rẹ ka, Ẹ́wụ́ o vene ọnị dị ọnị va na rị ọ nị.

Odeyi 5:9

Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.”

Odeyi 5:3

Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ?

Iwe Ọhụhị Imosiisi ana aa hị́ Ọyịvatụrọda 21:1

Ọza òo hee oku ọza ọnị ọza ọ yị yẹ ọza ana wụ ọ ịnị ẹtẹ ọnị Ẹnẹyịmavara sị yị wa,

1 Ịsamụwẹrị 13:11

Dị Ịsamụwẹrị kà, “Sị ụ mẹ aanị?” Dị Ịsọọrụ kà, “Mê re ka aza e si nyima aa vaa hụrẹ mị ẹngụ, wệ yị vẹ ịnị ụmẹ ọnị ụ jị. Anihwirisiti ẹnị aa waraa gụ Imikimasi.

2 Ịtọpa 28:9

 nyị ọnọrụ ọnya aanị ana aā hị́ Odedi ana vị ọnịsẹ Ẹnẹyịmavara ana ra ẹkụra Ịsamarịya, ộ na gẹrẹ isoja Anisirẹrị nịnị mẹ̀ kụ́ Anijuda nịnị ẹnẹ ẹ za orihi aa vaa ngụ ẹkụra Isamariya. O me tu wa, dị ọ kà a Ẹnẹyịmavara Ohomorihi ohiku ẹnịnị ộ kụ́ ayị hi Anijuda, dị ọ navọ wa ka a nyị ẹbẹẹba ẹnịnị nị. Ama booro aanị ộ wụ́ oze odivi ẹnẹ ẹ zị wụ̀ aza ẹnịnị va ha.

Ahẹ Ụgama 9:13

Ẹnẹyịmavara, wéē re ọnịvị amị màa sị ụyaa rị mị! Navọ wa vayị amị asị ụ zẹẹ ka me sú!