Oyinyima 4:1 - IWE ỌNỊNỊ

¹ Ẹkụhị ọnya Adamị ộ nọ ịda ose anị. Ịnị ụmẹ chee di ose anị ee zyẹẹ nị. Ộ ma ozi ọnọọ ọnọrụ. Di Iivi ka: Ẹnẹyịmavara Ohomorihi ọ raà mẹ ọgụvọ yị ọnị ka ọnị ọ̀ ma ozi ọnọrụ ọnya. Dị ọ ka agụvị avọọ ozi ọnọọ ọ rị Ikeeni nị.

Oyinyima 4:1 Referans Kwoze

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Oyinyima 4:25

Adamị ọ rẹ nọ ịda ose anị, dị ọ ma ozi ọnọrụ nị. Dị ọ hị́ ọ Ịsẹtị nị, ọnị ọ vị ka Ohomorihi ọ raà sị ozi ọnọrụ ọsa dọ Ẹba ịrẹsụ mị. Ikeeni mẹ̀ sị Ẹba wụ.

Oyinyima 5:29

dị ọ hị́ ọ Inowa nị. Ọ kà, Ozi ọnọnị vaa mẹ̀ ka ẹnị ẹ̀ daba hi ụhwẹ ịnị ụkọrọ ẹnịnị ọnịrị ụya ọnị ẹnị sị Ochẹtẹngụ rị Ẹnẹyịmavara mẹ̀ hụrẹ chì hi ẹhẹ.

Ịrịka 31:17

Dị ọ mẹ ọda ka ẹnịnị wụ́ avaba ezi anọrụ Animidiya ọnịrị anẹẹ ẹnịnị ana sị ọnọrụ yẹ.

Oyinyima 3:24

Dị ọ vavọọ dụ ọnọrụ ọnọọ jịnẹ nị, dị ọ kụ́ ịsa ana nyị ụhwẹ ana aā hị́ icherubi nịnị, dị ọ kụ́ wa hi eyi ọnị ọyịị̄ zịị vẹ ịnị ụbazị Edẹnị nị. Dị ọ rẹ kụ ụhwọ ọbanyị ịrịịra hi ịzọọ ene ee jesii zị agụvị asị a nyị ọza ana kụkụ zụ ngụ ịzọọ ne tù ọchị ana zụ mẹ ka ọza ọ̀ yàra pooro.

Oyinyima 4:2

Ọ rẹ ma ozi ọnọrụ ọsa ana aā hị́ Ẹba. Ẹba, ọ mẹ sị vịra dị aā pá atẹmẹ ọnịrị ẹvụ nị, di Ikeeni ọnị aa kụ́ ịrịkụ nị.

Ahẹ Ụgama 127:3

Ezi vi ogu ẹnị Ẹnẹyịmavara sịị yị ọza. Ize obooro ẹnịnị vị nị.