Oyinyima 26:3 - IWE ỌNỊNỊ

³ Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ.

Oyinyima 26:3 Referans Kwoze

Oyinyima 28:15

Di Ohomorihi rẹ ka ọnị ộ jẹẹ pè e, ọnị vee sere e aha tụra aha ọnị ọ̀ọ nọ. Ọ rẹ ka ọnị aa sị ọ vaa vẹ ịnị ẹtẹ ọnọnị. Avaba ịsị ọnị ka ọnị aa mẹẹ yọ aanị, à yị nyị ka ọnị ọ yị mẹ̀ ẹ, ka ọnị ẹ yị vaa va ịrẹma anị.

Ahẹ Ụgama 105:9

Ịrẹyị ọnọọ vị ọnị ọ vịdị kà yị Abụrahamị, dị ọ rẹ hị́ eku anị yị Ayiziiki ka ọnị vaa mẹ̀ ẹ nị.

Oyinyima 20:1

Abụrahamị ộ hụrẹ Imamire, dị ọ zi oze Ịnẹgẹvị dị ọ na yà ịnị akakana Ikadesi ọnịrị Isuri nị, dị ahịka ịnị ẹkụra Igera ọ ra nị.

Oyinyima 17:8

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

Oyinyima 15:18

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

Oyinyima 13:17

Dị ọ rẹ ka ọ̀ kwẹẹtẹ dị ọ̀ maanị che ẹtẹ ọnọọ ajaajẹẹ ọnịrị ẹvẹnẹ-ẹvẹnẹ na para hu. Ọ kà ọnị ọnị vaa sịị yị nị.

Oyinyima 13:15

Ọ kà avaba ẹtẹ ọnị ọ maanị re aanị ọnị ne beri Ụnanka anị ịrẹma-ịrẹma ọnị vaa sịị yị, dị ọ vị ẹẹnịnị pooro zịna-zịna nị.

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Anihiburu 11:9

Ini oze ka Abụrahamị ộ sị ayị tụra Ohomorihi, ọ na ra ịnị ẹtẹ oni Ohomorihi ka ẹ yị zụ nyị ka ọnị ọ yị vaa sịị yọ. Ộ yà ịzọọ anka ọzọga. Ọnị beri Ayiziiki ọnịrị Ijekọvụ oni Ohomorihi rẹ hị́ eku ọnọọ vị ana ra ịnị ajẹngụ kẹnẹ,

Anihwiripi 4:9

Ịrẹyị ọnị mị raà sị zụ̀ wụ nịnị, di mi reè si chire wu nịnị ụvọ, dị ụ wụ́ ọọ hụụnị irenu amị nịnị, di u re re, m màa mẹ̀ ẹ nịnị, ẹwụ nịnị ọ̀ rẹ vavọọ mẹ̀ ẹ. Ohomorihi anaā sịị ẹngwọọrọ yị ọza, vaa yàa beri ewu nịnị.

Ayịsaya 43:5

Asị ụ hí angwa, agụvị ka mị yà pe wu nịnị. Mị vaa kụ́ ezi ewu nịnịị hụrẹ eyi ọnị ọyịị̄ zị vẹ, ọnịrị hụrẹ eyi ọnị ọyịị̄ zị naa ngụ ẹtẹẹ vẹ. Mị vaa kụ́ wụ nịnị gụ.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ahẹ Ụgama 32:8

Di Ohomorihi kà ọnị vaa zụ̀ mi oze ana a vọrọ ka mị va zị. Ọ kà ọnị pè mii jị uwe, di ọnị ee sere mị

Oyinyima 39:21

Ama Ẹnẹyịmavara vị ana jẹ ịrẹma Ijosẹẹhụ. Ô yi hi ayị Ijosẹẹhụ, dị ọ mẹ ka ọga aza ene sị eyi pè anịnẹngwa è sì ịrẹyị Ijosẹẹhụ nị.

Oyinyima 39:2

Ẹnẹyịmavara ộ jẹẹ ịrẹma Ijosẹẹhụ, dị ọ mẹ ka ò zee yọ nị, agụvị avọọ dị ọga anị sị ọ ka ọ va yà ini eehi Anijipiti ana vị ọga anị nị.

Oyinyima 26:14

Ộ nyị atẹmẹ ọnịrị imaaru rụrụ. Avọọ ọ mẹ̀ rẹ nyị ezi ahụ nị. Ụbanyị anị ọnọnị ộ mẹ̀ ka Anihwirisiti è kukuu pè e kụ́ ụ̄hị́.

Oyinyima 26:12

Ịnị ịrayị ọnọọ, Ayiziiki ô chire ịsa tụ́ ịnị ẹtẹ ọnọọ, dị ọ mẹ ẹtẹẹtẹrẹ. Ịsị o chire ọ varẹma re e sị oze ẹchẹhị. Ẹnẹyịmavara ộ mẹ̀ ka ò zee yọ,

Anihiburu 6:17

Ohomorihi óo sì ka ọnị ọ̀ kà a gedebee yị ọza ọnị ọnị vaa sị ẹyịza ọnọọ yị, ka ọnị ọ yị vaa vara ịrẹyị anị. Agụvị avọọ ọ hị́ eku tụ́ ịnị oto anị nị.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Ahẹ Ụgama 39:12

Ẹnẹyịmavara, navọ wa wụ́ ịpọda amị sị wa gụ mị ụvọ Wê re m maa jị òrèrè, navọ we tụ́ mi ohi dị wa gụ mị ụvọ. Ọzọga mị vị dị mị ra pè wu anka ohiku amị mẹ̀ ra pè wu nị.

Oyinyima 25:11

Abụrahamị mè wusu, Ohomorihi ộ mẹ̀ ka ò zee yị Ayiziiki ozi anị. Di Ayiziiki kwẹẹtẹ na ra ọgụrị ịzị aa hị́ “Ịbẹẹrị-Ịraha-Ịrọyị” (ịkangga ọza ana yàrà eneē re mị).

Oyinyima 26:24

Ịrahụ ịhị ọnọọ, Ẹnẹyịmavara ọ sị ẹngụ zụ ọ, dị ọ kà a yọ dị ọ ka, “Ẹma vị Ohomorihi Abụrahamị ada awụ nị. Asị u hí angwa agụvị ka mị yà pè wu. Mị vaa hụ agụvị Abụrahamị ozi ahụ amị dị mị mẹ ka ò zee wu, dị mị mẹ ka ezi ewu ẹ̀ rụrụ.”

Oyinyima 28:13

Di o re re ka Ẹnẹyịmavara ộ jẹẹ pè ọnị dị ọ ka: Ọnị ọ̀ vị Ẹnẹyịmavara ana vị Ohomorihi Abụrahamị ada anị ọnịrị Ayiziiki. Ọ kà ẹtẹ ọnị ọ hụtụ tụ́ aanị, ọnịrị ezi anị ọnị sịị yị nị.

Oyinyima 31:3

Di Ẹnẹyịmavara va kà a yị Ijekọvụ dị ọ ka: Ọ̀ kwẹẹtẹ dị ọ̀ọ nọ ịnị ẹtẹ ada anị ịzị anda ẹnịnị hi, ka ọnị vaa yàa pe e.”

Oyinyima 35:12

Ọ kà ẹtẹ ọnị ọnị sị yị Abụrahamị ọnịrị Ayiziiki avọọ, vị ọnị ọnị rẹ sị yị ọ. Ọ kà ẹtẹ ọnọọ vị ọnị ọnị aa sịị yị ezi anị ịrẹma-ịrẹma.”

Oyinyima 48:21

Di Ijekọvụ va hị́ Ijosẹẹhụ dị ọ ka, “Ọ̀ yẹ o ka ọnị ee vee sú. Ama Ohomorihi vaa jẹẹ ịrẹma anị, dị ọ sị ọ varẹma nọ ịnị ẹtẹ ohiku anị nịnị.

Oyinyima 50:24

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

Ọyịkụra 6:4

Dị ọ rẹ ka ịsị ọnị dọ ka ọnị vaa mẹẹ yị wa vị ana jị jẹẹ geri-geri. Ọ kà ọnị ka ẹtẹ Ikanaani ẹnị ẹ vị ọzọga tụ́ aanị, vị ọnị ọnị vaa sịị yị wa, dị ahịka ẹnị ẹ kụkụ nyị nị.

Ọyịkụra 6:8

Dị ọ rẹ ka ẹtẹ ọnị ọnị kà a ka ẹ yị zụ nyị ka ọnị ọ̀ yị sị yị Abụrahamị ọnịrị Ayiziiki ne beri Ijekọvụ avọọ, ịzọọ ọnị aa kụ wa nọ nị. Ọ kà ọnị aa sị ẹtẹ ọnọọ yị wa dị ọ̀ vị ẹtẹ ẹnịnị. Ọ kà ọnị ọ vị Ẹnẹyịmavara nị.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 34:4

Dị Ẹnẹyịmavara kà yị Imosiisi ka, ẹtẹ ọnọnị ọnị hị́ eku anị ka ọnị vaa sị yị evere Abụrahamị, Ayiziiki ọnịrị Ijekọvụ. Ọnị ọ̀ navọ ka Imosiisi o re e ama ẹ yị vaa ngụ ịzọọ.

1 Ịtọpa 16:16

Ịrẹyị ọnọọ vị ọnị ọ vịdị kà yị Abụrahamị, dị ọ rẹ hị́ eku anị yị Ayiziiki ka ọnị vaa mẹ̀ ẹ nị.

Oyinyima 17:19

Di Ohomorihi ka: Eyiye, Isera ose anị vaa ma ozi ọnọrụ ọnya. Ọ̀ọ sị ọ ma dị ọ yị ọ Ayiziiki. Ọ kà Ịsị ọnị pè e kà tịtẹ aanị, ọnị ọnị vaa sịị yị nị, beri ezi anị ịrẹma-ịrẹma.

Ọyịkụra 2:24

Ohomorihi ộ wụ́ ẹ mẹ̀ vavọọ ee nowu. Di Ohomorihi tama ayị ịrẹyị ọnị ọnịrị Abụrahamị, Ayiziiki ọnịrị Ijekọvụ vịdị kà tịtẹ yị ẹngụ nị.

Ọyịkụra 3:12

Di Ohomorihi ka Ọnị vaa jẹẹ ịrẹma anị. Ọ kà ọnọọ vaa sị zụ̀ ka ọnị ọ tụ́ ọ nị. Dị ọ rẹ ka ọ̀ọ raà kụ́ aza ẹnẹẹ jịnẹ hụrẹ Ijipiti, dị ọ̀ va hẹkẹ ọnị Ohomorihi ịrẹsụ ataba ọnọọ.

Ọyịkụra 6:7

Ọ kà ọnị aa sị wa mẹ aza anị, dị ọnị vị Ohomorihi ẹnịnị. Ọ kà ọnị ọ̀ọ vavọọ sị ọ mẹ, ẹ vaa yẹ ka ọnị Ẹnẹyịmavara vị Ohomorihi ẹnịnị nị, ka ọnị ọ kụ̀ wa hụrẹ Ijipiti ka asị ẹ kụkụ vị ọrịhị ẹnịnị nị.

Ịrịka 23:19

Ohomorihi ọ yị vị ọzarẹyịrẹsụ. O yi mē cheeche, a vị dị ọ vara ayị anị. Ịsị ọ ka ọọ̄ mẹ̀ nị.

Ahẹ Ụgama 105:8

Ộ tamayị ịrẹyị ọnị ọ kà tịtẹ ka ọnị vaa mẹ. Ịrẹyị ọnọọ o mē jesi pooro, Ịrẹyị ọnọọ vị ana jị jẹẹ yị ezi ịrẹma-ịrẹma ana vanaa vẹ.